كـنز الأم بـداية حيـاة جديـدة كـاملة بقلـم منـي السـيد

محاماة من أكبر المكاتب في مصر واتفقت مع مستشار رأفت إنه يبدأ يلم ملفات الشركة القديمة ويشوف الثغرات اللي عزت وصافي استخدموها عشان يخرجوني.
المفاجأة كانت إن صافي وعزت فاتحين شركة جديدة رويال لاند وقايمين على مشروع ضخم في التجمع بس كانوا محتاجين سيولة عشان يكملوا المرحلة الأخيرة وإلا البنك هيحجز على المشروع كله.
قلت للمستشار رأفت أنا مش عايز أحبسهم يا متر.. أنا عايز آخد منهم كل حاجة زي ما عملوا معايا عايزهم يرجعوا لنقطة الصفر.
المواجهة في عقر دارهم
بعد أسبوعين كانت شركة رويال لاند بتعلن عن مزاد لبيع حصة من أسهمها لإنقاذ الموقف. المزاد كان في فندق فخم. دخلت القاعة والناس كلها بتبص.. سليم الغلبان اللي كان بيلبس قميص مكوي بالعافية داخل ببدلة تيلور ميد وساعة رولكس وسواق خاص فاتح له الباب.
صافي كانت واقفة مع عزت أول ما شافتني كوباية العصير متوفرة على صفحة روايات و اقتباسات وقعت من إيدها. عزت وشه جاب ألوان وجه ناحيتي بخطوات مهزوزة سليم إيه اللي جابك هنا وأيه المنظر ده سړقت مين يا شاطر
ضحكت ببرود وقعدت في أول صف الرزق بيحب الخفية يا عزت.. أنا جاي أشتري.
بدأ المزاد وعزت كان بيحاول يعلي السعر عشان يثبت إنه لسه مسيطر. السعر وصل ل 15 مليون جنيه.
عزت بص لي بتحدي 16 مليون!
رفعت إيدي بكل هدوء
30 مليون جنيه.. كاش.
القاعة سكتت تماما. صافي قربت مني وهي بتترعش سليم أنت جبت الفلوس دي منين أنت كنت بتشحت من أسبوع!
بصيت في عينيها نفس العيون اللي خذلتني وقلت لها دي دعوة أمي يا صافي.. فاكرة الست اللي كنت بتتريقي على لبسها أهي هي اللي خلتني النهاردة أشتريكم باللي خلفوكم.
السقوط المدوي
مشتريتش الأسهم بس أنا كنت اشتريت ديون الشركة من البنوك قبل المزاد بيومين من خلال مكتب المحاماة. يعني بكلمة مني أقدر أعلن إفلاس رويال لاند وأرميهم في الشارع فورا.
دخلت مكتب عزت وصافي في الشركة بعد المزاد بساعة. كانوا قاعدين زي الفراخ المبلولة.
عزت بدأ يغير لهجته يا سليم يا حبيبي إحنا أهل والشركات دي رزقنا كلنا خلينا نفتح صفحة جديدة.
طلعت ورقة التنازل عن كل أملاكهم مقابل إني مقدمش بلاغات التزوير اللي المستشار رأفت جمعها.
قلت لهم قدامكم 10 دقايق.. تمضوا على التنازل ده وتخرجوا من هنا بشنط هدومكم بس يا إما البوكس مستنيكم تحت پتهمة تبديد أموال الشركاء والتزوير.
صافي بدأت ټعيط هروح فين يا سليم هنام فين
رديت عليها بنفس الكلمة اللي قالتها لي يوم ما طردتني الأرض واسعة يا صافي.. ابقي شوفي لك رصيف مريح.
الاستثمار الحقيقي
بعد ما استرديت حقي مكنتش حاسس بالانتصار اللي كنت متخيله. الفلوس لسه كتير والاڼتقام كان طعمه مر. افتكرت كلام أمي يا تبني بيها جنة..
قررت أبيع كل شركات عزت وصافي وحطيت الفلوس دي في مؤسسة سليم ووالدته للأعمال الخيرية. بدأت بمشروع لتطوير العشوائيات ومستشفى لعلاج كبار السن مجانا متوفرة على صفحة روايات و اقتباسات ومركز لتدريب الشباب اللي على الحديدة زي ما كنت.
روحت قبر أمي قعدت قدام الرخامة الباردة وبكيت زي العيل الصغير.
عملت اللي قلتي عليه يا أمي.. استخدمتها لما مكنش معايا حاجة وبنيت بيها جنة لناس تانية كتير.
النهاية الرزق الحلال
بعد سنتين كنت واقف في افتتاح المرحلة التالتة من مشروع سكن كريم. بصيت في الساعة كانت 2 ظهرا. موبايلي رن كانت بنوتة يتيمة المؤسسة كانت بتجهزها لجوازها بتشكرني.
في اللحظة دي شفت واحدة ست بتلم بلاستيك من الژبالة في الشارع البعيد ركزت في ملامحها.. كانت صافي. وراها عزت كان بيجر عربية خضار. مكنش عندي ذرة شماتة بالعكس بعت واحد من الموظفين بشنطة فيها أكل وفلوس من غير ما يعرفوا إنها مني.
أمي كان عندها حق.. الفلوس مش هي اللي بتعمل الراجل لكن الطريقة اللي بيستخدمها بيها هي اللي بتحدد هو مين. ال 47 مليون جنيه خلصوا في الخير بس البركة اللي دخلت حياتي كانت تساوي مليارات بقلم مني السيد 
رجعت ركبت عربيتي وبصيت للكارت القديم اللي لسه في محفظتي.. الكارت اللي كان تذكرتي من الچحيم للجنة.
تمت.