رواية كاملة

إنها بتشتغل عند مدام ثريا، وده اللي استغربته أكتر. إزاي واحدة متعلمة تشتغل خدامة؟
بس زينب قالتلي إن مدام ثريا بتعاملها زي أختها، مش خدامة.
ثريا فعلًا.
محسن يعني يا ثريا إنتِ كنتي تعرفي كل ده عن زينب؟
ثريا في الأول لا، بس بعد فترة زينب حكتلي على كل حاجة، وقالتلي مش عايزة حد يعرف.
وأنا احترمت ده.
جمال زينب طلبت مني إن ما أدخلش في حياة سدره، علشان البنت ما تعرفش أي حاجة، وكمان ما تعرفش إني باباها.
وأنا وافقت على كلام زينب، بس علشان هي كانت تعبانة. وطبعًا عمري ما كنت هتخلى عن بنتي.
فضلت جنب زينب لحد ما ماتت، من غير سدره تعرف إني أبوها.
وبعد كده حكيت لعلاء على كل حاجة، علشان هو أخوها وسندها من بعدي.
وفي الحقيقة طلع ابن حلال، وكان عايزها تيجي تعيش معانا، ولما قولتله مش هينفع دلوقتي، علشان عرفت إنك جوزتها لابنك، بقى يعرف أخبارها من بعيد لبعيد.
لحد ما كان في الخطوبة بالصدفة، وشاف أخته وهي مكسورة من أقرب شخص ليها، المفروض إنه جوزها.
راح وحكى لي على كل اللي شافه، وقد إيه مسك نفسه عن هشام.
علاء كده عرفتوا كل حاجة، وأنا مش هسمح لأي حد يجرح أختي مهما كان.
هشام تقصد إيه؟ ولا إنت ناسي إنها مراتي؟
علاء كان زمان قبل ما تبقى أختي.
هشام يعني إيه؟ إنت أهبل؟
ثريا بس اهدى يا هشام، الموضوع ما يتاخدش كده.
يتبع
ثريا اهدى يا حبيبي.
هشام إنتِ شوفتي هو قال إيه؟
عمر إنتوا نسيتوا سدره خالص في كل الكلام ده.
هشام قصدك إيه إنت كمان؟
عمر ولا حاجة يا هشام، بس سدره لازم تعرف الأول، وبعدين تبقى تقرر.
سدره أنا سمعت كل حاجة، صوتكم كان عالي.
ثريا سدره حبيبتي، أنا مش هقدر أستغنى عنك.
جمال سمعتي كل حاجة؟ وأكيد عرفتي أنا مين.
سدره أنا عارفة كل حاجة من زمان. ماما حكتلي على كل حاجة قبل ما تموت.
جمال يعني عارفة إني باباكي؟
سدره عارفة.
علاء طبعًا عارفاني أنا كمان؟
سدره بصراحة لا. ماما كلمتني عن بابا بس.
جمال وباباكي أنا كمان يا سدره.
علاء طيب إيه رأيك في الموضوع؟
سدره بصراحة ماما خيرتني بين بابا وبين هشام، وأنا اخترت هشام.
الكل اتصدم من كلام سدره.
ثريا يعني إيه الكلام ده يا سدره؟
سدره يعني أنا أول مرة هقول الكلام ده.
ثريا اتكلمي يا سدره.
سدره أنا كنت متأخرة على الكلية، وماما كانت جاية هنا. ماما عرضت عليا إني أركب معاها التاكسي بدل ما أستنى تاكسي تاني وأتأخر.
وفعلاً ركبت مع ماما. وطبعًا ماما كانت هتنزل الأول، لأن البيت هنا قريب، وبعدها أنا أكمل.
وصلنا، وماما نزلت.
ساعتها شوفت هشام خرج من البيت وواقف بيتكلم مع ماما.
بعدها بقيت أتأخر علشان ماما تعرض عليا أركب معاها التاكسي، وأشوف هشام.
ما كنتش أعرف إن ده اللي بيتقال عليه الحب. كنت أول مرة أحس بحاجة زي دي.
المهم، جيت في يوم خوفت من اللي أنا بعمله، وقلت ده حرام.
وحكيت لماما كل حاجة.
بصراحة ماما ساعتها ما علقتش ولا بكلمة، وده كان مقلقني. سمعت وسكتت.
ما كنتش أعرف إن ماما في نفس الوقت كانت عرفت إنها مريضة بالسرطان.
وبعد كام يوم لقيت ماما بتنادي عليا.
سدره نعم يا ماما؟
زينب أنا عايزة أقولك على حاجة.
سدره اتفضلي يا ماما.
ماما حكتلي كل حاجة، وعرفت إن عندي بابا، وعرفت كمان إن ماما مريضة بالسرطان. اتصدمت من كلامها.
بس ساعتها ماما علشان ما أفكرش كتير، قالتلي إن بابا ما كانش يعرف إنه عنده بنت، وإنه من كام يوم كان عايز ييجي يتعرف عليا وياخدني أعيش معاه، بس هي رفضت.
سدره طيب عايزاني أقول إيه بعد ده كله؟
زينب أنا كلمت ثريا هانم إنك تعيشي معاها.
سدره إنتِ بتتكلمي كده ليه يا ماما؟ أعيش مع ثريا هانم ليه؟
وإنتِ يا ماما أسيبك إزاي؟ طبعًا لا، إنتِ يا ماما حياتي كلها.
زينب إنتِ عارفة يا حبيبتي، والله ما في حاجة... مش عارفة أقولك إيه.
سدره في إيه يا بنت ماما؟
زينب أبدًا يا حبيبتي. إنتِ عارفة إني تعبانة وهروح المستشفى كام يوم.
سدره إنتِ مخبية عني إيه؟
زينب ولا حاجة. وهو إنتِ صغيرة يا سدره؟ إنتِ سنة وهتبقي دكتورة.
سدره خلاص، أنا هفضل هنا في شقتنا.
زينب اللي يريحك. أنا تعبانة ومش قادرة أتكلم.
يتبع
سدره مالك يا ماما؟
زينب مش قادرة... يا رب بنتي، وعايزة أبقى مطمنة عليكي وأنا في المستشفى.
سدره خلاص، هعمل اللي يريحك.
زينب ربنا يرضى عليكي.
سدره بس بشرط.
زينب إيه تاني؟ هو إحنا مش هنخلص؟
سدره أنا أفضل هنا كام يوم، وبعدين أبقى أروح عند مدام ثريا.
زينب على العموم، أنا لازم أدخل المستشفى النهارده، علشان ليا علاج لازم أخده.
سدره طيب أنا هلبس بسرعة.
زينب لا يا حبيبتي، إنتِ عندك مذاكرة. مدام ثريا هي اللي هتوديني المستشفى، وزمنها جاية.
سدره يا ماما، مش هينفع.
زينب يظهر إن مدام ثريا جيت، سمعت صوت العربية.
سدره وقبل ما تمشي، فضلت جنب ماما، وكأني كنت حاسة إن دي آخر مرة أشوفها.
في اليوم ده ما نمتش خالص، وفضلت قلقة على ماما.
ولما طلع النهار، لبست ورحت على المستشفى، بس كانت الصدمة.
عرفت إن أمي كانت داخلة على العملية على طول، مش علاج زي ما هي كانت قالتلي.
لقيت مدام ثريا هي اللي كانت هناك، ورحت وقفت جنبها.
وكنت عايزة أسأل على ماما، بس مش عارفة إيه اللي كان مانعني إني أسألها.
هي كمان كانت مستغربة، بس ما اتكلمتش.
وفجأة الدكتور خرج وقال البقاء لله.
أنا ما حسيتش بنفسي، وفقدت الوعي. ما فوقتش غير تاني يوم.
لقيت أمي مش موجودة، والبيت بقى فاضي، ولقيت جيراني بيعزوني.
وبعد كام يوم لقيت واحد من قرايبنا جاي بيقول إن مدام ثريا جاية علشان تشوفني.
لما مدام ثريا جت، اتفاجأت إن معاها عم محسن وهشام.
واتصدمت أكتر لما عرفت إنها جاية تخطبني لهشام.
والباقي إنتوا عرفتوه.
ثريا كلام سدره كله صح. ده اللي حصل.
جمال والله يا بنتي،
أنا كنت متابع كل تفصيلة في حياتك من لما عرفت إنك بنتي، بس ما كنتش عايز أتدخل إلا في الوقت المناسب.
علشانك إنتِ وعلاء أخوكي. كان عايزك تيجي تعيشي معانا، بس الوضع اللي إنتِ فيه هو اللي منعنا.
عمر ما تتكلم يا أستاذ هشام.
هشام كان واقف مصدوم من كلام سدره، وإنه عرف إنها كانت بتحبه.
عمر إيه يا طنط؟ كنتِ عايزة تجوزيني سدره؟
ثريا وطي صوتك يا عمر، مش وقته الكلام ده.
علاء بعد الكلام ده، أظن كل حاجة بقت واضحة.
هشام يعني إيه؟
علاء يعني إنت لازم تطلق أختي. كفاية أوي كده.
محسن اهدى يا بني شوية، طلاق إيه بس؟
جمال والله يا أستاذ محسن، المفروض ده اللي يحصل، علشان واضح إن هشام ما اعتبرش بنتي مراته، وأنا عندي بنتي بالدنيا كلها.
سدره لأول مرة تحس إن ليها سند حقيقي في حياتها.
علاء أظن كده مافيش كلام تاني.
عمر اهدى يا أستاذ علاء، هما بيحبوا بعض.
علاء مش باين. أختي بكره تتخرج، وأنا هعملها أكبر مستشفى في مصر، وهجوزها واحد يعرف قيمتها.
هشام مستحيل.
عمر انطق بقى يا عم، إنت مراتك هتضيع منك.
هشام أنا مش هطلق سدره.
علاء ليه؟ هو إنت جوزها؟ لا سمح الله، إنت لحد دلوقتي ما اتكلمتش معاها.
ولا إيه يا سدره؟
ثريا بس سدره مرات ابني، ومش هتخرج من هنا.
جمال أنا آسف يا مدام ثريا، مافيش أي حاجة بينها وبين هشام. ده مش جوزها بالمعنى الحقيقي.
سدره أنا موافقة على أي حاجة بابا وأخويا يقولوا عليها.
علاء تمام كده. يلا يا حبيبتي.
وفعلًا جمال وعلاء أخدوا سدره وخرجوا.
ثريا ومحسن ما قدروش يعملوا أي حاجة بعد كلام سدره.
عمر ارتحت يا هشام؟
هشام بس أنا بحبها.
وقالها بصوت عالي، والكل اتفاجأ من كلام هشام.
يتبع
الكل اتفاجأ من هشام.
عمر إنت لسه فاكر تقولها يا هشام؟ خلاص مشيت.
ثريا إنت بتحبها يا هشام؟
هشام أيوه.
عمر أيوه؟ دي كانت فين من زمان؟
هشام اللي حصل...
عمر طول عمرك متأخر يا هشام.
ثريا مش مهم، المهم إنه بيحبها.
محسن يعني إيه بيحبها؟ طيب وسدره؟ مافيش لها رأي؟ ولا إنتوا نسيتوا باباها وأخوها؟
هشام أنا مش هسمح لحد يفرق بينا.
عمر يا ولا يا جامد.
ثريا بطل هزار يا عمر.
عمر والله ما في قصدي يا طنط، أنا بس اتفاجأت من التغيير اللي حصل لهشام.
محسن هو مش تغيير، هو كبرياء الأستاذ.
ثريا خلاص يا محسن، إن شاء الله كل حاجة هتبقى أحسن.
هشام أنا هروح لحد عندهم وهتكلم مع سدره.
عمر مين قال إنهم هيخلوك تقابلها؟
ثريا في إيه يا عمر؟
عمر والله يا طنط، هي دي الحقيقة.
محسن عمر عنده حق.
عمر على العموم، سيبولي الطلعة دي، أنا اللي هروح.
هشام طلعة إيه الألفاظ دي؟
ثريا والله إنت سكر يا عمر.
محسن عجبك أوي؟
ثريا آه، عسل.
هشام في إيه يا ماما؟
عمر ربنا يخليكي ليا يا طنط.
محسن اتأدب يا أستاذ، إنت!
عمر ماما، بقول يا طنط أهو.
هشام إحنا سبنا موضوع سدره، وهنفضل نضحك على كلام سي زفت؟
عمر زفت أنا؟ الله يسامحك يا هشام.
دلوقتي لازم تشوف إنت ومي.
هشام آه والله، كنت ناسي ست مي دي كمان.
عمر إنت ناسي حاجات كتير.
محسن المهم، يا رب ولادنا لازم نرتاح شوية. خلاص النهار قرب يطلع، وبعدين نشوف هنعمل إيه.
ثريا خير بإذن الله.
وعدت الليلة على الكل، وجاء يوم جديد.
علاء إيه يا حبيبتي؟ زعلانة ليه؟
سدره أبدًا.
علاء هو صحيح أنا أخوكي من كام يوم بس، بس إنتِ عندي أغلى من الدنيا دي كلها. وكان نفسي من زمان يبقى ليا أخ أو أخت، والحمد لله ربنا كرمني بيكي.
سدره ربنا يخليك ليا وما يحرمنيش منك أبدًا.
علاء إيه جو الدراما ده؟ يلا قومي البسي علشان أفسحك.
سدره لا، معلش، أنا مش قادرة.
علاء لا، الكلام غير كده خالص.
سدره تقصد إيه؟
علاء إنتِ بتحبي هشام؟
سدره ................
علاء هههه، إحنا هنا.
سدره مش عارفة، أنا متلخبطة.
علاء يا حبيبتي، أنا معاكي في أي قرار تاخديه. أنا عارف إن أختي دكتورة وعاقلة، وأكيد اختيارها صح.
سدره تقصد إيه؟
علاء تاني يا حبيبتي؟ أقصد إن هشام مش وحش، هو كمان متلخبط زيك كده برضه.
علاء يلا بقى حضري الفطار، ورايا شغل كتير.
سدره فطار في عينك! إنت ناسي إن أنا أختك الكبيرة؟
علاء خلاص خلاص، مش عايز أفطر. أنا بس كنت عايزك تفوقي شوية.
سدره ولا يهمك يا حبيبي، أنا هعملك أحلى فطار.
عمر قوم يا هشام، النهار طلع، الساعة بقت عشرة.
هشام إنت إيه اللي منيمك هنا؟
عمر الله! ده فقد الذاكرة! فوق يا هشام، سدره وعلاء وعم محسن وطنط ثريا.
هشام خلاص يا عم، في إيه؟
عمر الحمد لله افتكر.
هشام رخم يا عمر.
عمر الناس اللي بيقروا الرواية هما اللي هيقولوا مين فينا اللي رخم.
هشام ماشي يا أنا، مستني.
يتبع
عمر طيب يلا يا أستاذ.
هشام على فين؟
عمر إنت فقدت الذاكرة تاني؟
هشام لا، بس هنروح على فين دلوقتي؟
عمر أنا اللي هروح، مش إنت.
هشام والله يا عمر، لو الزمن يرجع بيا تاني ليوم فرحي على سدره، كنت أعملها أحلى فرح في الدنيا.
عمر كان فين ده كله؟
هشام كان جوايا، بس كان متقيد.
عمر وإيه إن شاء الله اللي كان مقيدك؟
هشام مش عارف، ممكن المظاهر.
عمر الحمد لله يا صاحبي إنك فوقت.
هشام بعد إيه؟
عمر إنت تعرف إن سدره بتحبك أكتر ما إنت بتحبها بكتير؟
هشام هو ده اللي تعبني.
عمر خير إن شاء الله. يلا قوم، هنفضل نتكلم طول اليوم.
هشام أنا هسألك سؤال قبل أي حاجة.
عمر اتفضل.
هشام أنا سمعتك وإنت بتقول لماما إنها كانت عايزة تجوزني سدره.
عمر بصراحة، أمك كانت فقدت الأمل في إنك تحب سدره، فطلبت مني بعد الطلاق أتجوز سدره.
هشام وإنت وافقت يا عمر؟
عمر لا طبعًا، لأني عارف إن ده اللي هيحصل، وإنك إنت وسدره لبعض. وبعدين سدره زي أختي، وإنت عشرة عمري وصاحبي اللي ماليش غيره.
هشام ربنا يخليك ليا يا صاحبي.
علاء صباح الخير يا قمر.
سدره إيه الدلع ده كله؟
علاء هو في حد عنده أخت قمر كده زيي؟
سدره ربنا يخليك ليا يا رب وما يحرمنيش منك.
علاء هو صحيح إنتِ اتنقبتي علشان إنتِ قمر، ولا في حاجة تانية؟
سدره لا، أنا بحب النقاب من وأنا صغيرة. وثانيًا علشان جمالي، زي ما إنت بتقول، علشان ما يبقاش في شاب يبص عليا ويأخذ ذنب.
علاء ربنا يقوي إيمانك.
سدره اللهم آمين يا رب العالمين.
علاء عندك كلية النهارده؟
سدره أيوه.
علاء طيب قومي اغسلي وشك والبسي.
سدره أنا الحمد لله صحيت من بدري، صليت الفجر وقريت ما تيسر من القرآن.
علاء والله أنا مكسوف من نفسي.
سدره ليه يا حبيبي؟
علاء علشان يعني...
سدره خلاص أنا فهمت. ربنا سبحانه وتعالى بيحب عبده اللي بيتوب.
علاء إن شاء الله.
سدره وبعدين اتفضل إنت علشان ما تتأخرش على شغلك، وأنا هاخد تاكسي.
علاء تاكسي إيه؟ إنتِ انزلي اختاري أحلى عربية في الجراج على ما عربيتك توصل.
سدره إيه ده كله؟ أنا بحب البساطة، أي حاجة بتأدي الغرض.
علاء ليه؟ هو إنتِ أي حد؟
سدره على فكرة أنا مش بحب التباهي، كلنا خلق الله.
علاء طيب يا ستي، آسف. يلا بقى أنا أنزل قدامك.
سدره ثواني وهبقى تحت.
تليفون علاء رن.
علاء أيوه يا كبير.
الشخص كل حاجة تمام؟
علاء تمام قوي.
الشخص طيب كويس، خليك معايا على ما العملية تخلص.
علاء تمام.
سدره بتكلم مين
يا علاء؟
علاء أبدًا، ده واحد صاحبي. جاهزة؟
سدره أيوه، يلا.
تليفون سدره رن.
علاء مين يا سدره؟
سدره مش عارفة، رقم غريب.
سدره ألو، مين؟
هشام أنا جوزك... نسيتيني؟
سدره يا لهوي! أستغفر الله العظيم وأتوب إليه.
علاء مين يا سدره؟ اتلخبطي ليه كده؟
سدره مش عارفة.
هشام بحبك.
سدره أكيد ده واحد بيهزر. هشام إيه القَفَل ده اللي يتصل!
وقفلت التليفون.
يتبع
علاء قفلتي التليفون ليه؟
سدره حصلت حاجة غريبة.
علاء حاجة إيه يا سدره؟ التليفون ده من مين؟
سدره أبدًا مافيش. يلا هتأخر.
علاء طيب يلا اركبي.
سدره العربية جميلة أوي من جوه.
علاء عربيتك هتبقى أحسن منها بكتير. إيه يا بنتي، سرحانة في إيه؟
سدره ولا حاجة.
علاء هتخبي عليا؟
سدره هو في حاجة علشان أخبيها؟
علاء ماشي.
سدره طيب يلا، وقف علشان أنزل.
علاء وصلنا بسرعة كده؟
سدره هي الكلية قريبة أصلًا.
علاء طيب أنا هاجي أخدك إمتى؟
سدره لا، ما تقلقش عليا، أنا أروح لوحدي.
علاء لا يا حبيبتي، إنتِ عايزة بابا يزعل مني ولا إيه؟
سدره طيب سلام.
علاء سلام.
علاء ألو يا كبير، كل حاجة تمام؟
الشخص كويس جدًا.
علاء طيب اللي بعده إيه؟
عمر إنت أهبل يا بني؟
علاء بس يا كبير، أنا عملت زي ما إنت قلتلي.
عمر تمام كده. يلا سلام.
علاء سلام.
وجاء ميعاد خروج سدره من الكلية.
سدره هو فين علاء؟ آه يا عيل، قال هاجي أخدك علشان بابا ما يزعلش. طيب أنا هاخد تاكسي يا علاء.
وفجأة عربية وقفت قدامها.
سدره اتأخرت ليه يا علاء؟ وإيه العربية دي؟
سدره فتحت باب العربية وركبت، من غير ما تعرف مين اللي جواها.
سدره إنت مين؟
الشخص مش عارفاني؟
سدره هو إنت؟
هشام هو إيه اللي هو إنت؟ أنا جوزك.
سدره لو سمحت، وقف العربية.
هشام إزاي يعني؟ إنتِ مراتي.
سدره أنا هتصل بعلاء أخويا يلحقني.
هشام علاء عارف.
سدره نعم؟
هشام آه والله، زي ما أنا بقولك كده. علاء اتفق مع عمر علشان...
سدره علشان إيه؟
هشام بحبك.
سدره كان زمان، بس إنت كسرتني.
هشام آسف.
سدره هيفيد بإيه؟
هشام علشان خاطري، طيب... بلاش علشان خاطر ماما.
سدره ماما ثريا هي الوحيدة اللي وقفت جنبي.
هشام طيب سامحيني.
سدره أنا بنت الخدامة يا أستاذ هشام، ولا ناسي؟
هشام آسف والله، كنت غلطان.
سدره طيب طلقني.
هشام لا بقى، إنتِ هبلة؟
سدره إنت هتوديني على فين؟
هشام على بيتنا.
سدره بيت مين؟ أنا هتصل على بابا.
هشام بابا هو كمان عارف.
سدره تقصد إيه؟
هشام أقصد إني روحت عندكم البيت وحكيت لعمّي كل حاجة، وهو فهم قد إيه أنا بحبك، ووافق إني أتجوزك وعملك أحلى فرح.
سدره ................
هشام إيه؟ ساكتة ليه؟
سدره صعبان عليا نفسي أوي، أصل إنت ما كنتش شايفني أصلًا.
هشام مين قال؟ أنا كنت بحبك من أول مرة شوفتك فيها.
سدره طيب كنت بتعمل كده معايا ليه؟
هشام كان جهل مني.
هشام بس بقى، علشان وصلنا.
سدره وصلنا فين؟
سدره إيه ده؟ فرح مين ده؟
هشام فرحك يا قمر.
سدره بس أنا من جوايا لسه ماخدتش حقي.
هشام ماشي، ابقي خدي حقك بعدين.
سدره بس إنت لابس النقاب والعباية؟
هشام كل حاجة جوه، ما تقلقيش.
هشام افتح يا بابا العربية.
سدره مين؟ علاء! كده تبيع أختك يا علاء؟
علاء دي أحلى بيعة.
سدره وإنت كمان يا عمر؟
عمر أنا وطنط ثريا وعمك محسن وعمك جمال وعلاء أخوكي.
هشام بس بس، إنت هتعد؟
عمر علشان تطمن يا هشام.
ثريا أهلًا بقمر.
سدره طنط ثريا، ينفع كده؟
ثريا أولًا اسمها ماما ثريا، وثانيًا آه ينفع.
ثريا يلا بقى، الكوافير مستني من الصبح.
سدره كوافير إيه؟ لا، أنا مش بتاعت كوافير. أنا كده كويسة.
ثريا هي فيه عروسة من غير كوافير؟
سدره طيب تكون واحدة ست.
ثريا من غير ما إنتِ تقولي، هشام مش هيخلي أي راجل يحط إيده عليكي.
سدره ومش عاملة ميكب.
ثريا طيب يلا، كويس إنك وافقتي إنك تتجوزي أصلًا.
ثريا دخلت مع سدره للكوافير، ولبست فستان أبيض جميل جدًا، والنقاب زادها جمالًا، وحطت ميكب بسيط جدًا بعد ما ثريا أقنعتها.
وبعد شوية خرجت سدره.
هشام أول ما شافها، انبهر بجمالها، ووقف قدامها وقال
هشام إنتِ جميلة أوي.
سدره إنت بتعمل إيه؟
هشام أنا جوزك يا هبلة.
سدره ولو؟
هشام صبرني يا رب... مالها مي؟
سدره تاني؟
هشام آسف.
وعملوا الفرح، والكل كان فرحان.
ثريا ومحسن كانوا فرحانين علشان هشام.
وعمر كان فرحان علشان صاحبه.
وبعد الفرح، انتهى كل شيء، وكل واحد راح بيته.
وهشام وسدره رجعوا بيتهم.
ومع مرور الأيام، قدر هشام يصلح كل اللي كسره، وقدرت سدره تسامحه بعد ما أثبت لها بأفعاله إنه اتغير فعلًا.
وعاشوا أجمل قصة حب، وبقى بينهم بيت مليان مودة ورحمة.
وبعد فترة، ربنا رزقهم بعائشة وحمزة.
وعاش هشام وسدره وأولادهم في سعادة، وبقت سدره بالنسبة له مش بس زوجته، لكن الإنسانة اللي علمته إن قيمة الإنسان مش في اسمه ولا فلوسه ولا مكانته، لكن في أخلاقه وقلبه.
تمت.