رواية كاملة

أيه ده أنتم عارفين بعض أهو.
رد وقال_ لا والله أبدا ده مجرد موقف في الشارع بس جمعنا.
ضحكت وقالت_ اللقا نصيب.
___
_في أمل يعني يابني!
جملة ماما قالتها لي بقلق وهو قاعد معانا بيفهم تفاصيل القضية ابتسم لأجل يطمنها وقال_ الوضع أه صعب لكن مش مستحيل واللي في إيدينا هنعمله للأخر.
سكت لحظة وبدأ تقليب الورق اللي بين إيده وقال وهو بيشاور على نقطة في العقد_ الورقة دي لو طلع توقيع المرحوم فيها مش سليم نقدر نهد اللي بيبنوه.
قلت باندفاع وأنا مشاعري سابقة عقلي_يعني فعلا ممكن نرجع البيت!
رفع عيونه ليا نظراته كانت ثابتة فيها قوة مش مصطنعة وقال بهدوء_ممكن بس محتاجين صبر وهدوء ومفيش مجال لأي غلطة دلوقتي.
هزت ماما راسها بتعب وقالت_ربنا يسهلك الطريق يا ابني إحنا ملناش حد بعد أبوهم وملهمش سند يقفلهم.
ابتسم ورد عليها بحنان وقال_ أنا جمبكم بعد ربنا يا أمي وبإذن الله مش هسكت على حقكم ولا هتهاون فيه.
اتنهدت بحزن وشردت وأنا بفتكر عمر وإنه أول إيد باعت وأول من اتخلى.
___
أيام بتمر وشهور بتعدي وك العادة الاجراءات القانونية بتاخد وقت طويل أحيانا بيأس وأحيانا بطمن كنا دايما بنتلاقى بيه بس مش بصفته المحامي ولكن بصفته جارنا وابن صديقة ماما اللي بقت سهراتنا ما بين عندنا ليلة وعندهم ليلة ومفيش أدفى من وجودهم حياة.
_بجد يا نهلة مبسوطة إني شوفتك وجودك فرق كتير.
_ هزهقك حبة حلوين متقلقيش مصطفى مسافر وهقعد عند ماما هنا شوية.
قعدنا والحكاوي خدتنا والذكريات بقى ليها مجال بينا وقتها ضحكت طنط حياة وقالت_ زمان أيام ما كنتم بتيجوا زيارات لجدتك هنا كنت بتشبطي في ياسين شبطة وكان ينزل بيكي يجبلك بمصروفه البسكوت والعصير ولا كأنه خلفك ونساك.
ضحكت وأنا بحاول أتهرب من كلام طنط حياة ووجهت نظرات سريعة لياسين اللي كان مبتسم ف ردت نهلة وقالت_ الغدارة كانت أول ما تيجي ياسين ياسين وتلعب معاه هو بالعربيات والمسدسات الهبلة بدل ما تلعب معايا أنا بالعرايس.
ضحكت من قلبي والحرج مرسوم على ملامحي وقلت_
ما هو بتقولك كان بيجبلي حاجات حلوة وانتي كنت پتخافي على فساتين العرايس بتاعتك.
ضحك وقال_ امسك اشمعنا بقى فاكرة نهلة وفساتين عرايسها ومش فاكراني أنا.
ابتسمت ونزلت عيوني للأرض بخجل وقلت وأنا بلعب بإيدي_ ما هو كنت صغيرة بقى والطفولة بتحتفظ بحاجات وتنسى التانية.
ضحكت ماما وقالت_ ولا لما نزل يلعب كورة ونزلت وراه من غير ما نحس وتاهت وقلبنا الشارع عليها.
ردت طنط حياة وهي بتضحك وبتحط إيديها على خدها وبتقول _ ياربي ده كان يوم ساعتها قلبي كان هيقف من الخۏف عليها.
نهلة شاركتهم الكلام وقالت وهي بتضحك_فاكرة اليوم ده لقيت ماما بټعيط وياسين طالع يجري وهو بيقول أنا السبب أنا اللي ضيعتها.
وجهت نظراتي لياسين في اللحظة دي وملامحه كانت بين الضحك والحرج وقال _أنا ساعتها افتكرت إني ضيعتك بجد وكنت ناوي أهرب قبل ما يحسبوك عليا بني أدمة.
ضحكت وقلت_ يا جماعة هو مفيش سيرة غير سيرتي ما علا موجودة افتكرولها ذكرياتها أحسن.
ردت طنط حياة وقالت_ لا شهادة لله علا طول عمرها نسمة محدش بيحس بيها أنت اللي كنت شقية ومغلبانة.
سهرة مفيش ألطف ولا أخف منها عوضتني بضحكها عن ليالي كتير من البكا.
___
_ هتفضلي تتقلبي في السرير كتير!
اتنهدت وقلت_مش عارفة انام.
_ريحي شوية عقلك من كتر التفكير هينفجر.
_هو أنا بجد هونت يا علا!
_ الله يسترك نامي دلوقتي وهنكد الصبح جامد اوي أنا وأنت وماما وبابا وناهد وكلنا.
خبطتها بالمخدة وقلت_ نامي.
خرجت من الأوضة باتجاه البلكونة لأجل استمد راحتي من السما ونظراتي ليها اللي دايما بتطمني.
كانت نسمات الهوا باردة بتداعب ملامحي بخفة ومنظر السما وهي حاضنة ونجومها قد أيه دافي وحنين وسكون الليل وسكينته اتمنيتهم لو يكونوا في قلبي قطع شرودي
وقتها صوته وهو بيقول من البلكونة التانية_ أيه الصدف السعيدة دي.
ابتسمت وقلت_ النوم مخاصمك أنت كمان.
ضحك وقال_ الظاهر مكتوبلنا نتقاسم الارق سوا.
_مبينامش الليل إلا مرتاح البال.
_ وأيه اللي شاغل بالك ومحرم على عيونك النوم!
اتنهدت وعيوني لسة متعلقة بالسما وقلت_ غريب إنك تلاقي الإيد اللي تسند غريبة أما القريبة تفلت وتهجر وتسيبك واقف مكانك تسأل ليه من غير ما تلاقي رد يطفي نارك أو يرويك بس سيبك الليلة النهاردة جوها لطيف كأنه بيطبطب على الواحد ويداويه.
ابتسم بهدوء وقال_تشربي شاي
ابتسمت وقلت_تصبح على خير يا أستاذ ورانا جلسة الصبح.
___
كنا قاعدين في قاعة المحكمة التوتر كان بينهش في روحي ونظرات أعمامي ليا كانت مقبضة لقلبي حسيت إني لوحدي في ساحة مليانة خصوم كل نظرة فيهم فيها حكم وكل نفس بيطلع مني بيغلبه الخۏف.
وجهت نظراتي لوالدتي اللي كانت وكأنها شايلة هم سنين فوق كتافها وبتحاول تتماسك لأجل تبان قوية عشان متخلنيش انهار أما عن علا ف كانت ماسكة إيدي بس إيدها هي كمان كانت بترتجف من خۏفها نقلت نظري لياسين كان قاعد جنبي ماسك ورق القضية وبيراجعه بتركيز بس فجأة حس بنظراتي عليه ف وجه نظره ليا وقال بابتسامته الهادية الواثقة ك العادة_ مټخافيش إحنا ماشيين صح وحقكم هيرجع بإذن الله.
هزيت راسي رغم إن قلبي لسة ساكنه خوفه ودخل القاضي وبدأت الجلسة ابتدى محامي عمي بالمرافعة وكان بيتكلم بكل ثقة وكأنه فعلا صاحب حق وده اللي زاد ڠضبي لا وكمان مدعم موقفه بشهود زور وده اللي خلى الخۏف يتملك مني من بعدها بدأ ياسين يترافع هو كمان والحقيقة إنه مقلش ثقة عنه وطلب الطعن في صحة التوقيع وانتهت الجلسة بتأجيلها لمعاد تاني.
بعد ما خرجنا من القاعة وجه عمي نظراته ليا وقال_
لسه بتلعبي في الڼار يا مريم تفتكري
القانون هيجيبلك
حق مش ليك أنا ساكت لغاية دلوقتي من باب صلة الرحم لكن لو فضلت تسوقي الهبل كتير هتشوفي وش عمك التاني.
ورغم خوف قلبي ورجفته إلا إني استقويت على نفسي وقلت_ الڼار دي مش هيتكوي بيها غيرك سواء دنيا أو أخرة أنت فاكر إنك تستقوى على بنات أخوك وترميهم في الشارع وتبهدلهم في المحاكم دي هينة.
قرب مني خطوة وقال بصوت واطي بس كله وعيد_ أنت لسة مش عارفة أنا ممكن أعمل إيه.
هنا اتدخل ياسين اللي كان واقف على بعد خطوات مني ومراقب الموقف بتفاصيله وقال بنبرة هادية ك العادة لكن مستهزءة بكلامه وفر كلامك يا عم الحاج لرد المحكمة لأن الټهديد مش هيرهبنا والورق هيحكم بينا ساعتها بس هنعرف مين اللي بيلعب پالنار فعلا وهتحرقه.
عمي وجه نظراته لي وضحك ضحكة كلها سخرية وقال_براڤو حطيتكم في دماغي استنوا وشوفوا بقى أنتم والأراجوز اللي معاكم ده.
ختم كلمته بخبطة ب عكازه في الأرض ومشي وقتها مقدرناش نتمالك ضحكتنا أنا وعلا رغم هيبة الموقف إلا أن كلمته الأخيرة كسرت الخۏف وضحكتنا وقال ياسين وهو بيشاور على نفسه_أنا أراجوز!
قلت وأنا لسه بحاول أكتم ضحكتي_ ما هو كل واحد بيشوف الناس بعين طبعه وهو دماغه متعرفش غير التهريج والټهديد فطبيعي يشوفك كده.
ضحكت علا وقالت وهي بتسند نفسها عليا من كتر الضحك
_ يا بني ده لو عرف إنك كنت الأول على دفعتك في الكلية ومشهودلك في النيابة قبل ما تبقى محامي كان قال عليك سوبرمان مش أراجوز.
قال وهو بيضحك_ فكروني المرة الجاية أجي ب نص كم ونضارة حمرا وأطلع الجلسة الجاية أعمل شو.
ضحكنا وكأن لحظة الهزار دي زالت من على قلوبنا جبل من الهم ولأول مرة أحس إننا مش لوحدنا وإن فيه ضهر بجد وإن فيه رجالة لسة بتسند من غير حتى ما يطلب منها.
___
_إلا فين البت مريم محدش سامعلها صوت!
ردت علا على نهلة وقالت_يا بنتي قاعدة تعك في المطبخ وقال أيه بتعمل كيكة وقالت محدش يدخل ورايا عشان المفاجأة وكده.
ضحكت نهلة وقالت_دي تبقى مفاجأة فعلا لو الكيكة طلعت صالحة للأكل مش للحړق.
وقتها خلصت تحضيري للكيك ومن حماسي خدتها بسرعة وروحت لشقة طنط حياة مكان تجمعهم المعتاد وقلت وأنا مخبية الكيك ورا ضهري _ لما تشوفوني قولوا ماشاءالله لما تشوفوني قولوا ماشاء الله.
دخل لحظتها ياسين وهو راجع من شغله وهو بيقول_ السلام عليكم.
علا ضحكت وقالت_ ابن حلال حماتك بتحبك يا جدع لازم تكون اول من يدوق الإختراع العظيم بتاع الأخت مريم.
ابتسم وقال وهو بيقعد_ هو في أيه يا جماعة.
طلعته وقتها من ورا ضهري وقلت وأنا بضحك_ فيه كيك معمول بإيدي واتحداك تطلع منه حي.
نهلة مسكت بطنها من الضحك وقالت_يعني لو عدى عليك اليوم من غير مغص يبقى الكيكة ناجحة رسمي.
قال