طمـع الـحماة بقلـم حكايات منـال علي

حماتي أخدت مرتب جوزي واعتبرت مرتبي حقها بعد الجواز سكت، لكن اللي عملته بعدها صدمها!
أنا اسمي مروة، عندي 29 سنة، وبشتغل في شركة محترمة في الدقي، ومرتبي الحمد لله كويس، وبيكفيني أعيش أنا وبيتي حياة مستقرة.
جوازتي من رامي كانت جوازة صالونات تقليدية، وحماتي سعاد هي اللي كانت السبب الرئيسي فيها.
من أول مرة شافتني فيها، وهي بتسأل عن شغلي ومرتبي أكتر ما سألتني عن شخصيتي.
كنت فاكرة إنها ست بتحب تعرف تفاصيل حياة مرات ابنها.
لكن بعد الجواز اكتشفت إن الموضوع كان أبعد من كده بكتير.
من أول شهر، بدأت الطلبات.
مرة الغسالة عندها باظت وعايزة واحدة جديدة.
ومرة أخت رامي كانت محتاجة فلوس عشان تجهز شقتها.
ومرة حماتي نفسها كانت عايزة مبلغ كبير بحجة إنها داخلة في جمعية ولازم تدفع القسط.
كل مرة كانت تطلب من رامي، ولو قال لهايا أمي أنا مصاريفي كتير.
ترد بمنتهى البرودومرتب مراتك فين؟ ما هي بتقبض كويس ولا هي هتدفن فلوسها؟
ورامي كان دايمًا يقولحاضر يا أمي.
وأنا كنت بسكت. حصري علي روايات واقتباسات
كنت بقول لنفسي دي أمه، ومهما حصل لازم أحافظ على بيتي.
خصوصًا إن ربنا رزقنا بثلاثة أولاد، ومصاريف المدارس والأكل واللبس والكهربا والإيجار كانت بتاكل المرتبين أكل.
مرتبي كله تقريبًا كان بيروح على البيت والعيال.
حتى لما كنت أبقى محتاجة أشتري حاجة لنفسي، كنت أقول
بعدها العيال أولى.
لحد ما جه أول الشهر اللي غيّر كل حاجة.
رامي قبض مرتبه، ولسه داخل البيت وحاطط الفلوس في محفظته، لقيت حماتي داخلة علينا من غير حتى ما تتصل.
قعدت على الكنبة، وبصتله وقالتهات مرتبك يا رامي.
رامي ضحك وقالليه يا أمي؟
قالت بمنتهى الجديةمحتاجاه كله الشهر ده.
بصيتلها باستغراب وقلتكله يا حماتي؟ طب وإحنا هنصرف إزاي؟
بصتلي وقالتإنتي عندك مرتبك.
قلتبس مرتبي عليه البيت والعيال والمدارس.
ردت عليا بمنتهى الثقةوإيه يعني؟ ما تستحملي شوية. أنا محتاجة الفلوس دي ومش هينفع أستنى.
سألتهاطب محتاجاه في إيه؟ لو في مشكلة نساعدك ونشوف حل.
وشها اتغير وقالتهو أنا لازم أبررلك فلوسي؟ أنا أمه!
هنا قلت بهدوءمحدش قال غير كده، بس إحنا مش قادرين نستحمل إن مرتب كامل يخرج من البيت. لو عليكي دين، نعرف قيمته ونساعدك نسدده على دفعات.
وقتها انفجرت. بقلم منال علي
وقفت قدامي وقالتإنتي بقى اللي هتقرريلي أعمل إيه؟! ده ابني وأنا أولى بفلوسه منك!
حاولت أتمالك نفسي وقلتأنا مش باخد حاجة من فلوسه، أنا بس بقول إن عندنا بيت وثلاثة أطفال.
ضحكت بسخرية وقالت الجملة اللي كسرتنيأصل أنا جوزتك لابني علشان شغلك ومرتبك! كنت فاكرة إنك هتشيلي معاه وتخلي عيشتنا كلنا أحسن مش كل قرش عندك تحسبيه!
بصيت لرامي.
كنت مستنية كلمة واحدة.
كنت مستنية يقول لها سناء مراتي، وأنا اتجوزتها علشان بحبها مش علشان مرتبها.
لكن رامي خذلني. حصري علي روايات واقتباسات
قالخلاص يا أمي، متزعليش. خدي المرتب.
وطلع الفلوس كلها من المحفظة وحطها في إيدها.
حماتي أخدت الفلوس، وبصتلي بابتسامة انتصار وقالتأهو ابني عارف مين أمه.
ومشيت.
أما رامي فدخل الأوضة وكأن مفيش حاجة حصلت.
دخلت وراه وقلت إنت عملت إيه؟
قال ببرود عملت اللي يريح أمي.
قلت وأنا بحاول أمنع دموعي وإحنا؟ والعيال؟ ومصاريف البيت؟
قال مرتبك موجود.
سألته وأنا مش مصدقة يعني أنا بالنسبالك بنك؟
سكت شوية، وبعدين قال بمنتهى البرود لو ده هيريحك اعتبريني متجوزك علشان مرتبك.
الجملة دي كانت آخر حاجة سمعتها منه.
سكت. حصري علي روايات واقتباسات
مجادلتوش.
ولا حتى عيطت قدامه.
دخلت أوضتي وقفلت الباب، وقعدت أفكر طول الليل.
ولأول مرة من يوم ما اتجوزت، قررت إني مش هسكت علشان أحافظ على بيت بيت أهله شايفيني فيه مجرد مرتب آخر الشهر.
وقبل ما أنام، أخدت قرار واحد.
قرار لو كنت حكيته لأي حد، كان هيقول إني مستحيل أعمله.
تاني يوم الصبح، رامي صحي وهو فاكر إن كل حاجة زي ما هي
لكن أول ما خرج من الأوضة، لقى البيت هادي بشكل غريب، وعلى السفرة ظرف كبير باسمه، وجنبه ورقة واحدة.
فتح الورقة وووووو.....
حكايات_منال_علي
فتح رامي الورقة، وأنا متأكدة إن وشه اتقلب مية لون في اللحظة دي.
الورقة مكنش فيها دموع، ولا عتاب، ولا كلمة واحدة من شغل المسكنة اللي كان متعود عليه مني.. الورقة كان مكتوب فيها جملتين وبس بما إنك اعتبرت نفسك متجوزني علشان مرتبي، فاعتبر إن البنك قفل أبوابه وسحب كل أرصدته. عيالك في أمان معايا، والظرف اللي جنبك ده أول رد على كلامك إنت وأمك.. والبادي أظلم.
رامي فتح الظرف بإيدين مرتعشة، وكان فاكر إنه هيلاقي ورقة طلاق أو مؤخر الصداق.. لكن المفاجأة شلّت تفكيره.
جوه الظرف لقى حكايات_منال_علي
إنذار رسمي على يد محضر موجه ليه ولأمه، بحصر كل المبالغ والتحويلات البنكية اللي سحبتها من حسابي الشخصي على مدار سنين الجواز لعيلته؛ سواء لتجهيز أخته، أو جمعيات أمه المزعومة، بإجمالي مبلغ يكسر ال 400 ألف جنيه، ومرفق معاه وصولات التحويل وإيصالات الأمانة اللي كنت ذكية كفاية إني أخليه يوقعها بحسن نية على إنها توثيق مصرفي.
إشعار من صاحب العمارة بإن عقد إيجار الشقة كان باسمي أنا، وإني فسخت العقد وسلمت المفتاح للنص التاني من الشقة للمالك عشان يعيد تأجيرها، ومطلوب منه يخلي الشقة خلال 72 ساعة فقط!
كارت المحامي بتاعي، مع جملة واحدة بخطه التفاوض أصبح قانونياً فقط.
أنا في الوقت ده كنت أخدت عيالي، وأخدت إجازة مفتوحة بدون مرتب من شغلي، وقعدت في شقة تانية خالص ميعرفوش طريقها، شقة ورثتها عن والدي الله يرحمه في مكان بعيد تماماً. قفلت تليفوني القديم، وفتحت رقم جديد ميعرفهوش غير أهلي والمحامي بتاعي.
تليفون المحامي مرتاحش دقيقة من الاتصالات.
رامي اتجنن، جري على أمه وهو بينهج ومش مستوعب اللي بيحصل حكايات_منال_علي
الحقيني يا أمي! مروة خربت الدنيا، واخدة العيال ورافعة قضايا وطلعت حابساني في حيطة سد!
حماتي بصتله بصلف وكبرياء مزيف
إنت بتخاف من شوية ورق؟! دي بتهوش يا واد، بكرة تيجي راكعة عشان خاطر عيالها، هي هتلاقي زيك فين؟! دي لو لفت الدنيا مش هتلاقي راجل يعبرها بعد ما خلفت تلاتة!
رامي صرخ في وشها لأول مرة
يا أمي إنتي مش فاهمة! مروة قفلت حساباتها في البنك، والفيزا اللي كانت بتدفع منها إيجار الشقة ومصاريف المدارس اتلغت! وصاحب البيت جاي يطردني، والمدارس باعتة إنذار بدفع الأقساط، وإنتي أخدتي مرتبي كله وممعيش حتى تمن مواصلات شغلي! هاتِ المرتب أتصرف بيه!
حماتي ارتبكت، ولونها شحب فجأة، وبصت في الأرض وقالت بتوتر
المرتب.. المرتب مش معايا.
رامي تنّح وبصلها بذهول
يعني إيه مش معاكي؟! إنتي لسه واخداه إمبارح بالليل!
حماتي صوتها وطي