رواية كاملة

الشغل النهارده
علشان هشام يتعلم الدرس كويس من كله
محسن صحح هشام كان رمى كل الشغل عليا ومش فاضى الا لسهر لوش
الفجر
ثريا وياريت تخود اسبوع كمان اجازة
محسن بس كده انا كان نفسى كده من زمان بس ربنا يستر على الشركه
ثريا فضل حاجه وحده
محسن ايه هي
ثريا إن عمر صاحب هشام يبقا منا فى الخطه دى
سدره بصراحه انا مش موافقه على الكلام ده كله
ثريا ليه بس يا سدره
سدره علشان انا مش رخصة علشان اعمل خطه على هشام
علشان يقبلنى
ثريا يا حبيبتي من قال كده انا بعمل كده علشان حال هشام
مش عجبني انتي هتساعدنى
وبعد كده لما ينصلح حاله عايزه تكملى معه اوى لا دى حاجه ترجعلك
سدره طيب في حاجه كمان انا من هنا ورايح مش هبقي فاضيه اوى
ثريا ليه يا حبيبتي وراكى ايه تاني غير كده
سدره ورايا درستى يا ماما
ثريا انتى بددرسى والله برفو عليكى يا زينب
بصراحه انا كنت فكره إن زينب ما اهتمتشى بتعلمك
سدره يبقا حطرتك ما تعرفيش ماما الله يرحمها
دى كانت عندها استعداد تعمل أى حاجه علشان اكمل تعلمى
كتير عرض عليها اشتغل علشان ترتاح بس هي رفضت
وكان كل املها انها تشوفنى حاجه كبير
محسن وبددرسى ايه يا سدره
سدره انا في اخر سنة فى الجامعه
ثريا فى بظبط
سدره فى طب بشرى
محسن مش معقول
ثريا فعلا انا ماكنتش أعرف زينب كويس
بس عرفت اد ايه هي كانت انسانه جميله
ثريا الله يرحمك يا زينب.
محسن فعلًا ست جميلة.
محسن أنا عايز أعرف إنتِ هتعملي إيه دلوقتي؟
ثريا اتصل بعمر دلوقتي.
محسن أفهم الأول هنعمل إيه.
ثريا يعني هحكي مرتين يا محسن؟ اتصل بعمر بس.
محسن ماشي، خليني وراكي وأنا أشوف.
ثريا أيوه يا عمر.
عمر إزيك يا طنط؟ عاملة إيه؟
ثريا أنا عايزاك في خدمة يا عمر.
عمر تحت أمرك يا طنط.
ثريا الكلام مش هينفع في التليفون، ممكن تيجي يا عمر؟
عمر طبعًا يا طنط، هخلص الشغل اللي في إيدي وأجيلك لحضرتك على طول.
ثريا تمام، ما تتأخرش.
عمر خلص شغله وراح لبيت هشام.
محسن إيه يا عمر، التأخير ده كله؟
عمر السلام عليكم، معلش يا عمي، الطريق.
ثريا وعليكم السلام، مش مشكلة، المهم إنك وصلت بالسلامة.
عمر في إيه يا طنط؟ قلقتيني.
ثريا أنا عايزاك في خدمة، ومافيش غيرك يقدر يعملها، بحكم صداقتك لهشام.
عمر خير، اتفضلي يا طنط.
محسن ممكن ندخل في الموضوع على طول؟
ثريا بص يا عمر، الموضوع يخص هشام.
عمر تقصدي موضوع جوازه؟
ثريا إنت تعرف حاجة عن جواز هشام؟
عمر يعني كان حكيلي حاجات بسيطة.
ثريا كده كويس، إنت سهلت الموضوع شوية.
ثريا بص، إحنا هنعمل...
عمر لا يا طنط، هشام يزعل مني، وهشام صاحب عمري.
محسن اتنيل إنت، كده هتخدمه.
عمر بس يا عمي، دي مراته.
ثريا في إيه يا عمر؟ إحنا حكينا لك كل حاجة، وإنت بنفسك قلت إن هشام مش عايزها.
عمر بس...
ثريا مافيش بس، يا آه يا لا.
عمر خلاص يا جماعة، بس أنا مش عايز أخسر هشام.
محسن ما تخافش، مش هتخسره يا عم عمر.
عمر طيب إيه المطلوب دلوقتي؟
ثريا إنت المفروض تحاول تقرب من سدرة وتتعامل معاها باهتمام قدام هشام.
عمر يا طنط، هي فيها حب؟
محسن ما تنضبط شوية يا ولد. إنت عارف إنها منقبة، يعني مش هتشوف وشها، وهما كلمتين في وجود هشام وخلاص.
عمر ربنا يستر.
ثريا بس أصل هشام وصل.
هشام في إيه؟ إنت بتعمل إيه هنا؟
عمر طيب، قول السلام عليكم.
محسن في إيه يا هشام؟ إحنا عازمينه على الغدا.
هشام والله مش ده عمر اللي إنت لسه شاتمه امبارح؟
عمر إيه يعني يا هشام؟ عمي زي بابا وعايز مصلحتي.
هشام ماشي، بس الكلام ده مش داخل عليا. المهم، الغدا جاهز؟
ثريا أيوه يا حبيبي.
محسن سدرة، خلصتي الأكل؟
هشام إيه؟ إنتوا شغلتوها مكان أمها ولا إيه؟
ثريا اخرس بقى يا هشام! إيه قلة الأدب دي؟
هشام وأنا قلت حاجة غلط؟
محسن إنت بصراحة كلك غلط.
سدرة كانت واقفة وسمعت كلام هشام، وسكتت علشان ما تعملش مشكلة.
عمر حب ينقذ الموقف، وشاف سدرة.
عمر إيه يا سدرة، واقفة عندك ليه؟ يلا هاتي الأكل بسرعة، أنا ميت من الجوع.
هشام والله أكيد في حاجة.
ثريا فرحت إن عمر دخل في الموضوع على طول.
سدرة كانت مستغربة من كلام عمر، بس ما اتكلمتش، وجابت الأكل.
ثريا اقعدي يا سدرة اتغدي.
سدرة لا يا ماما، ماليش نفس.
هشام كمان ماما؟ بنت الخدامة بتقول لثريا هانم يا ماما؟
محسن إنت بتقول حاجة يا هشام؟
هشام لا أبدًا يا بابا، سلامتك.
ثريا لا، مافيش حاجة اسمها ماليش نفس.
سدرة فهمت إن ده جزء من الخطة اللي هي أصلًا مش موافقة عليها، بس قعدت علشان ثريا ما تزعلش منها.
ثريا الله، الأكل طعمه يجنن! تسلم إيدك يا سدرة.
هشام فعلًا الأكل طعمه جميل، نفس أكل زينب الله يرحمها.
محسن وبعدين يا هشام؟ إيه قلة الذوق دي؟
ثريا يظهر إن مافيش فايدة.
عمر كان زعلان من طريقة هشام مع سدرة.
عمر تسلم إيدك يا مدام سدرة، الأكل جميل جدًا.
سدرة متشكرة.
ثريا على فكرة، سدرة أول مرة تدخل المطبخ، بس واضح إنها ست بيت شاطرة.
عمر معقول؟ دي أستاذة في الأكل.
هشام وبعدين يا عمر؟
عمر في إيه يا هشام؟ الأكل عجبني.
عمر على العموم، أنا متشكر جدًا على الغدا الجميل ده يا طنط، وتسلم إيدك يا مدام سدرة مرة تانية. أنا هستأذن دلوقتي.
ثريا ماشي يا حبيبي.
محسن عم صالح، تعالى شيل الأكل.
عم صالح حاضر يا محسن بيه.
ثريا لو سمحت يا عم صالح، كوباية شاي بسرعة.
صالح وإنت كمان شاي يا محسن بيه؟
محسن إنت عارف يا صالح، أنا ما بشربش غير القهوة المظبوطة بتاعتك.
صالح تحت أمر حضرتك.
سدرة عن إذنكم.
ثريا رايحة فين يا حبيبتي؟
سدرة هطلع فوق شوية.
ثريا أنا قلت للشغالين ينقلوا حاجتك في أوضة تانية.
سدرة هي فين يا ماما الأوضة دي؟
ثريا الأوضة الكبيرة اللي جنب أوضتي.
هشام نعم؟ أنا اتحايلت عليكي كام مرة علشان الأوضة دي، تقوللي لا!
ثريا دي سدرة، مش أي حد.
هشام يعني أنا بقيت أي حد يا ماما؟
محسن في إيه يا جماعة؟ وبعدين يا هشام، ما إنت قاعد في شقة لوحدك.
سدرة خلاص يا ماما، أنا هقعد في أي أوضة.
ثريا لا يا سدرة، بنتي حبيبتي لازم تقعد في الأوضة اللي جنب مامتها.
هشام هو في إيه يا ماما؟ إنتوا اتغيرتوا كده ليه؟ وبعدين هي مين اللي ابنك؟
ثريا في إيه إنت يا هشام؟ مرات ابني زي بنتي.
هشام أنا طالع فوق.
ثريا استنى، سدرة عاملة الحلو علشان تدوق.
هشام مش عايز.
محسن خلاص يا ثريا، سيبيه براحته.
ثريا بقولك إيه يا سدرة؟
سدرة نعم يا ماما؟
ثريا أنا بكرة عايزاكي تنزلي تشتري هدوم جديدة وتجيبي كام طقم بيتي، علشان إنتِ مش هتفضلي بالنقاب طول الوقت.
سدرة مافيش داعي يا ماما، أنا عندي هدوم كتير.
ثريا أنا عارفة يا حبيبتي، بس دي هدية مني ليكي.
سدرة حاضر يا ماما.
سدرة عن إذنكم، هدخل أغير هدومي.
محسن اتفضلي يا بنتي.
ثريا يارب تصلح الحال.
محسن ما تقلقيش. سدرة فعلًا أي حد يشوفها يحب أخلاقها، وأنا واثق إن هشام لوحده لما يعرفها كويس هيغير رأيه.
ثريا أنا عايزة هشام يحس بيها قبل ما يهتم بشكلها.
يتبع
ثريا يلا يا سدرة، هنتأخر.
محسن على فين من بدري كده؟
ثريا رايحين نشتري شوية حاجات لسدرة.
محسن طيب يلا أوصلكم في طريقي.
ثريا بس سدرة لسه ما نزلتش.
محسن أنا مش عايزك تسوقي وإنتِ تعبانة.
ثريا ما تقلقش يا محسن، أنا كويسة، وبعدين سدرة معايا.
سدرة أنا جاهزة يا ماما.
محسن إيه القمر ده؟
سدرة متشكرة يا عمي.
محسن مافيش عمي بعد كده، مافيش غير بابا.
سدرة خلاص يا بابا.
ثريا يلا يا محسن روح على شغلك، وأنا وسدرة هناخد عربية، وما تخافش عليها، هسوق براحة.
محسن يا ثريا، إنتِ تعبانة.
سدرة بس ماما مش هتسوق.
محسن أنا بقول كده. يلا بقى أوصلكم.
سدرة لا، أنا اللي هسوق العربية.
محسن إنتِ بتعرفي تسوقي؟
سدرة أيوه، كنت اتعلمت السواقة علشان لما أتخرج وأشتغل أبقى أجيب عربية.
محسن بس كده من بكرة يبقى عندك عربية.
ثريا يا حبيبتي، علشان تبقي معايا على طول بدل ما أعطلكم عن شغلكم.
محسن وكده أبقى ضربت عصفورين بحجر واحد.
سدرة ضحكت.
محسن آه، لو هشام شاف الضحكة دي.
ثريا يلا بقى، اتأخرنا.
ثريا خدت سدرة وراحوا مول كبير ومعروف، واشتروا حاجات كتير وشيك أوي.
سدرة كفاية يا ماما بقى.
ثريا يا حبيبتي، لازم تبقي بنتي وأشيك بنت في الجامعة.
سدرة ربنا يخليكي ليا يا ماما.
محسن وصل الشركة.
هشام إيه يا بابا، اتأخرت ليه؟ أنا كنت شايفك طالع وأنا خرجت.
محسن أبدًا، مافيش.
هشام طيب شوف الملف ده كده.
محسن أنا عايزك تروح التوكيل تشتري عربية، بس تكون حاجة كده فخمة.
هشام لمين؟
محسن لسدرة.
هشام وهو في إيه؟ ما تفهموني اللي بيحصل!
محسن إيه يا بني؟ إنت مالك؟
هشام خلاص، أنا مش هروح أي مكان
أجيب عربيات لحد.
محسن ببساطة هتصل بعمر يروح.
هشام وإيه اللي دخل عمر؟
محسن أصل ذوقه حلو في العربيات.
في البيت، ثريا قالت
أخيرًا وصلنا البيت، أنا تعبت.
سدرة أنا آسفة يا ماما.
ثريا يا حبيبتي مافيش حاجة، تعب عادي. روحي بس قيسي الهدوم، خليني أشوف جمالها عليكي.
سدرة حاضر يا ماما.
سدرة كانت الهدوم كتير، بيتي وخروج، ولبست طقم جميل جدًا وخرجت.
ثريا بسم الله ما شاء الله. واضح يا سدرة إن إنتِ اللي بتخلي الهدوم جميلة، مش الهدوم اللي بتخليكي جميلة.
سدرة مش قوي كده يا ماما.
ثريا لا، أكتر من كده بكتير.
ثريا المهم يا قمر، الدراسة هتبدأ كمان كام يوم، لازم تبقي مستعدة.
سدرة ما تقلقيش، كل حاجة تمام.
ثريا بس كام يوم بابا محسن هيوصلك على ما يجيب العربية.
سدرة والله مش عايزة أتعبه.
ثريا هي في واحدة تقول كده لباباها؟
سدرة ربنا يخليكي يا ماما.
محسن إيه يا هشام، مش هتروح معايا؟
هشام لا، ورايا مشوار.
محسن طيب تمام، أنا هروح أنا علشان أتغدى مع ماما وسدرة. يلا سلام.
محسن ساب هشام ومشي.
هشام أنا حياتي اتلخبطت من ساعة الست دي ما دخلت حياتي.
محسن وصل البيت.
ثريا إيه يا محسن، اتأخرت ليه؟ وفين هشام؟
محسن وراه مشوار، مش هييجي على الغدا.
ثريا طيب يلا، الغدا جاهز.
محسن طيب يلا، أصل أنا جعان جدًا.
ثريا عم صالح، هات الغدا.
عم صالح حاضر يا ست هانم.
ثريا ومحسن وسدرة اتغدوا، وبعدها قعدوا يشربوا الشاي في الجنينة.
محسن الجو جميل جدًا، والقعدة في الجنينة دي وحشاني من زمان.
ثريا دي فكرة سدرة، قالت نشرب الشاي هنا.
سدرة الجو وسط الطبيعة جميل.
محسن فعلًا.
محسن إيه، اشتريتوا الحاجات اللي سدرة محتاجاها؟
سدرة ماما جابت حاجات كتير. ربنا يخليكم ليا.
ثريا أنا هقوم أجيب العلاج بتاعي.
محسن إيه يا ثريا؟ إنتِ تعبانة؟
ثريا لا أبدًا، شوية التعب العادي، بس مرهقة.
سدرة طيب يا ماما، فين العلاج وأنا أجيبه؟
ثريا هتلاقيه في أوضة النوم جنب السرير على الكومودينو.
سدرة ثانية واحدة.
محسن إيه يا ثريا، مالك؟
ثريا بس أصل هشام وصل.
محسن إيه يا هشام؟ اتأخرت ليه؟
هشام أنا عايز حضرتك في موضوع.
محسن خير يا هشام، تبع الشغل؟
هشام لا، ده يخصني أنا. بصراحة، أنا عايز أخطب.
ثريا إنت اتجننت؟ ومراتك؟
هشام هي فين مراتي دي؟
محسن اللي إنت عايزه اعمله، بس تتجوز وتبعد بيها بره البيت.
هشام يعني إيه؟ بتطردني من البيت يا بابا؟
محسن ده اللي عندي.
ثريا والله يا هشام، البنت خسارة فيك.
محسن يلا يا ثريا علشان ترتاحي.
وسابوا هشام ودخلوا البيت.
سدرة طلعت، وما لقتش هشام.
راحت عنده.
هشام بص، لقى سدرة.
سدرة هي ماما وبابا فين؟
هشام سابها ومشي من غير ما يرد عليها.
سدرة إنت إنسان مغرور.
هشام دخل البيت وخرج على طول.
سدرة كانت لسه داخلة، وكانت هتخبط في هشام.
سدرة أنا آسفة.
هشام هتأسفي على إيه ولا إيه؟
سدرة تقصد إيه يا أستاذ هشام؟
هشام إنتِ دمرتي حياتي من لما دخلتي البيت. أنا أتجوز بنت خدامة؟
سدرة أنا ما اسمحلكش تتكلم عن أمي بالطريقة دي.
هشام هي دي مش حقيقة؟ وهو أنا بقول حاجة غلط؟
سدرة ممكن تطلقني؟
هشام بس كده إنتِ...
محسن إنت بتقول إيه؟
يتبع
محسن إنت بتقول إيه؟ عايز تطلق مراتك؟
هشام مش مراتي.
محسن إنت شايف كده؟
هشام طبعًا، وكمان أكتر من كده. أنا ماكنتش موافق على الجوازة دي من الأول.
محسن تمام.
سدرة كانت واقفة مصدومة من كلام هشام، ومش مصدقة إنه مش طايق وجودها.
هشام أنا عايز أخطب زي ما قولت لحضرتك.
محسن تمام، اللي إنت عايزه اعمله.
هشام يعني حضرتك موافق؟
محسن مش فارقة بقى.
هشام إزاي بقى يا بابا؟ إنت لازم تحضر الخطوبة، إنت وماما.
محسن ومين بقى العروسة إن شاء الله؟
هشام مي.
محسن مي مين؟
هشام مي بنت محمود المغربي.
محسن آه، مي بنت محمود المغربي.
هشام أيوه يا بابا، نسب نتشرف بيه.
محسن اخرص. أنا موافق على جوازك من بنت محمود المغربي. إنت فعلًا تستحق النسب ده.
هشام يعني حضرتك موافق؟
محسن مش فارقة بقى.
سدرة كانت واقفة وسمعت كل الكلام، ودموعها نزلت من تحت النقاب، بس ماحدش حس بيها.
محسن على فكرة، أنا كنت معارض طلاق سدرة، بس دلوقتي موافق، علشان فعلًا سدرة عايزة واحد أحسن منك بكتير.
ثريا نزلت وسمعت كلام محسن.
ثريا تعالى يا سدرة.
سدرة راحت عند ثريا، وفضلت تبكي.
ثريا بتعيطي ليه؟
سدرة أبدًا، أنا لازم أرجع بيتنا.
ثريا ده بيتك. إنتِ مش هتخرجي من هنا إلا على بيت عريسك.
هشام عريسك؟
محسن أمال إنت فاكر إيه؟
هشام ماشي، اللي تشوفه.
وعدى اليوم بحزنه.
تاني يوم.
ثريا صباح الخير يا محسن.
محسن صباح الخير.
ثريا مالك يا محسن؟
محسن مش عارف أعمل إيه في هشام علشان يرضى بسدرة.
ثريا ما تقلقش. المهم دلوقتي سدرة، النهارده أول يوم في الجامعة.
محسن إزاي؟ أنا نسيت! أنا لازم أقوم علشان أوصلها.
ثريا لا، إنت مش هتوصلها.
محسن أمال مين يا ثريا؟
ثريا إنت بس قوم اتوضى وصلي، وبعدها هتعرف.
محسن ماشي.
ثريا قامت وراحت عند سدرة.
ثريا صباح الورد والياسمين على حبيبة ماما.
سدرة صباح الخير يا ماما.
ثريا إيه؟ جهزتي نفسك؟ النهارده أول يوم في الدراسة.
سدرة أنا ما نمتش أصلًا يا ماما.
ثريا ليه بس؟ إنتِ زعلانة من هشام؟
سدرة أنا ما قدرش أزعل منه، علشان هو ما وعدنيش بحاجة.
ثريا يا حبيبتي، أكيد ربنا هيعوضك.
سدرة ونعم بالله.
ثريا يلا بقى علشان تفطري قبل ما تروحي الجامعة.
سدرة لا يا ماما، أنا مش بفطر.
ثريا لا يا حبيبتي، ده كان الأول، دلوقتي لا.
محسن إيه؟ جهزتي يا سدرة؟ يلا بينا.
ثريا بصوت واطي إيه يا محسن؟ مش أنا قلتلك مش إنت اللي هتوصلها؟
محسن أمال مين؟ أنا مش شايف حد.
ثريا هو على وصول.
محسن هو مين ده اللي على وصول؟
ثريا أهو وصل.
محسن عمر؟
ثريا طبعًا. هو فيه أحسن من عمر؟
عمر صباح الخير يا جماعة.
ثريا صباح الخير يا حبيبي.
عمر إيه يا آنسة سدرة، جاهزة؟
محسن آنسة؟ طيب يلا يا عمر.
سدرة إيه يا ماما؟ مش بابا هو اللي هيوصلني؟
ثريا لا يا حبيبتي، عمر هو اللي هيوصلك.
سدرة بس...
ثريا ما تقلقيش يا سدرة.
عمر ده عمي، يعني زي أبويا. خلاص اطمني، يلا بقى.
سدرة طيب سلام يا ماما.
ثريا مع السلامة يا حبيبتي.
عمر خد سدرة وخرج، ولسه هيفتح باب العربية لها.
هشام إنت هنا من الصبح بتعمل إيه؟
عمر جاي علشان أوصل سدرة للجامعة.
هشام جامعة مرة واحدة؟
عمر إيه؟ إنت ما تعرفش إن مراتك في كلية الطب؟ وكمان في آخر سنة.
يتبع
عمر يعني هتبقى دكتورة يا أستاذ هشام.
وعمر ركب هو وسدرة، وساب هشام واقف مكانه.
هشام هي مين اللي هتبقى دكتورة؟
هشام بقى بنت زينب الخدامة تبقى دكتورة؟ ومي بنت محمود المغربي لازم تنجح كل سنة وهي شايلة مادة واتنين.
محسن إيه يا هشام واقف عندك ليه؟ مش هتروح الشغل؟
هشام لا أبدًا.
محسن طيب يلا، هنتأخر.
هشام هو عمر إيه اللي جابه الصبح كده؟
محسن يعني مش عارف؟
هشام هي بنت زينب فعلًا في كلية طب؟
محسن إيه قلة الذوق دي؟ وبعدين دي اسمها الدكتورة سدرة.
محسن يلا هنتأخر، وخليك في مي خطيبتك.
سدرة وصلت الجامعة.
سدرة متشكرة يا أستاذ عمر، تعبتك معايا.
عمر لا أبدًا، إنتِ زي أختي. وبعدين أنا عايز أعلم هشام إزاي يبطل الكبر اللي فيه.
سدرة ربنا يهديه.
عمر طيب إنتِ هتخلصي إمتى علشان أجي أوصلك البيت؟
سدرة ما تتعبش نفسك، أنا هروح لوحدي.
عمر إنتِ عايزة طنط ثريا تزعل مني؟
سدرة تمام، على الساعة اتنين.
عمر من الساعة واحدة هتلاقيني واقف هنا.
عمر
سلام.
سدرة في رعاية الله.
هشام ألو، مين؟
مي في إيه يا هشام؟ إنت مش عارف صوتي؟
هشام آسف، بس مشغول.
مي طيب أنا عايزاك معايا النهارده.
هشام ليه؟
مي هنشتري فستان الخطوبة.
هشام أنا ورايا شغل كتير يا مي ومش فاضي.
مي يعني إيه؟ هنزل لوحدي؟
هشام خلاص يا قمر، ما تزعليش. هحاول أخلص الشغل وأجيلك.
مي بجد؟ أنا فرحانة أوي إنك هتفضي نفسك علشاني.
هشام ولا يهمك، بس سبيني أشوف شغلي.
مي ماشي، سلام.
ثريا إيه يا محسن؟ جيت بدري يعني النهارده.
محسن مش بدري أوي يعني، دي ناقصة ساعة.
ثريا طيب احضر الغدا بسرعة.
محسن طيب وسدرة؟
ثريا سدرة على وصول على ما الأكل يجهز.
محسن خلاص ماشي، أنا كمان هغير هدومي.
ثريا بسرعة يا محسن، سدرة على وصول.
فون محسن رن.
ثريا مين اللي حماته بتحبه ده؟
محسن ده ابنك.
ثريا هشام؟ هو مش هييجي على الغدا؟
محسن استني بس.
ألو، أيوه يا هشام.
هشام كان بيكلمه عن مشواره.
محسن ابنك رايح يشتري فستان الخطوبة ومش هييجي على الغدا.
ثريا طيب ما تتكلمش قدام سدرة.
محسن لا طبعًا يا ثريا.
ثريا يظهر إن سدرة وصلت. مش هتغير هدومك إلا بعد الغدا.
محسن طيب هغسل إيدي.
ثريا ماشي.
ثريا أهلًا بحبيبة ماما.
سدرة إزيك يا ماما؟ عاملة إيه؟ وبابا جه من الشغل ولا لسه؟
ثريا جه، بيغسل إيده. وقوليلي، إنتِ عملتي إيه أول يوم في الجامعة؟
سدرة يا ماما عادي، هي أول سنة.
ثريا طيب ارفعي النقاب عندي، الجو حر.
سدرة ما ينفعش يا ماما.
ثريا ليه؟
سدرة يا ماما...
ثريا عمر، إنت هنا؟ أنا آسفة يا عمر.
عمر ولا