رواية كاملة
ليل ونهار ، عملت الي عليا وزيادة عشان بس اثبت لنفسي إن كل كلام الي حواليا غلط واني مش فاشل ، واديني قدامك اهو عندي الشركة بتاعتي
يعني مقفلش الكافيه؟
_ كل حاجة هتبقي تمام
تفتكر؟
_ اه والله إن شاء الله ، بكرة تقولي احمد قال
ابتسمله شكراً يا احمد ، كلامك فرق معايا
_ بجد؟
هروح اقلب المكان فرشة خضار بكرة ، نزلني هنا
ضحك ووقف _ حمدالله على السلامه
الله يسلمك ، شكراً علي التوصيلة ، تصبح على خير
_ وانتي من أهله
طلعت البيت ، هو انا ليه مبسوطة! ، وليه عاوزة اشوفه تاني؟ ليه كلامه لسه في ودني؟ ، هو انا ليه اتكلمت معاه زيادة علي اللزوم؟ دا راجل! لازم اخد بالي كويس ، مينفعش يمريم .
لو سمحتي
كانوا تلت رجالة ب لبس موحد وكابات أيوة ؟ اتفضلوا!!
عاوزين الطلبات الي في الورق دا
التلاتة كان معاهم ورق مليان طلبات ، قهوة ، ديزيرت ، ايس كوفي ، وحاجات تانية !!!!
هو انتوا مين؟
تبع شركة احمد بيه ودي طلبات الموظفين
اه تمام ، استريحوا لحد ما اجهزهم
اظن أن عمري ما فرحت بالشكل دا! ، كنت بجهز كل الاوردرات وانا الضحكة مفرقتش وشي ، خلصت وحطيت قدامهم الحاجة ، حاسبوني ومشوا ، بصيت علي الفلوس وانا مش مصدقة ، فلوس في المكان الي خلاص كنت هيأس منه وامشي ؟
مريم مريم
حبيبي تعالي ، جاي لوحدك؟
_ ايه دا انتي كنتي مستنياني مش مستنية عبدالله بس؟
هربت من نظراته ورجعت بصيت ل عبدالله اجبلك الحاجة الحلوة الي بتحبها؟
أيوة
عنيا ، تشرب ايه يا احمد؟
قهوة مظبوط
قعد قدامي ف بصيتله مش عارفة اشكرك ازاي ، انت
مش متخيل انت عملت معايا ايه
_ دا ميجيش حاجة جمب الي بتعمليه
عمري مهنسالك الي عملته
_ شكلك حلو اوي وانتي مبسوطة
ها؟؟
_ قصدي.. القهوة هتفور
بصيت علي القهوة وطفيت عليها وحطيتها قدامه بالهنا والشفا ، عبدالله تعالي عشان تاكل
كانت الزباين بتزيد اكتر واكتر ، موظفين شركات تانية بتيجي عندي عشان احمد بيعملي ماركتينج في كل ميتنج بيعمله! ، هو الراجل الوحيد الي كنت عاوزة اشوفه كل يوم بدل ما اكون عاوزة أقتله!! ، مكنش صعب اني احب واحد زيه ، مكنش صعب ابدا
لقيت راجل طيب وحنين وجميل وعاوز دايما يبقي احسن وبيشجعني علي اي حاجة بعملها اقول لاء يا اخواتي؟ وربنا ما اسيبه ، ينفع ل مشوار ، مشوار العمر .
هتشغلني معاك أمتي بجد ؟
_ عاوزة تشتغلي معايا ايه؟
يعني ، المديرة
_ يعني تواضعك دا مش هيقل شوية ؟ هيعلم الناس اسغلالك
اقل من المنصب دا مقبلش ، اكيد مش هشتغل زي عامة الشعب
_ دا انتي لو ربنا اداكي هدوسي علينا ب جذمتك يا مريم
متقولش كده يا احمد
ضيق عينه وهو بيبصلي ماشي ، هدوس عليكم بس بالعربية هو انا فاضية ، هتشغلني معاك أمتي بجد ؟
_ ٧٨ بكام؟
٤٠
_ الي يشوفك يساقطة وانتي بتتكلمي يقول معاها ماجستير ادارة اعمال
احمد متهزرش معايا ، أنا بعرف احسب كويس جدا
_ ٩٥ ب كام ؟
٦٠
_ طب هاتيلي قهوة يا ام ملحق واتمسي وقولي يا مسا ، وانا اقول بتحسب ازاي حساب الاوردرات ، الآلة الحاسبة والي منها
معتش ليك كلام معايا
_ ٦٧ ب كام ؟
٢١
_ زي الفل
___
_ مريم
لفيت وشي لقيته لابس بدلة فورمال
انت عندك ميتينج مهم النهارده ؟
_ مهم اوي اوي ، شكلي كويس؟
أيوة ، ربنا يوفقك
_ طب تعالي اقعدي
طب والميتينج!
_ اقعدي بس
قعدت قدامه وضحكت يعني اقعد قدامك وانت ب الشياكة دي وانا ب مريلة الشغل!
_ انتي دايما شكلك حلو أنا الي كان لازم ألبس واظبط نفسي
عشان ايه؟
_ عشان اقولك اني بحبك
..
_ انتي قايمة راحة فين؟
راحة اجيب فينو
_ افندم ؟ ، طب اقعدي بدل ما اخلي الناس تيجي تشيلك من تحت ايدي
لاء بس انت مكنتش كده في الاول يا احمد ، كنت جنتل مان معايا اوي
_ كنت بشقطك ، اسمعي وانتي ساكتة
اسلوب لاء اسمح بيه ، أنا مش قاعدة معاك دقيقة كمان
_ مريم ، تتجوزيني ؟
رجعت قعدت قدامه قولت ايه؟
طلع خاتم من جيبه _ هبقي محظوظ لو اتجوزتك انتي ، انتي الوحيدة الي حسيت اني عاوز ابقي معاها ومكنتش بدور علي مواصفات معينة وماشي ب دماغي ، اول مرة كنت اركن دماغي في جمب كان معاكي ، اوعدك اني هخليكي دايما مبسوطة واني
هحاول اعمل كل حاجة عشان اسعدك
أنا موافقة يا احمد ، موافقة من اول كلمة قولتها
_ بجد؟؟ بس..
بس ايه؟
_ عبدالله ، أنا عارف أنه عاوز رعاية بس انا مش هعرف اسيبه ، أنا بطلب منك حاجة كبيرة اوي عارف بس..
أنا عوزاه يعيش معانا اكتر ما انت عاوز
_ أنا بحبك اوي والله
حبيبي الله يكرمك
_ نعم ؟ ، أنا مطول بالي معاكي اوي بس اخلصي
الخاتم حلو مۏت
_ و..؟
ما أنا قولت موافقة!
_ و.. يا مريم وانجزي؟
اه ، وانا كمان بحبك يا احمد ، خلاص ؟ مبسوط ؟
____
_ مريم ، المس باعتة جواب تشتمنا مش جواب استدعاء ولي أمر!
لا حول ولا قوه الا بالله طب ليه كده؟
_ نوح ، تعالي يا حبيبي ، هو ايه الي عنيا بتشوفه دا؟ انت حالل الواجب بتاع الماث كله غلط؟
لاء يا بابا
_ ٢ ١ كام يحبيبي ؟
خمسة
ما شاء الله ، ابداع والله ، استني اجيب المبخرة
_ استني انتي يساقطة ليكي روقة
احمد مش قدام الولد!
_ نوح ، ١ ٣ كام ؟
خمسة
وخميسة يقلب ماما الله اكبر
_ نعم؟
ايه؟؟؟ ، غلط؟
_ أصلا!!!!!! ، نوح علي اوضتك حالا
مشي ف رجعت بصيت ل احمد انت متعصب ليه؟
_ أنا مهندس يا مريم ، سمعتي عاملة ايه دلوقتي ، منظري قدام المدرسين ايه وابني كل ما حد يكح جمبه يقوله خمسه!
ايوة حاجة تضايق فعلاً!
_ مهو طالعلك! أنا كنت فاكر لما قالوا إن العيل بيورث عقل أمه أنهم بيهزروا
احترم نفسك معايا يا أحمد
_ ٦٩ ب كام ؟
٦٥
_ تمام ، مشوفش وشك قدامي النهارده انتي وابنك
احمد ، هسألك سؤال وعاوزة إجابة حالا
_ عاوزة ايه ؟
هتشغلني معاك أمتي بجد ؟
مريم سمير .
لا تنسوا الصلاة والسلام علي حبيبنا المصطفى من قلبك
لو وصلت لحد هنا متنساش تحط ريأكت وكومنت عشان ده بيساعد المنشوات يظهر لعدد اكبر، ولو مهتم بالمحتوى ياريت تعمل سي فيرست عشان يظهرلك اسرع
