رواية كاملة

حاجة عملتها خدت اجازة
سافرت دهب لوحدي
قعدت خمس ايام قدام البحر
مفيش جوز مفيش بيبي مفيش خېانة مفيش مفاجآت تحت الطبق
فيه انا وبس
هناك قابلت ست كبيرة صاحبة كامب
حكتلها قصتي
قالتلي برافو عليكي انا جوزي برضه سرقني زمان وكنت فاكرة اني ضعيفة
قلتلها ودلوقتي
قالت دلوقتي عندي الكامب ده وتلت ولاد جدعان ومش محتاجة راجل يبنيلي بيت انا ببني بيوت لناس
رجعت من دهب واحدة تانية
قصيت شعري
غيرت رقمي
وبدأت شغل جديد كنت مأجلاه بقالي سنة عشان كنت فاكرة اني لازم افضى للبيت
الشركة الجديدة بتاعتي بتكبر كل يوم
وفي يوم وانا قاعدة في البلكونة بشرب قهوة الجرس رن
فتحت لقيته هو
خس ووشه تعبان وشايل وردة دبلانة
قال وحشتيني
قلتله انت مين
قال انا جوزك
قلتله لا انت طليقي قريب اوي
قال انا عرفت غلطي وهي سابتني والبيبي مش ابني اصلا هي كانت بتضحك عليا
قلتله مش مشكلتي
قال طب نرجع انا بحبك
ضحكت
قلتله بتحبني ولا بتحب البيت اللي بعته
سكت
قلتله انت فاكر لما قلتلي هتاخدي بالك منها انا ابتسمت وقلت طبعا عارف طبعا دي كانت لمين
كانت لنفسي
انا اخدت بالي من نفسي وانت مخدتش بالك غير من نفسك
قال طب اديني فرصة
قلتله الفرصة كانت ست شهور وانت ضيعتها لما قررت تجيب واحدة تولد في بيتي
اقفل الباب ورحت جبتله ازازة مية
قلتله اشرب وامشي عشان عندي اجتماع
مشي
ومن ساعتها مسمعتش صوته تاني
الطلاق خلص بعدها بشهرين
القاضي حكملي بكل حاجة
والبيت الجديد اللي بعته فلوسه معايا والفلوس اللي رجعت معايا والشركة معايا
وهو طلع مديون
وصاحبته قفلت الشركة اللي فتحتها بفلوسي ورجعت تشتغل في شركة تانية
وانا
انا كل يوم الصبح بصحى اعمل قهوة واقعد في البلكونة اللي بتطل على النيل واقول لنفسي
الحمد لله انه قالها
الحمد لله انه قال هاتي واحدة ببيبي تعيش معانا ست شهور
عشان لولاها كنت هفضل عايشة مع راجل بيسرقني وانا فاكرة انه بيحبني
المفاجأة الحقيقية مكنتش الورق ولا الشهر العقاري ولا البيع
المفاجأة اني اكتشفت اني اقوى من ما كنت فاكرة
وان البيت اللي بيتبني بفلوس ست جدعة مينفعش يدخله راجل خاېن