رواية كاملة

يبقى ابنه صح
الصالة سكتت
صاحبته بصت في الارض
جوزي سكت
قلتله كنت فاكرة اني هحتاج تحليل دي ان ايه بس وش البيبي شبهك بالظبط
المحامية قالت للموظف وده كمان بلاغ رسمي انا مقدماه بالتحويلات اللي حصلت وان الفلوس دي لازم ترجع والا هيبقى فيه قضية
صاحبته ابتدت ټعيط
قالت والله انا مكنتش عايزة يحصل كده هو اللي قالي انكم هتتطلقوا وان البيت بتاعه
قلتلها وهو قالك انه بيسرق فلوسي عشان يصرف على شركتك
قالت انا كنت فاكرة انها فلوسه
قلتلها لا يا حبيبتي دي فلوسي انا اللي اشتغلت وتعبت وانتي خدتيها على الجاهز
جوزي قام وقف
قال طب هتطرديني انا وصاحبتي وبيبي في الشارع
قلتله لا يا حبيبي انا حجزتلكم شقة
طلعت ورقة حجز فندق
قلتله حجزتلكم اوضة في فندق رخيص لمدة اسبوع على حسابي عشان البيبي ملوش ذنب وده اخر جنيه هصرفه عليكم
صاحبته لمت الشنط وهي بټعيط
جوزي قال انتي هتندمي
قلتله انا ندمت مرة واحدة بس لما افتكرت ان البيت ده بيتنا سوا وهو طول عمره بيتي انا
موظف الشهر العقاري قال يلا يا جماعة المشتري على وصول
المشتري وصل راجل كبير مع ولاده
دخل قال الف مبروك البيت جميل
قلتله الله يبارك فيك بس خرج الضيوف الاول
جوزي شال شنطة وصاحبته شالت البيبي والشنطة التانية وخرجوا
وهو خارج بصلي
قال انتي كسبتي
قلتله لا انا رجعت حقي
قفلت الباب وراهم
المحامية حضنتني
قالت برافو عليكي
قلتلها تصدقي انا كنت خاېفة اضعف
قالت بس انتي قوية
بعدها بساعة كنت في شقتي الجديدة
شقة حلوة بتطل على النيل كلها ازاز
قعدت على الكنبة وعملت قهوة
ولاول مرة من ست شهور حسيت اني بتنفس
بليل جالي رسالة منه
بيقول انتي ډمرتي حياتي
مردتش
بعدها رسالة منها
بتقول انا اسفة والله ما كنت اعرف انه بيسرقك
مردتش برضه
عملتلهم بلوك هما الاتنين
تاني يوم المحامية كلمتني
قالت الفلوس هترجع خلال شهر والا
هنرفع قضية والشركة بتاعتها هتتقفل لانها معمولة بفلوس مسروقة
قلتلها مش عايزة فلوسه عايزة اخلص
قالت هتخلصي
بعد اسبوعين عرفت انهم سابوا بعض
هو رجع بيت اهله وهي رجعت بيت اهلها بالبيبي
وهو بيحاول يكلمني
وانا كل يوم بصحى في شقتي الجديدة اعمل قهوة وافتح اللابتوب اشتغل من البلكونة
واكتشفت ان البيت عمره ما كان حيطة وطوب
البيت هو المكان اللي محدش يقدر يقولك فيه هاتي واحدة تولد وتعيش معانا ڠصب عنك
البيت هو المكان اللي بتقولي فيه لا وانتي مش خاېفة
والمفاجأة الحقيقية مكنتش اني بعت البيت
المفاجأة اني لقيت نفسي
الست اللي كانت بتسكت عشان المركب تمشي ماټت
والست اللي بتقول لا بصوت عالي اتولدت
ومن ساعتها وانا كل ما حد يسألني انتي ازاي قدرتي تاخدي القرار ده
بقوله عشان لما جوزي قالي هتاخدي بالك منها ابتسمت وقلت طبعا
بس طبعا دي كانت ليا انا مش ليه
طبعا هاخد بالي من نفسي
طبعا هبيع البيت
طبعا همشي
والبيبي
ربنا يحميه ملوش ذنب في اب زي ده وام باعت نفسها عشان فلوس
بس انا مش جمعية خيرية
انا ست حافظت على بيتها وشقاها وكرامتها
وده احلى مفاجأة عملتها لنفسي
بعد ما عملتلهم بلوك وقفلت الباب وروحت شقتي الجديدة كنت فاكرة الموضوع خلص
بس طلع لسه بيبتدي
تاني يوم الصبح لقيت امه بتتصل بيا
اول مرة تكلمني من يوم ما اتجوزنا
قالتلي يا بنتي ليه عملتي كده ده ابني
قلتلها يا طنط ابنك سرقني تمانية وستين الف دولار وجاب واحدة ببيبي تقعد في بيتي
قالتلي معلش يا بنتي اصل الولد كان بيحبها من زمان
قلتلها يحبها بعيد عن بيتي وفلوسي
قالتلي طب رجعيله فلوسه
ضحكت
قلتلها فلوس مين يا طنط ده هو اللي سارق فلوسي وانا اللي هرفع عليه قضية
قفلت السكة
بعدها بيومين لقيت صاحبتي المقربة بتكلمني
قالتلي هو جالها وحكالها اني ظالمة وطردته هو وواحدة غلبانة ببيبي صغير في الشارع
قلتلها احكيلك الحقيقة
حكتلها كل حاجة بالورق والتحويلات
قالتلي يا نهار اسود وانا اللي كنت مصدقاه
قلتلها عادي كلنا اتضحك علينا
بس اكتر حاجة وجعتني مش الفلوس
الۏجع اني كنت بعمل اكل واقول ده بيتنا وهو كان بيعمل مستقبل تاني في حتة تانية بفلوسي
المحامية كلمتني بعد اسبوع
قالتلي عندي اخبار حلوة ووحشة
قلتلها الحلوة الاول
قالت الفلوس هترجع حساب الشركة بتاعتها اتجمد والبنك اعترف ان التحويلات تمت من غير موافقتك وهيرجعوا خلال عشرين يوم
قلتلها والۏحشة
قالت انه بيحاول يثبت انك كنتي موافقة وان الجواز كان شراكة وان ليه نص البيت
قلتلها بس البيت باسمي من قبل الجواز وعندنا ورق يثبت انه مدفعش جنيه
قالت متقلقيش احنا كسبانين بس هيحاول يلعب
وفعلا حاول
بعتلي انذار على بيت اهلي اني بعت بيت الزوجية من غير موافقته
المحامية ردت عليه بورقة واحدة عقد شړا البيت بتاريخ قبل الجواز بتلت سنين باسمي انا
القاضي ضحك عليه
بعدها باسبوعين لقيت رسالة من رقم غريب
فتحت لقيتها هي صاحبته
كاتبة انا اسفة انا والبيبي في الشارع وهو سابني
قلت يا رب البيبي ده ذنبه ايه
بس قلت لنفسي لا متضعفيش
كتبتلها ربنا معاكي بس انا مش مسؤولة عن اختياراته
قالتلي انا عارفة ان البيبي يبقى ابنه وعملت تحليل وطلع ابنه فعلا
قلتلها يبقى ترفعي عليه قضية نفقة مش تكلميني انا
عملتلها بلوك
كنت كل يوم بكتشف اني كنت متجوزة راجل غريب
في يوم كنت بنضف الشقة الجديدة لقيت بوكس قديم فيه صور فرحنا
كنت لابسة فستان ابيض وهو بيضحك
قطعت الصور كلها ورميتها
وسبت صورة واحدة بس صورة ليا انا لوحدي وانا بفتح شركتي اول مرة وانا عندي اتنين وعشرين سنة
علقتها على الحيطة
وكتبت تحتها الست دي هي اللي بنت البيت مش هو
بعد شهر الفلوس رجعت
تمانية وستين الف دولار كاملين
حولتهم كلهم لحساب جديد
باسمي انا بس
واول