رواية كاملة

لدرجة إنه سكت فجأة. ممدوح مش هنا. ممدوح هو اللي رمى المنديل في وشها بإيد ابن أخوه، وزقني في الطين قدام المطعم وسابنا ومشي
بالعربية المرسيدس بتاعتي، واخد معاه أمه ودنيا وابنها.
السماعة سكتت تماماً، مكنش طالع منها غير صوت نَفَس طارق وهو بيتقل وبيغلي. طارق هادي، وطبعه بارد في الشغل، بس لما بيقلب بيبقى بلدوزر مبيقفش.
هو عمل كدة؟ طارق سأل بصوت واطي ومخيف.
وعمل أكتر من كدة. طارق، أنت سألتني في رسالتي عن ملف القرض.. هو القرض ده وصل لفين عندك في البنك؟
اللجنة كانت هتعتمد الموافقة النهائية بكرة الصبح يا سارة.. عشرة مليون جنيه بضمان أصول الشركة وسندات لأمر، وكنت ممشيهاله خدمة ليكي عشان شركته متفلسش والعمال ميتشردوش، على أساس إنه جوز أختي.
ألغي القرض يا طارق.
سارة، مش بس هلغيه.. أنا هقلب عاليها واطيها على دماغه.
لا.. مش هتلغيه بمجرد الرفض العادي. أنا عايزاك ترفضه بسبب تزوير في الأوراق الرسمية.
طارق سكت لثواني، وبعدين حسيت بإنه قعد على مكتبه تزوير؟ إنتي عارفة حاجة أنا مش عارفها؟
ممدوح بقاله تلت سنين بيسحب من سيولة الشركة عشان يغطي مصاريف شقة التجمع التانية اللي ساكنة فيها دنيا.. ومقدم للبنك ميزانية مضړوبة مفيهاش السحوبات دي، ومسجل العربية المرسيدس بتاعتي كأصل من أصول شركته بتوكيل عام كنت عاملاهوله زمان وقت ما كنا بنخلص إجراءات جمركية.. التوكيل ده أنا لغيته في الشهر العقاري من شهرين لما شميت ريحة مش مظبوطة، وهو ميعرفش، واستخدمه في أوراق القرض عندكم.
طارق نفخ بقوة يعني مقدم للبنك مستند ملكية باطل وميزانية متلاعبة بتوقيع محاسب قانوني مشكوك فيه؟ دي قضية جنائية يا سارة، دي فيها سجن مش أقل من سبع سنين!
وده المطلوب. بس مش دلوقتي يا طارق.. عايزاه الصبح يروح البنك وهو لابس البدلة الكحلي الجديدة، ورافع مناخيره في السما، وفاكر نفسه خلاص حط رجله على أول طريق الملايين.. عايزاه يقع من سابع سما لسابع أرض.
أنا مسافة السكة وجايلك المستشفى.. متتحركيش من هناك.
قفلت مع طارق، وخرجت وقفت قدام أوضة مريم. الدكتور خرج وهو بيقلع الجوانتي، وشه كان مرهق بس ملامحه هديت
مدام سارة؟ الحمد لله، لحقناها في الوقت المناسب. أخدت حقنة الإبينفرين والأكسجين رجع لطبيعته، التورم اللي في الحنجرة بدأ ينزل.. بس لازم تفضل تحت الملاحظة هنا للصبح نتأكد إن مفيش رد فعل ارتدادي Biphasic reaction.
ركبي خارت، وسندت على الباب وغمضت عيني ينفع أدخلها يا دكتور؟
ينفع، بس هي نايمة دلوقتي من أثر المهدئ.
دخلت الأوضة. مريم كانت نايمة، وشها رجع لونه الطبيعي بس كان لسه شاحب، وكان فيه كانيولا في إيدها الصغيرة موصولة بمحلول. قعدت على الكرسي جنبها، مسكت إيدها التانية وبوستها، وحلفت في سري وحياة كل دمعة نزلت منك النهاردة يا بنتي، وحياة كسرة عينك على طبق اللحمة اللي استكتروه عليكي، لأخليهم يشتهوا رغيف العيش الحاف وميلاقوهوش.
الساعة كانت داخلة على اتنين بالليل لما طارق وصل.
دخل الأوضة بهيبته، لابس بالطو طويل ووشه زي الصوان. بص على مريم وباس جبينها بحنية، وبعدين بص على هدومي المليانة طين.
قلع البالطو بتاعه وحطه على كتافي حقك هيرجع يا سارة.. تالت ومتلت.
مش حقي لوحدي يا طارق.. حق كرامتنا كلنا. الراجل ده شافني ساكتة وصبورة افتكرني ضعيفة وماليش ضهر.
طارق طلع موبايله وحطه قدامي على الترابيزة من نص ساعة كلمت المستشار القانوني بتاع البنك، وفتحت السيستم من البيت وراجعت الورق اللي ممدوح رافعه. لقيت مصېبة تانية.
بصيتله باهتمام مصېبة إيه؟
ممدوح مش بس متلاعب في الميزانية عشان يخفي مصاريف شقة دنيا.. ممدوح كاتب الشقة دي تمليك باسم إياد، والواصي عليها هي دنيا، ودفع تمنها من شيكات باسم شركتك المشتركة معاه!
ضحكت بمرارة يعني
كان بيسرق أرباح تعبي وشقايا عشان يأمن مستقبل ابن أخوه ومراته؟
وأزيدك من الشعر بيت؟ طارق كمل وهو بيقرب خطوته عارفة التحويلات اللي كانت بتطلع من

حساب الشركة باسم مؤسسة الأمل للتوريدات اللي كنتي فاكراها شركة خامات؟ دي شركة وهمية بسجل تجاري مضړوب باسم دنيا.. يعني الراجل كان بينقل أصولك وأرباحك لحسابها هي بدم بارد، بقالهم سنتين بيخططوا يصفوا الشركة دي على الحديدة ويفتحوا هما الاتنين كيان جديد برة مصر بعد ما القرض يتدبس في رقبتك إنتي، لأنك إنتي الضامن المتضامن في الأوراق القديمة!
في اللحظة دي، حسيت كأن مية ساقعة ادلقت على دماغي بس المرة دي صحتني من غفلة سنين.
المسألة مكنتش مجرد قلة ذوق في مطعم، ولا حتى راجل عينه زايغة على مرات أخوه.. دي كانت عملية ڼصب واحتيال وتجريد كامل ليا ولبنتي من كل مليم أملكه، كانوا بيجهزوا لطردنا في الشارع بهدومنا اللي علينا!
طارق.. الورق ده كله يجهز منه نسختين. نسخة للمباحث العامة للأموال العامة، ونسخة للنائب العام.
جاهز من دلوقتي.. بس الصبح أنا عامله مفاجأة في البنك الأول.
لا، قولتله وأنا بقف على حيلي والۏجع اتبخر من جسمي تماماً، أنا اللي هروح البنك الصبح.
إنتي؟ سارة، إنتي تعبانة و...
أنا بقيت كويسة جداً.. أنا عمري ما فوقت في حياتي زي الليلة دي.
الساعة 9 الصبح، شمس خريفية باهتة كانت طالعة فوق القاهرة.
كنت روحت البيت القديم بتاع بابا في مصر الجديدة، أخدت شاور، غيرت هدومي ولبست تايير كحلي فورمال، ولمېت شعري كحكة مظبوطة، وحطيت روج هادي بس ملامحي كانت قاطعة زي حد السيف. مريم سبتها مع ماما وأختي في أمان، وكانت صحتها بقت أحسن كتير.
وصلت الفرع الرئيسي للبنك في التجمع الخامس.
دخلت بهيبتي، السكرتارية رحبوا بيا لأني معروفة عندهم، ودخلت قعدت في الأوفيس الداخلي الملحق بمكتب طارق، بحيث أكون شايفة وسامعة من ورا الإزاز الفاميه اللي محدش يشوف من وراه.
الساعة 945، دخل ممدوح.
كان ماشي نافش ريشه زي الطاووس، لابس البدلة الكحلي اللي خمنتها بالظبط، وراشش البرفان الغالي اللي كنت أنا شرياهوله في عيد ميلاده اللي فات، وماسك في إيده شنطة جلد سودا شيك. والغريب.. إنه مكنش لوحده!
دنيا كانت معاه!
لابسة طقم شيك ونضارة شمس رافعاها على شعرها، وماشية تتمايل جنبه كأنها سيدة الأعمال الأولى، وبتضحك معاه بدلع وهي بتبص لمبنى البنك الضخم بفخر وجشع.
دخلوا مكتب طارق. طارق كان قاعد ورا مكتبه الفخم، وشه بارد وخالي من أي تعبير، وقدامه ملف القرض الضخم وشوية ورق متستف بطريقة هندسية.
أهلاً أهلاً يا باشا! صباح الفل والياسمين على أحسن مدير ائتمان في مصر! ممدوح مد إيده بحرارة وهو بيضحك بملء فمه.
طارق بص لإيده ثانية، وممدش إيده، اكتفى بهزة راس باردة صباح الخير يا ممدوح.. اتفضلوا.
ممدوح ارتبك للحظة من البرود ده، بس اتدارك نفسه وقعد، ودنيا قعدت على الكرسي اللي جنبه وحطت شنطتها على المكتب.
أحب أعرفك برضه يا طارق بيه، دي دنيا هانم، شريكتي الجديدة اللي هتتولى إدارة قطاع التوريدات في التوسع الجديد اللي هنعمله بفلوس القرض. ممدوح قال الكلام ده بفشخرة واضحة.
دنيا مدت إيدها برقة أهلاً يا طارق بيه، ممدوح دايماً بيكلمني عن ذكائك ووقفتك جنبه.
طارق حتى مبصش لإيدها، فتح الملف قدامه وبدأ يقلب في الورق ببطء قاټل
تمام. خلينا ندخل في الموضوع على طول عشان عندي اجتماع مجلس إدارة كمان ربع ساعة.
ممدوح فرك إيديه بلهفة، العيون الجعانة كانت بتلمع في وشه خير يا رب.. كل الأوراق مستوفية والشيكات جاهزة؟ الشيك المصرفي
بتاع العشرة مليون هيتصرف النهاردة ولا على بكرة الصبح عشان بس نلحق نفتح الاعتمادات المستندية؟
طارق رفع عينه وبصله في هدوء هو الصراحة يا ممدوح.. في مشكلة بسيطة جداً عطلت الصرف.
وش ممدوح اتخطف للحظة، بس ضحك بتوتر مشكلة إيه يا طارق؟ إحنا مراجعين كل حاجة مع المحاسب القانوني، وكل الضمانات موجودة!
المشكلة الأولى.. في الضامن. طارق طلع ورقة وحطها قدامه الضامن المتضامن في شركتكم هي سارة السيوفي.. وسارة النهاردة الساعة تمانية الصبح قدمت إخطار رسمي للبنك برفع يدها عن أي تسهيلات ائتمانية للشركة، وسحبت توقيعها وسجلت اعتراض رسمي على القرض.
ممدوح وشه احمر وضړب على دراع الكرسي سارة؟! سارة اټجننت رسمي! هي بټنتقم مني عشان خلاف عائلي تافه حصل إمبارح؟! طارق، متدخلش شغل البنك في شغل الخناقات الحريمي، سارة مراتي وأنا هعرف أربيها وأرجعها لطوعها، كمل الإجراءات وبلاها توقيعها، أنا معايا توكيل عام منها يخولني أوقع مكانها!
دنيا اتدخلت بصوت ناعم ومسمۏم فعلاً يا طارق بيه.. سارة الله يهديها متهورة وبتاخد الأمور على أعصابها بزيادة، مش معقول تضيع مستقبل شركة عشان غيرة ستات وتصرفات عيال صغيرة!
طارق بصلها من فوق لتحت بنظرة خلتها تخرس وتتراجع في الكرسي.
وبعدين بص لممدوح التوكيل اللي معاك يا ممدوح.. ملغي من شهرين في توثيق الأهرام بالجيزة. واستخدامك لتوكيل ملغي في تقديم أوراق رسمية لبنك خاضع لرقابة البنك المركزي، ده اسمه في القانون استعمال محرر فقد حجيته والتزوير للاستيلاء على أموال عامة.
ممدوح بدأ يعرق، ملامح وشه اتهزت وبدأ يبلع ريقه بصعوبة ملغي؟ ملغي إزاي؟! هي مقالتليش!
ومش هتقولك.
الصوت مكنش صوت طارق..
الصوت كان صوتي أنا، وأنا بفتح باب الأوفيس الداخلي وبخرج بهدوء وثقة وخطوات كعبي كانت بترن على الباركيه.
ممدوح ودنيا وقفوا في نفس اللحظة كأنهم اتكهربوا.
بصولي پصدمة.. مكنتش سارة المتبهدلة اللي مرمية في طين الشارع إمبارح وهي پتبكي على بنتها.. كنت سارة اللي ميعرفوهاش، سارة اللي ورثت عقل وحزم عيلة السيوفي.
سارة؟! ممدوح تمتم وشفايفه بتترعش.
صباح الخير يا ممدوح.. صباح الخير يا دنيا، يا شريكة التوريدات الجديدة. قولت كلامي بابتسامة باردة جداً وقفت ورا كرسي طارق وحطيت إيدي على ضهره.
دنيا وشها بقى لونه زي الكركديه المېت، وحاولت تبتسم سارة.. إنتي فاهمة غلط، إحنا...
أخرسي. قولت الكلمة بنبرة واحدة واطية، بس كانت كفيلة تلجمها زي الحصان.
ممدوح حاول يستجمع شجاعته وقرب خطوة سارة.. بطلي حركاتك دي، إنتي بتخربي بيتنا وبتدمري شركتنا! القرض ده لو متصرفش النهاردة الشركة هتدخل في تعثر والإفلاس هيعلنوه الأسبوع الجاي!
وده المطلوب بالملي. رديت بهدوء. شركتك إنت اللي هتفلس.. أما شركتي أنا، فصولها وأصول عيلتي اتسحبت منها قانونياً الصبح. والشركة دي مبقاش حيلتها غير الديون والشيكات اللي إنت ماضيها على بياض.
طارق خبط بالقلم على المكتب خبطتين، وقال والمشكلة التانية يا ممدوح.. مش مجرد رفض القرض.
ممدوح بص لطارق بړعب أمال إيه؟
طارق طلع الملف التاني المشكلة التانية هي شركة الأمل للتوريدات اللي مسجلة باسم الست دنيا، واللي سحبتوا من خلالها 4 مليون جنيه من أموال الشركة الأصلية على مدار سنتين بفواتير وهمية وبضاعة مكنتش بتدخل المخازن أصلاً. البنك، بصفته جهة مدققة للأموال ومسؤول عن مكافحة غسيل الأموال، أحال الملف ده للنيابة العامة وقطاع مباحث الأموال العامة.
دنيا