رواية كاملة

ماما.
ثريا لا، ده أكتر من كده. ربنا يحفظك.
سدرة طيب يلا بقى علشان بابا.
هشام إزيك يا بابا؟ عامل إيه؟
محسن الحمد لله.
هشام أمال فين ماما؟
محسن نازلة دلوقتي هي وسدرة.
هشام هي هتيجي؟
محسن هي مين دي؟
هشام أبدًا، مافيش. هتركبوا معايا طبعًا.
محسن لا طبعًا، إنت ناسي إن سدرة مش هتركب عربيتك.
هشام ليه؟
محسن من غير ليه، أوسع علشان يركبوا.
هشام بص، شاف سدرة خارجة هي وثريا، واتغيرت ملامحه للحظة.
ثريا إزيك يا هشام؟ ألف مبروك.
هشام الله يبارك فيكي يا ماما.
محسن يلا يا ثريا، اركبي العربية.
هشام ما تيجي يا ماما تركبي معايا.
ثريا طيب وسدرة؟ لا، أنا هروح أنا وسدرة مع باباك.
محسن إيه ده؟ عمر؟
عمر أيوه يا عمي، قولت أجي أروح معاكم أحسن ما أروح لوحدي.
ثريا طيب وماله يا حبيبي.
هشام إنت إيه اللي جابك؟
عمر أفندم؟
محسن سيب عربيتك يا عمر وتعالى معانا.
عمر ماشي يا عمي. طيب خليني أنا أسوق.
محسن لا، أنا اللي هسوق عربيتي.
عمر طيب أنا هركب فين؟
محسن اركب في الكرسي اللي ورا مع سدرة.
عمر نعم؟
ثريا إنت هتخلي هشام يقتل عمر؟
محسن بدل ما هو مش راضي يتحرك.
هشام كان واقف وسمع الكلام، وبان عليه الغضب.
محسن يلا بينا بقى، هنتأخر.
هشام معلش يا بابا، عمر ييجي معايا في عربيتي.
محسن بص لثريا وقال بصوت واطي
الله أكبر، أبو الهول اتحرك.
وأخيرًا العربيات اتحركت وطلعوا على بيت العروسة.
عمر هو فاضل كتير على بيت مي يا هشام؟
هشام لا، خمس دقايق.
عمر غريبة.
هشام هي يا سي عمر اللي غريبة.
عمر إني قلت مي وما اتعصبتش؟
هشام لسه ما بقتش مراتي.
هشام بطل كلام بقى علشان وصلنا.
محسن خلاص وصلنا يا ثريا، هركن علشان تنزلوا.
ثريا يلا يا سدرة.
عمر الفرح فخم قوي يا هشام.
هشام طبعًا يا بني، هو أنا أي حد؟
عمر تموت في المظاهر.
محسن يلا يا هشام، إنت وعمر.
أول ما دخلوا، مي راحت ناحية هشام لاستقباله.
ثريا إيه اللي بتعمليه ده؟ بالراحة.
محسن خلاص يا ثريا.
سدرة كانت واقفة تبص على هشام، ودموعها نزلت من تحت النقاب، بس محدش كان شايفها.
هشام ماما، تعالى أعرفك على مي.
ثريا عارفاها يا هشام.
هشام في إيه يا ماما؟
محسن تعالى يا ثريا، خلي اليوم يعدي على خير.
مي إزيك يا طنط؟
ثريا أهلًا يا حبيبتي.
محسن ألف مبروك يا مي.
مي الله يبارك فيك يا أنكل.
ثريا هي فين سدرة؟ أنا مش عارفة راحت فين.
محسن ما تقلقيش، سدرة قاعدة مع عمر.
هشام سمع إن سدرة قاعدة مع عمر، وبان عليه الغضب.
مي في إيه يا هشام؟ مالك؟
هشام أبدًا.
ثم نظر إلى ملابس مي وقال
الفستان ده مناسب للخطوبة؟
مي طبعًا، ده فستان خطوبتي.
هشام طيب، ثواني.
هشام راح وقف عند عمر وسدرة.
عمر إيه يا سايب عروستك وجاي ليه؟
هشام بص لسدرة، ولاحظ آثار الدموع في عينيها.
يتبع
هشام شاف الدموع في عين سدره، بس مش عارف سببها إيه.
عمر إيه يا هشام؟
هشام مفيش، كنت عايزك في مشوار.
عمر دلوقتي يا هشام؟ إنت أكيد بتهزر.
هشام يا عم هزار إيه بس؟
عمر ماشي يا هشام، عايز إيه؟
هشام عايز علبة سجاير.
عمر إنت بتستعبط يا هشام، صح؟
هشام طيب بلاش، قولي إنت كنت بتقول إيه لسدره؟
عمر وإنت مالك؟ إنت مش هتطلقها؟
هشام أيوه، بس...
عمر إيه يا عم؟ سيبها تشوف حياتها بدل ما إنت مش بتحبها.
هشام لسه هيتكلم، لقى مي بتنادي عليه.
مي إيه يا هشام؟ هو النهارده مش خطوبتنا؟
هشام أيوه طبعًا.
مي طيب خلاص، تعالى نرقص.
عمر روح ارقص يا هشام.
وبعد شوية، عمر بص حواليه وقال
عمر سدره راحت فين؟ أنا سبتها قاعدة هنا.
وبص لثريا
عمر طنط ثريا، ما شوفتيش سدره؟
ثريا خرجت في الجنينة تعمل فون لواحدة صحبتها.
عمر أنا هروح أشوفها.
ثريا لا، تعالى، هي هتيجي دلوقتي.
محسن بس هي اتأخرت يا ثريا.
في الوقت ده، سدره كانت خلصت المكالمة بتاعتها، وقعدت بره شوية، لأن جوه كان فيه دوشة.
شخص الجو هادي جدًا، أحسن من الدوشة اللي جوه.
سدره أفندم؟
الشخص أنا مصطفى، مهندس معماري.
سدره طيب أنا أعمل إيه؟
مصطفى طيب اهدي بس، وأنا هعرفك.
سدره عن إذنك.
مصطفى رايحة فين؟
سدره زمان ماما وبابا بيدوروا عليا.
مصطفى هي مامتك هنا؟
سدره لو سمحت يا أستاذ.
مصطفى اتفضلي يا آنسة.
سدره دخلت وراحت عند ثريا ومحسن.
ثريا إيه يا حبيبتي؟ كل ده كلام مع صحبتك؟
سدره لا أبدًا، أنا كنت قاعدة في الهوا شوية.
مصطفى دخل وشاف سدره واقفة مع ثريا، وقال لنفسه
أنا مش هسيبها تروح منّي، باين عليها إنسانة محترمة وملتزمة.
سدره هو فاضل كتير؟ أنا تعبت.
محسن معلش يا حبيبتي، أنا عارف إنه صعب عليكي تشوفي جوزك مع واحدة تانية.
سدره لا أبدًا يا بابا، وهو أنا اتكلمت معاه أصلًا علشان أقول عليه جوزي؟
ثريا يا حبيبتي، روحي الحمام اغسلي وشك علشان تفوقي، أصل أنا شايفاكي مضايقة.
محسن يا سدره، قومي يا بنتي.
سدره عن إذنكم.
سدره راحت الحمام وغسلت وشها، وظبطت نقابها، وخرجت.
مصطفى شاف سدره وهي خارجة من الحمام، وراح ناحيتها.
مصطفى إيه يا آنسة؟
سدره حضرتك تاني؟
مصطفى إيه بس؟ هو أنا ضايقتك في حاجة؟
في الوقت ده، هشام شاف سدره وهي واقفة مع مصطفى، وطبعًا سدره ما كانش في دماغها أي حاجة.
ثريا مين ده يا محسن اللي واقف مع سدره؟
محسن مش عارف، يمكن دكتور زميلها.
عمر أنا هروح أشوف في إيه.
لسه عمر هيقوم، لقى هشام راح عند سدره.
مي إنت رايح
فين يا هشام؟
هشام دقيقة بس وجاي.
هشام راح عند سدره ومصطفى.
هشام حضرتك مين؟
مصطفى وإنت مين؟
هشام أنا اللي بسألك.
مصطفى بصراحة، أنا شوفت الآنسة وأعجبت بيها وعايز أتجوزها، مش أكتر. يعني أنا مش قصدي أي حاجة غلط.
هشام والله؟ إنت تعرفها؟
مصطفى أنا بقالي ساعة بحاول أعرف اسمها بس، وهي مش راضية تقول.
هشام بدأ يتكلم مع مصطفى بصوت عالي، لحد ما الكل انتبه.
ثريا هو إيه؟
محسن أنا هقوم أشوف في إيه.
مي هي كمان أخدت بالها من هشام، وراحت عندهم.
مصطفى والله أنا شايف إني ما غلطتش.
مي في إيه يا هشام؟ ومين دي؟
مصطفى دي واحدة أنا عايز أتجوزها، وحضرتك مش عارف ماله.
مي إنتِ مين؟ ومين اللي عزمك؟
سدره كانت مش عارفة تقول إيه، ودموعها نزلت من شدة الموقف.
ثريا إيه ده؟ هي اللي اسمها مي دي بتقول إيه لسدره؟
مي أظن المهزلة دي لازم تخلص. اتفضلي يا ست إنتِ، اطلعي بره علشان أنا معزمتكيش.
ثريا هي مين دي اللي تطلع بره؟
مي إيه اللي إنتِ لبساه ده؟ إنتِ جاية خطوبة ولا جاية تعزي؟
ولسه مي هتعمل حركة ناحية نقاب سدره، هشام وقفها فورًا وقال
هشام أوعى تتجرئي تعملي كده تاني.
مي هشام، إنت اتجننت؟ مين دي علشان تعمل معايا كده علشانها؟
هشام دي مراتي، الدكتورة سدره... مرات هشام بيه.
يتبع
مي هي مين دي اللي مراتك؟
ثريا اللي سمعتيه يا حبيبتي، سدره تبقى مرات هشام.
مي لا، إنتوا أكيد بتهزروا.
ثريا يا حبيبتي، هي دي فيها هزار؟ بنتكلم جد طبعًا.
مي ما تتكلم يا هشام، طيب وأنا؟
هشام إنتِ كمان هتبقي مراتي.
مي إنت أكيد مجنون.
هشام احترمي نفسك يا مي واهدي.
مصطفى يعني إيه مراتك؟ أمال خطوبة مين دي؟
هشام إنت تخرس خلاص.
أخيرًا، سدره خرجت عن الصمت اللي كانت فيه وقررت تتكلم.
سدره أنا الدكتورة سدره، بنت زينب الخدامة، اللي الأستاذ هشام بيقول إني مراته. مراته اللي ما بيعترفش بيها، مراته اللي ما يعرفش عنها حاجة غير اسمها، ومراته اللي أول مرة يشوف وشها من كام يوم.
ثريا إيه الكلام ده يا سدره؟ اهدي يا بنتي.
سدره لا يا ماما، سبيني أتكلم علشان الأستاذ هشام يعرف إني إنسانة... بحس.
هشام خلصتي كلامك؟ طيب اسمعي بقى. طول ما اسمي واسمك في ورقة واحدة، إنتِ مراتي غصب عنك.
سدره ورقة إيه اللي إنت بتتكلم عليها؟ آه، الورقة اللي إنت مضيت عليها ورفضت تشوفني يومها، صح؟
مصطفى واضح يا أستاذ هشام إنها مش عايزاك، فمش بالعافية يعني.
هشام إنت مين أصلًا علشان تتدخل؟
مي الله على حفلة خطوبتي اللي اتحولت لتصفية حساب بين الأستاذ خطيبي ومراته.
ثريا وبني، تسكتي إنتِ دلوقتي.
مي الكلام ليا أنا يا طنط؟
ثريا آه، إنتِ مش شايفة واحد ومراته بيحلوا مشاكلهم؟
محسن مش كده يا ثريا.
ثريا اعمل إيه؟ هي مستفزة.
مي طيب يا هشام، أنا بقى وضعي إيه في التمثيلية دي؟
هشام قلتلك إنتِ هتبقي مراتي.
ثريا مش فايدة فيك يا هشام.
مي بس بشرط.
هشام يعني إيه بقى إن شاء الله؟
مي يعني تطلق المدام بنت الخدامة.
ثريا خدامة في عينك! دي بنتي أنا.
عمر منك لله يا هشام على اللي عملته.
هشام هي مش ناقصة يا عمر.
ثريا يلا يا محسن، يلا يا سدره، كفاية قوي كده.
هشام ماما، إنتِ رايحة فين؟
مي آه يا طنط، لسه ما لبسناش الدبل.
ثريا أنا ماشية يا هشام.
هشام ماشي يا ماما.
سدره قبل ما أمشي، أنا عايزة أطلق.
يتبع
سدره ممكن بقى تطلق وتروح تتجوز زي ما إنت عايز.
ثريا يلا يا سدره، الكلام ده في البيت، مش دلوقتي.
محسن لو سمحت يا عمر، خد مفتاح العربية علشان تسوق بينا، علشان أنا تعبان.
ثريا مالك يا محسن؟
محسن ما تقلقيش، حاجة بسيطة.
ثريا طيب يلا يا محسن، مافيش داعي نفضل أكتر من كده.
وبصت لسدره
ثريا يا حبيبتي، إنتِ كمان... أنا غلطانة إني جبتك.
هشام ماما، مافيش داعي للكلام ده.
محسن إنت بتعاند مين؟ أبوك وأمك ولا بتعاند نفسك؟
عمر يلا يا عمي، العربية جاهزة.
محسن يلا بينا يا جماعة.
وأخيرًا طلعوا من هناك.
مي خلاص يا حبيبي، كل حاجة خلصت وأنا مش هتخلى عنك.
هشام تمام.
مي هو إيه اللي تمام يا هشام؟ لتكون زعلان على البت دي؟
هشام خلاص يا مي، الموضوع ده اقفلي عليه.
مي ماشي يا هشام، خليني معاك للآخر علشان بحبك بس.
هشام ما قولنا خلاص.
محسن وصل البيت مع ثريا وسدره وعمر.
ثريا يا لو سمحتوا، مافيش حد يمشي. أنا عايزاكم في موضوع.
وبصت لسدره
وإنتِ بالذات يا سدره، أرجوكي يا بنتي، سبيني أتكلم للآخر.
ثريا وتاكدي إني بحبك زي بنتي وأكتر، وعايزة مصلحتك مش أكتر. أنا هخلي هشام يطلق سدره في أقرب وقت، لأني اتأكدت إن هشام ابني ما ينفعش يكون زوج لسدره.
سدره عايزة واحدة أحسن منه.
ثريا وأنا لقيت الشخص ده.
محسن إنتِ بتقولي إيه يا ثريا؟ هشام بدأ...
ثريا بدأ إيه يا محسن؟ زينب سايبة سدره أمانة في رقبتي، وأنا عمري ما هخلي أي حد يجرحها، حتى لو ابني.
عمر اهدي بس يا طنط، هشام بكره ربنا يصلح حاله.
ثريا وإذا ما صلحش؟
سدره لو سمحتي يا ماما، أنا فعلًا عايزة أطلق من هشام، بس مش هتجوز تاني. كفاية كده.
ثريا يا حبيبتي، وهو إنتِ كنتِ اتجوزتي أولاني؟
هشام ابني كان غلطت، مش جواز.
ثريا وأنا خلاص لقيت اللي هياخد مكان هشام.
عمر مين يا طنط ده إن شاء الله؟
ثريا إنت يا عمر.
عمر إنتِ بتقولي إيه يا طنط؟ هشام صاحب عمري. ماقدرش أعمل كده. مدام سدره مرات هشام، وهتفضل مرات هشام. إنتِ ما تعرفيش يا طنط هشام بيحب سدره جدًا، فوق ما تتخيلي، بس هو اللي عايز شوية وقت.
ثريا لإمتى يا عمر؟
سدره عن إذنكم يا جماعة، أنا طالعة أوضتي.
ثريا اتفضلي يا حبيبتي.
محسن أدي سدره طلعت فوق. إيه الكلام ده؟
عمر خلاص يا عمي، واضح إن طنط تعبانة.
وبعد لحظات قال
وكمان هشام وصل، أنا سامع صوت عربيته.
محسن خلاص يا جماعة، اللي ربنا عايزه هو اللي هيكون.
ثريا ونعم بالله.
هشام السلام عليكم.
محسن وعليكم السلام.
هشام أنا عايز أقول حاجة لماما.
ثريا عايز إيه تاني يا هشام؟
هشام أنا مش هتجوز مي.
ثريا إنت بتتكلم جد؟
يتبع
ثريا إنت بتتكلم جد يا هشام؟
هشام أيوه يا ماما.
محسن وإيه اللي غير رأيك؟ لسه الخطوبة كانت من كام ساعة.
ثريا مش مهم نعرف أي حاجة، المهم إنه مش هيتجوز غير سدره.
محسن تمام.
عمر مش ده الكلام اللي كنت بقولك عليه يا طنط؟
ثريا فعلًا يا عمر، عندك حق.
محسن طيب مش نسمع هشام هيقول إيه؟
هشام الحقيقة مش عارف، أنا متلخبط.
عمر لسه مش عارف يا هشام بعد ده كله؟
هشام إنت نسيت مي يا عمر؟ مش هتسكت.
ثريا أيوه، إنت اخترت الغلط من الأول.
محسن طيب إنت سبت مي إزاي يا هشام بعد كل ده؟
هشام أنا اتخنقت بعد اللي حصل، وسِبت الحفلة وخرجت.
عمر طيب ومي؟
هشام ولا خدت بالها أصلًا، كانت مشغولة مع أصحابها.
عمر ربنا يستر، دي مجنونة.
ثريا ما هي دي بنت الحسب والنسب.
هشام أمال فين سدره؟
ثريا أخيرًا يا هشام قلت اسمها.
محسن خلاص بقى يا ثريا.
ثريا ممكن أسألك سؤال يا هشام؟
هشام اتفضلي يا ماما.
ثريا إنت بتحبها؟
هشام مش عارف والله. أنا كل اللي أعرفه إني ما استحملتش إن حد يهينها في وجودي.
ثريا بس دي بنت الخدامة.
هشام خلاص بقى يا ماما.
ثريا فعلًا خلاص. المهم إنك عايزها.
محسن مش ده المهم يا ثريا.
ثريا في إيه تاني يا محسن؟
محسن المهم سدره عايزة إيه؟ دي إنسانة محترمة وبنت ناس، عندها كرامة وعندها قلب انكسر. ولا هو مجرد إن الأستاذ جه وعايز سدره، كده خلاص؟
ثريا تصدق أنا من فرحتي نسيت كل الكلام ده.
محسن لا يا ثريا، مش لازم ننسى. هي شافت كتير. ولا إيه يا هشام؟
هشام عندك حق يا بابا.
ثريا أنا هطلع عندها، وإن شاء الله خير.
محسن القرار ليها في الأول والآخر.
عمر طيب أستأذن أنا يا عمي، علشان الوقت اتأخر، وإن شاء الله الأمور تتحسن.
محسن خليك يا عمر هنا النهارده، نام مع هشام، الوقت اتأخر.
عمر في إيه؟ مين اللي بيخبط بالشكل ده؟
محسن هي الساعة كام؟ مين اللي جاي دلوقتي؟
محسن افتح يا عمر.
عمر ثواني، في إيه؟
عمر فتح الباب
عمر حضرتك مين؟
الشخص هنتكلم على الباب؟
عمر اتفضلوا.
محسن مين يا عمر؟
عمر مش إنت علاء جمال؟
علاء أيوه، وده يبقى بابا، جمال الدين.
محسن طبعًا يا ابني، إنت وباباك غنى عن التعريف.
جمال طيب كويس إنك عرفتني، كده هتسهل عليا.
محسن هو إيه الموضوع بالظبط؟
علاء أنا هحكيلك على كل حاجة.
يتبع
علاء أنا هحكيلك على كل حاجة.
هشام حاجة إيه بالظبط؟ وإنت مين أصلًا؟
جمال اهدى يا أستاذ لو سمحت.
محسن والله يا جماعة، كلامكم يقلق.
علاء مافيش قلق ولا حاجة.
عمر طيب يا أستاذ علاء، ممكن بقى تقول في إيه؟
علاء الآنسة سدره.
هشام إنت
مالك بسدره؟
محسن استنى يا هشام شوية، خلينا نشوف في إيه.
علاء باختصار كده... سدره تبقى أختي.
عمر نعم؟
جمال دي حقيقة، كلام علاء صح.
هشام إنتوا مجانين؟
جمال احترم نفسك وشوف إنت بتكلم مين.
محسن اهدوا يا جماعة لو سمحتوا.
هشام إنت شايف بيقول إيه؟
علاء بقول إيه؟ مش عاجبك الكلام؟
ثريا استنوا لو سمحتوا، أنا سمعت الكلام اللي إنتوا قلتوه.
هشام شايفة يا ماما؟
ثريا اهدي يا هشام.
جمال حضرتك مدام ثريا؟
ثريا أيوه.
هشام إنت تعرف ماما كمان؟
محسن اتفضل يا جمال، إحنا سامعينك.
جمال أنا أبقى بابا سدره.
عمر بس إزاي سدره بنت...؟
علاء قصدك بنت زينب الخدامة؟
هشام ما إنت عارف كل حاجة أهو.
محسن لو سمحتوا، خلونا نفهم.
جمال أنا وزينب اتجوزنا شرعي بعلم أهلها وأهلي. كنا جيران، وزينب كانت إنسانة طيبة، وكان الناس كلهم بيحبوها. أخلاقها كانت عالية، وكانت بتساعد أي حد محتاج.
بصراحة حبيتها واتجوزتها، بس للأسف انفصلنا بسرعة. أهلي ورثوا وسابوا الحتة كلها، وراحوا عاشوا في منطقة راقية. وأنا طلبت من زينب تيجي تعيش معانا، لكنها رفضت.
بصراحة، أنا تمسكت بالمال أكتر، وانفصلنا، بس ما كنتش أعرف إن زينب كانت حامل.
بعدها اتجوزت وخلفت علاء، ونسيت زينب.
في يوم كنت ماشي بالعربية، شوفت زينب. كانت زي ما هي، ما اتغيرتش. نفس الطيبة اللي في وشها، ونفس الابتسامة، وراضية بقدرها.
حاولت أكلمها، بس ما عرفتش. رجعت البيت وكلمت واحد صاحبي علشان يعرفني هي ساكنة فين وعايشة إزاي، وهل اتجوزت ولا لأ. كنت عايز أعرف كل حاجة عنها، ومش عارف ليه.
المهم عرفت إن عندها بنت. في الحقيقة، أنا قلت إنها اتجوزت وخلفت.
سكت ورجعت لحياتي وشغلي. وفي يوم لقيت السكرتيرة بتقول إن في واحدة عايزة تقابلني.
اتفاجأت إنها زينب.
دخلت وسلمت عليا.
زينب إزيك يا جمال؟
جمال الحمد لله، إنتِ عاملة إيه؟
زينب هو ده الموضوع اللي أنا جاية علشانه.
جمال محتاجة حاجة يا زينب؟
زينب لا، الحمد لله.
جمال إنتِ اتجوزتي وخلفتي؟ أنا عرفت إن ليكي بنت.
زينب آه فعلًا، عندي بنت.
جمال طيب كويس، أنا كمان عندي ولد اسمه علاء.
السكرتيرة أيوه يا فندم، في واحد عايز يقابل حضرتك.
جمال مين؟
السكرتيرة بيقول اسمه أحمد.
جمال آه، خليه يدخل.
جمال دقيقة واحدة يا زينب، راجع تاني.
زينب اتفضل.
جمال أيوه يا أحمد؟
أحمد دي البيانات اللي حضرتك طلبتها.
جمال متشكر جدًا يا أحمد.
أحمد أنا تحت أمرك.
جمال خد الورق من أحمد وفتحه، وأول ما قرأ البيانات، اتغيرت ملامحه.
جمال مش ممكن... إيه ده؟
زينب في إيه يا جمال؟ الورق فيه حاجة مزعلاك؟
جمال بنتك اسمها سدره جمال الدين... يعني بنتي يا زينب.
زينب ما أنا قلتلك... أنا جاية في موضوع مهم.
يتبع
جمال هو ده الموضوع؟ عايزة تقولي إن ليا بنت وما عرفش عنها أي حاجة؟
زينب لما عرفت إني حامل، روحت عندك فعلًا علشان أقولك، بس خوفت لما شوفت المكان اللي إنت عايش فيه، ومش عارفة ليه.
وبعد ما ولدت، فكرت تاني أقولك، بس المرة دي كنت إنت اتجوزت.
جمال وإيه اللي كان مخوفك مني ده؟ دي بنتي، وهنكرها؟
زينب لما لقيتك اتجوزت، خوفت تاخد سدره مني.
جمال وما عرفتش إن مراتي ماتت وهي بتولد علاء. يمكن لو كنتي قولتي، كنتي ربيتي علاء وسدره مع بعض.
زينب الدنيا مش على كيف حد، وده قدر ربنا.
جمال وإيه المطلوب مني بعد الكلام ده؟
زينب تخلي بالك من بنتك.
جمال اشمعنى دلوقتي جاية تقولي الكلام ده؟
زينب علشان أنا تعبانة ومش عايزة سدره تتبهدل من بعدي.
جمال عندك إيه؟
زينب مش مهم، المهم سدره.
جمال دي بنتي يا زينب، وعمري ما هتخلى عنها.
زينب ربنا يخليك يا جمال، طمنتني على بنتي.
جمال هي بنتي أنا كمان يا زينب، ولا إنتِ نسيتي؟
زينب طيب همشي أنا بقى.
جمال وعرفت منها