رواية كاملة
يا أنا يا أخوك
_ انتي بتقولي ايه يا ليلي! ، اخويا الصغير الي عنده متلازمة داون!!! بتقارني نفسك بيه؟
أنا مش هعرف استحمله ولا اشيل مسؤوليته
_ بس احنا متفقين أنه هيعيش معانا
وديه دار رعاية
_ دار رعاية؟ كل الشغل الي انا فيه بحس إن السبب فيه بعد ربنا هو ، أنا مستحيل استغني عنه
أنا مش هعرف اتعامل معاه ، مش كفاية موافقة اتجوزك وانا خاېفة اصلا عيالنا يطلعوا زيه؟
_ يطلعوا زيه؟ أنا مش مصدق الي بتقوليه
وانا لأخر مرة بخيرك يا احمد ، يا انا يا هو
_ عبدالله؟؟ ، عبدالله روحت فين؟
قومت مخضوض لما ملقتوش في الطربيزة الي جمبي
انت رايح فين ، احنا بنتكلم عن مستقبلنا!
_ بقي مستقبلك انتي لوحدك ، أنا اختارته هو
طلعت من المطعم وانا بنادي عليه وبدور في كل الشوارع الي حواليا
مالك يا حبيبي ؟ ايه مقعدك كده ؟
ليلي مش عوزاني وبتزعق مع احمد
قعدت جمبه مين ليلي ومين احمد؟
احمد اخويا
وهو فين؟
أنا مشيت لما لقيت ليلي بتزعق
دلوقتي نلاقيه ، أنا مريم وانت اسمك ايه؟
عبدالله
اسم حلو اوي ، عندك كام سنة يا عبدالله ؟
طلع صوابعه قدامي تمانية؟ ، انت جميل اوي
بجد؟ امال ليه ليلي مش عوزاني؟
اكيد مش قصدها ، تاكل أيس كريم ؟
ينفع؟
اكيد ، تعالي ادخل فيه حاجات حلوة كتير جوا
دخلته الكافيه وجبتله ديزيرت من الي انا عملاه
_ عبده؟ انت ايه الي جابك هنا؟
هو حضرتك مين؟
_ انتي الي مين؟ انتي الي خطڤاه مش كده؟
نعم؟ افندم؟
_ ايه الي هيجيبه هنا ؟
اخوك كان برا بيعيط علي الرصيف وخده ودخلته هنا عشان مكنش ينفع اسيبه لوحده!
_ والمفروض اصدق الكلام دا؟
تصدق ولا متصدقش دي مشكلتك ، امشي من هنا دلوقتي حالا
_ يلا يعبده عشان نمشي
شاورلي شكرا يا مريم علي الآيس كريم
_ مش هي الي وخداك من جمب المطعم!! أنا..
أنا مش عاوزة اسمع منك كلمة واحدة ، لو سمحت أمشي مش عاوزة مشاكل
مشي وانا متعصبة ، هتوقع ايه يعني؟ رغم أنه شكله راجل متحضر وفاهم إلا أنه طلع عقيم الفكر بجد ، أنا مغلطش في الي عملته!
_ لو سمحتي
انت أيه الي جابك تاني؟
_ أنا اسف والله ، أنا معرفش أنا قولت كده ازاي امبارح ، اعصابي كانت مشدودة وقولت أي كلام ، سامحيني حقك عليا
..
_ كتر خيرك انك خليتي بالك منه ، كان لازم افهم دا بس لما ملقتوش في المطعم معرفش افكر ، أنا بجد اسف
ماشي ، حصل خير
_ اتفضلي
مكنش ليه لزوم تجيبه
_ لاء ازاي هو الاعتذار لازم ب ورد
ضحكت والله؟ ، ماشي شكراً ، تشرب حاجة؟
_ قهوة مظبوط
اجبلك حاجة
حلوة زي بتاعت امبارح يا عبده؟
أيوة
عملت اتنين قهوة لينا وحطيت قدامه هو و عبدالله الديزيرت وبدأ ياكل فيه
ممكن اسألك سؤال؟
_ اكيد طبعاً اتفضلي
مين ليلي؟ عبدالله قال أنه مشي عشان هي كانت بتزعق
_ اه ، ليلي كانت خطيبتي ، سيبنا بعض عشان مش متقبلة فكرة وجود عبدالله ، كانت خاېفة ولادنا يطلعوا زيه ف قالتلي يا انا يا هو ، أنا متفهم إن هي عندها حق بس مينفعش اسيبه لوحده خصوصاً بعد ۏفاة امي وابويا
معندهاش حق ، دا ملاك ، يبختك بيه
_ دي حقيقة ، ربنا مسهلها معايا عشان هو موجود
اكيد مامتك وباباك كانوا هيبقوا مبسوطين اوي أن عنده اخ زيك ، قليل انك تلاقي اخ حقيقي في الزمن دا
_ شكراً يا مريم ، هو حبك اوي
وانا كمان والله حبيته اوي ، ابقي هاته كل فترة هنا ، دا الكافية بتاعي
_ انتي الي عاملة الحلويات الي فيه؟
اه كل دا عمايل ايدي
_ تسلم ايدك ، طعمها حلو اوي ، بس مفيش زباين؟
لسه فتحاه قريب ، أنا مليش في الماركتينج الصراحة ف مش بعرف اعمل اعلانات للمكان
_ أنا متأكد أن ربنا هيرزقك والمكان هيكبر وهيتملي زباين
يارب ، شكراً يا احمد ، وشكراً علي الورد مرة تانية
_ العفو ولا اي حاجة ، أنا لازم امشي دلوقتي عشان ورايا شغل كتير ، بعد اذنك
اتفضل ، استني ، هو عبدالله هيجي معاك الشركة؟
_ اه باخده معايا
مش بيغلبك؟
_ الصراحة اه ، بس لما ينام الدنيا بتظبط شوية
انت ممكن تسيبه هنا علي فكرة
_ بتتكلمي بجد ؟
اه والله ، لما تخلص شغل تعالي خده
_ أنا مش عارف اقولك ايه ، عندي ميتينج مهم اوي ومكنش عارف هسيبه فين ، أنا متشكر اوي يا مريم
العفو مفيش حاجة
نزل لمستواه _ عبدالله ، هتقعد مع مريم بلاش شقاوة ، اتفقنا؟
مشي وفضلنا نلعب مع بعض لحد ما نام علي الكنبة الي في المكان ، نمت وانا قاعدة من غير ما احس وصحيت علي صوت أحمد _ مريم؟
ها؟
_ أنا آسف جدا والله ، كان فيه شغل كتير اوي متراكم عليا وكان لازم اخلصه ، الوقت اتأخر وكان لازم تقفلي وتروحي
ولا يهمك محصلش حاجة ، هو نايم من ساعتين
جبت بطانية من جوا ولفيتها عليه شيله بقي كويس عشان مياخدش برد
ابتسملي _ طب تعالي عشان اوصلك
لاء لاء أنا تمام ، هاخد تاكسي
_ احنا بليل ومش هسيبك تروحي مواصلات ، اقفلي المكان يلا ، هروح احط عبدالله في العربية
قفلت الكافيه وطلعت ف فتحلي باب العربية وركبت
هو البيت بعيد شوية ، معلش هتعبك
_ دا انا الي تابعك من ساعة ما
شوفتيني
ضحكت لاء ابدا
فضلنا نرغي طول الطريق ، مكنتش اتوقع اني اتكلم مع راجل واضحك بسببه!
_ وفكرة الكافيه جتلك منين بقي؟
محدش موافق من عيلتي علي المشروع دا أصلا
_ ليه؟
يعني ، شايفين اني مدام خلصت دراستي يبقي اقعد في البيت استني العريس المناسب ، مش قادرين يفهموا اني عاوزة احس اني بعمل حاجة ، اني عاوزة اكون انا قبل ما اكون زوجة وأم ، عاوزة احس اني عايشة وناجحة ومبسوطة مش بنت مستنية راجل عشان يتجوزها ، كل لما اجي اتكلم معاهم يقولوا كل بنات العيلة كده ، فين وفين بقي لحد ما وافقوا افتح الكافيه وقالوا اني هفشل وهرجع البيت تاني ، الظاهر إن عندهم حق
_ أنا كنت فاشل اوي زمان
بجد؟ أنت !!!!
_ من وانا في الكلية وانا معنديش صحاب والكل شايفني منفعش في أي حاجة ، اني هخلص الكلية واخد الشهادة احطها جمب الحيط ، لقيت نفسي هبقي عدد زيادة في العيلة ، ف اختارت اشتغل
