رد الجميل بالسم حكـايات مني السيد حصري

الجزء الاول حكايات مني السيد حصري 
بعد العمر ده كله، وبعد ما اتجوزت عليا وسبتني شايلة عيالك لوحدي، جاي كمان تحاربني في أكل عيشي وتفتح محل جنب محلي؟!.... صړخت في وش جوزي وأنا مش مصدقة إنه وصل بيه الحال إنه يحاربني في رزقي بعد كل السنين دي!
أنا اتجوزت جوزي عن حب، وعشت معاه سنين طويلة بنبني حياتنا من الصفر. مكنش معانا حاجة في بداية جوازنا، لكن كنت دايمًا واقفة جنبه، وبشجعه إننا نكمل مهما كانت الظروف صعبة.
فتحنا محل صغير، وكنت أنا اللي واقفة فيه من الصبح لآخر الليل، أبيع وأشتري وأتعامل مع الزباين، وأحاول أكبر شغلنا يوم بعد يوم، لحد ما بقى لينا اسم معروف في المنطقة. أما هو فكان شغال في شركة، وكنا بنحوش كل قرش عشان نأمن مستقبلنا.
وبعد أكتر من عشرين سنة تعب وشقى، ربنا كرمنا واشترينا شقة بعيد عن بيت العيلة، ولسه عندنا شقتنا القديمة هناك كمان. خلفنا ولدين، الكبير في تانية كلية طب، والصغير في تالتة ثانوي، وكنت فاكرة إن خلاص تعب السنين قرب يجيب نتيجته، وإننا هنبدأ نفرح بعيالنا ونشوفهم بيحققوا أحلامهم قدام عينينا.
لكن اللي حصل كان عكس كل توقعاتي.
جوزي بقى كل ما تحصل بينا مشكلة يهددني إنه هيتجوز عليا، وكنت بفتكر إنه مجرد كلام وقت الخناق، لحد ما جه اليوم اللي اتعرضت فيه لحاډثة واتكسرت رجلي، وقعدت ست شهور في الجبس.
وفي الوقت اللي كنت محتاجة فيه جوزي يقف جنبي ويساعدني، اكتشفت إنه بيجهز شقتنا اللي في بيت العيلة عشان يتجوز فيها!
اتجوز عليا وأنا عاجزة عن الحركة، وأنا اللي كنت طول عمري واقفة جنبه وبساعده نبني حياتنا. ساعتها حسيت إن كل السنين اللي عشناها مع بعض اتمسحت في لحظة، لكن مقدرتش أعمل حاجة غير إني أسكت وأحاول ألم نفسي عشان ولادي.
ولما خفيت، رجعت للمحل تاني، وبدأت أشيل مسؤولية نفسي وعيالي لوحدي. جوزي بقى ييجي البيت مرة أو مرتين في الشهر، ويسيبلي مبلغ بسيط، وأنا أدبر باقي المصاريف من شغلي.
كنت بتحمل كل ده وأقول لنفسي إن المهم ولادي يكملوا تعليمهم، وإن لما يتخرجوا ويقفوا على رجليهم، هقدر أخيرًا أرتاح من الحمل اللي فوق كتافي.
لكن جوزي كان لسه مخبيلي صدمة جديدة!
عرفت بالصدفة إنه مأجر محل جنب محلي بالظبط، وناوي يفتح نفس النشاط اللي أنا شغالة فيه من أكتر من عشرين سنة.
في الأول افتكرت إني فهمت غلط، لكن لما اتأكدت، مقدرتش أسكت. روحت له وواجهته، وقلت له بۏجع وقهر
إنت مش كفاية إنك اتجوزت عليا وسبتني شايلة مسؤولية ولادك لوحدي؟! جاي كمان تنافسني في رزقي وتفتح محل جنب محلي؟! هو أنا عملتلك إيه عشان تحاربني بالشكل ده؟!
بصلي بمنتهى البرود، وقال
يعني إيه؟ هو أنا مش من حقي أشتغل وأفتح مشروع زي أي حد؟ إنتِ ناسية إني فاتح بيتين، وفي بيتين في رقبتي!
ضحكت من القهر، وقلت له
بيتين إيه يا محمود؟! إنت بتيجي عندنا مرة ولا مرتين في الشهر، وبترميلنا شوية فلوس متكفيش مصاريف يومين! أنا اللي بصرف على عيالك، وأنا اللي واقفة من الصبح لآخر الليل عشان أوفر لهم كل اللي محتاجينه. عندي ابن في كلية الطب، وابن داخل على الثانوية العامة، ومصاريفهم لوحدها تقطم الضهر، وإنت بدل ما تساعدني، جاي تحاربني في أكل عيشي كمان؟!
رد عليا بعصبية
كل واحد يشوف شغله، وأنا مش هسيب المحل عشان إنتِ فاتحة جنبي!
الكلام ده نزل عليا زي السکينة. رجعت محلي

وأنا بفكر في كل السنين اللي ضحيت فيها عشان البيت ده، وفي الآخر لقيت نفسي لوحدي، لا جوز واقف جنبي ولا حتى راجل مقدر تعبي.
لكن وسط القهر ده كله، بدأت أفكر في حل عمري ما كنت أتخيل إني ألجأ له.
طالما هو شايف نفسه قادر يفتح محل جديد ويتحمل مسؤولية شغله، يبقى لازم يتحمل مسؤولية ولاده معايا، ويصرف عليهم بدل ما أنا اللي شايلة كل حاجة لوحدي.
بس كنت خاېفة أضغط عليه، فيعند أكتر، والولاد يدفعوا تمن خلافات ملهمش ذنب فيها.
وفضلت محتارة لحد ما قررت إني مش هسكت المرة دي، ولا هفضل أتحمل كل حاجة لوحدي.
تاني يوم، روحت له المحل الجديد عشان أتكلم معاه مرة أخيرة، لكن أول ما دخلت، لقيته واقف مع الصنايعية، وقدامه شوية أوراق على المكتب.
كنت هتكلم، لكن عيني وقعت على ورقة مكتوب عليها اسم ابني الكبير، وتحت الاسم مبلغ كبير من الفلوس!
قلبي اتقبض، ومديت إيدي أخدت الورقة قبل ما يلحق يمنعني.
أول ما شافني بقراها، وشه اتغير، وجري ناحيتي وخطڤها من إيدي وهو بيزعق
إنتِ بتعملي إيه هنا؟! مين سمحلك تدخلي وتفتشي في حاجتي؟!
بصيت له پصدمة وقلت
إيه علاقة ابني بالورق ده يا محمود؟! وإيه الفلوس المكتوبة باسمه دي؟!
سكت لحظات، وبعدين بصلي بنظرة عمري ما شفتها في عينيه قبل كده، وقال بصوت واطي
اسمعي الكلام كويس يا سعاد، وانسي موضوع المحل ده خالص، لأن لو عرفتي الحقيقة، مش هتقدري ترجعي في كلامك أبدًا!
وقبل ما أقدر أرد عليه، تليفوني رن، ولما شوفت اسم ابني الكبير على الشاشة، قلبي وقع في رجلي.
رديت بسرعة، وسمعته بيقولي بصوت مخڼوق
ماما، لازم تيجي البيت حالًا... أنا عرفت بابا بيعمل إيه، والموضوع أكبر بكتير مما إنتِ متخيلة!
الو! يا حازم، في إيه يا ابني؟! صوتك ماله؟! انطق وقعت قلبي!
مينفعش في التليفون يا ماما.. تعالي البيت حالا، ومتقوليش لبابا إنك جاية، ولا تبيني له أي حاجة.. أرجوكي بسرعة!
الخط قطع. الصوت وهو بيترجف في ودني خلّى ركبي تخبط في بعض، والورقة اللي محمود خطڤها من إيدي حسيت كأنها كانت بتتحرق بين صوابعي. بصيت لجوزي، كان واقف وشه أصفر زي الليمونة، عينه بتهرب مني يمين وشمال، وماسك الورقة ومطبقها في قبضة إيده كأنه ماسك جمرة ڼار خاېف تفضحه.
البرود اللي كان بيتكلم بيه من شوية اتبخر، واتبدل بتوتر غريب عمري ما شوفته عليه في تلاتة وعشرين سنة جواز. راجل عاش معايا الحلوة والمرة، عمري ما شفت في عينه الخۏف ده إلا اللحظة دي.. خوف مش من خناقة عادية، ده ړعب واحد اتقفش في مصېبة ميعرفش يخرج منها إزاي.
مين ده اللي بيكلمك؟! حازم؟! قالك إيه؟!
سألني وهو بيقرب خطوة نحيتي، صوته كان فيه رعشة مهزوزة حاول يداريها بنبرة هجوم.
بلعت ريقي اللي نشف في ثانية، وحاولت أجمع شتات نفسي وأثبت رجلي على الأرض المبلولة بجبس ومونة المحل الجديد
مالك اټخضيت كده ليه يا محمود؟ وشك جاب ألوان ليه أول ما سمعت اسم ابنك؟! ما كنت من شوية واقف عامل فيها أسد وبتقولي أنا حر وأفتح بيتين! ابنك كان بيطمن عليا، بيسألني إمتى هروح.. بس السؤال الحقيقي هنا ليك إنت اسم حازم بيعمل إيه في كشوفات محلك الجديد؟! والمبالغ دي إيه حكايتها؟!
محمود ضغط على أسنانه، وبص للصنايعية اللي كانوا واقفين يتابعوا المشهد بفضول، وبصوت فحيح واطي مسكني من دراعي وشدني خطوتين لبرا المحل
سعاد، اطلعي برا دلوقتي! اطلعي واقفلي على لسانك

وماتدخليش نفسك في حسابات شغل إنتِ متفهميش فيها! حازم ابني وأنا أدرى بمصلحته، والموضوع ده لو فتحتي فيه بؤك قسماً بالله ما هيحصل طيب! يلا، ارجعي على محلك وماشوفش وشك هنا تاني!
زق دراعي بقسۏة، القسۏة دي مكنتش جديدة عليا، شفتها يوم ما دخل عليا وأنا عاجزة في الجبس وقالي ببرود أنا كتبت كتابي والنهاردة ډخلتي في شقة العيلة، مش هقضي عمري مستنيكي لما تخفي. بس المرة دي، الۏجع مكنش في كرامتي، الۏجع كان ړعب على ضنايا. في حاجة مش مظبوطة بتحصل، وريحة الغدر فايحة في كل ركن.
نزلت من قدامه من غير ما أنطق بنص كلمة تانية، بس عيني كانت متعلقة بيه بنظرة توعد. مشيت في الشارع وخطواتي بتسبق عقلي. كل خطوة كانت بتفكرني بطريق مشيته سنين.. الشارع ده أنا عارفة كل طوبة فيه، كل محل وجار، كل زبون دخل عندي اشترى وصبح عليا. المحل بتاعي كان دمي وعرقي، ودلوقتي مش بس بيحاربني في لقمة عيشي، ده شكله حاطط عينه على الولاد ومستقبلهم كمان!
دخلت محلي، لقيت البنت اللي بتساعدني واقفة مع زبونة، شورتلها من غير ما أتكلم، خطفت شنطتي من على الكرسي الخشب، وطلعت أجري على أول الشارع أوقف تاكسي.
على فين يا أبلة؟ فيصل.. شارع العشرين، واجري وحياة والديك على آخره!
طول الطريق ودماغي بتغلي زي المرجل. الأفكار بټضرب في راسي ضړب. اسم حازم.. وتحته ميتين وخمسين ألف جنيه.. وتحت الميتين وخمسين ألف، أرقام تانية وتوقيعات! حازم طول عمره مالهوش في التجارة، طالب طب مش فاضي يحك دماغه، عايش بين الكتب والمذكرات والمستشفى، لا بيطلب فلوس بزيادة ولا حتى بيسأل في شغل المحل، كان دايمًا يقولي يا أمي إنتِ تعبتي وشيلتي، بكره اتخرج وأشيل عنك كل ده وتريحي رجلك اللي شقيت سنين. إيه اللي يربط حازم بورق محمود ومحله الجديد؟!
ولما التاكسي وقف قدام العمارة، كنت بنهج كأني جريت المسافة كلها على رجلي. طلعت السلم طيران، قلبي كان بيدق في وداني بصوت عالي كأنه طبلة حرب. طلعت المفاتيح وإيدي بترتعش، يدوب حطيت المفتاح في الباب، لقيته اتفتح على طول. كان حازم واقف ورا الباب مستنيني، وشه مخطۏف، وعينيه حمرة كأنه كان بيعيط أو على وشك ينفجر.
دخلت ورزعت الباب ورايا، وقبل ما أنطق، لقيت ابني التاني الصغير، مصطفى، قاعد على الكنبة في الصالة حاطط راسه بين إيديه ورجله بتتهز بعصبية وتوتر.
في إيه يا ولاد؟! اتكلموا وقعتوا قلبي.. جرالكم إيه؟! أبوكم عمل إيه؟!
حازم مسك إيدي وقعدني على الكرسي، وقعد قدامي على ركبه في الأرض، ومسك كفوفي الباردة
اهدي يا ماما، اهدي عشان لازم تسمعيني للآخر وتفهمي المصېبة اللي إحنا واقعين فيها.. بس احلفي بالله إنك هتتماسكي ومتعمليش في نفسك حاجة.
اتكلم يا حازم ومتشلنيش! شفت ورقة في المحل باسمك ومبالغ كبار.. أبوك بيعمل إيه؟!
حازم غمض عينيه بمرارة وبلع ريقه، وبعدين طلع من جيبه ملف كرتون لونه أزرق رماه على الترابيزة قدامي.
شوفي يا ماما.. الحكاية مش حكاية محل فاتحه يضايقك وخلاص.. أبويا مش بيفتح محل بفلوسه، أبويا بيفتح المحل بفلوسنا وباسمنا إحنا!
بصيت للملف ولابني بذهول يعني إيه بفلوسكم وباسمكم إحنا؟! فهمني!
من ست شهور.. يوم ما كنتِ إنتِ في الجبس وقاعدة مکسورة ومش قادرة تتحركي.. جه أبويا وطلب مني بطاقتي الشخصية، وبطاقة الترشيح بتاعت الكلية، وشوية أوراق تخص مصطفى كمان. سألته وقتها ليه يا بابا؟، قالي عشان أعملك حساب بنكي وأحولك عليه مصاريف

الكلية والكتب عشان متفضلش تطلب من أمك وهي تعبانة، وتكون مؤمن مادياً.
سكت حازم وضحك بمرارة قهر، ومصطفى الصغير اتنهد بصوت واطي