رواية كاملة

تلف البضاعة بإيديها.
لحد ما ربنا فتحها علينا.
أما كريم...
فانضم بعد نجاح المشروع بسنين.
ولأنه جوزي، سجلته شريك معايا.
لكن بثينة عمرها ما اعترفت بالحقيقة.
كانت شايفة إن النجاح لازم يكون باسم ابنها.
وبس.
قالت وهي بتحاول ترجع قوتها
حتى لو إنتي اللي دفعتي... يبقى واجبك تحترمي أهل جوزك.
ابتسمت.
الاحترام بيتاخد... مش بيتفرض.
وبعدين لفيت ناحية أمي.
حضنتها قدام الكل.
وقلت
من النهارده... محدش هيكسرك طول ما أنا عايشة.
أمي مقدرتش تمسك دموعها.
أما أبويا...
فاكتفى إنه يحط إيده على كتفي.
ودي كانت عندي بالدنيا.
...
بعد نص ساعة...
كنا راكبين العربية.
سيبنا الفيلا كلها ورا ضهرنا.
أمي سألتني باستغراب حكايات_منال_علي
إحنا رايحين فين؟
قلت وأنا بسوق
مكان أحسن.
كريم بصلي.
عملتي إيه في الحجز؟
ابتسمت.
لسه معملتش حاجة.
بس هعمل.
طلع تليفوني.
وكلمت خدمة العملاء.
مساء الخير... معاكم صاحبة الحجز.
عايزة ألغي كل الخدمات الإضافية.
الشيف.
واليخت.
والسواق.
وأوقف أي مصروفات من دلوقتي.
الموظفة سألتني
تحبي نبلغ الضيوف؟
قلت بهدوء
لا.
سيبوهم يعرفوا بنفسهم.
قفلت المكالمة.
كريم ضحك لأول مرة من الصبح.
واضح إن أمي هتتجنن.
قلت وأنا ببص للطريق
دي مجرد البداية.
...
في نفس الوقت...
داخل الفيلا...
كانت بثينة قاعدة بكل غرور على الكنبة.
وقالت لداليا
سيبيهم يروحوا.
هيعرفوا قيمتنا بعدين.
داليا ضحكت.
بكرة لما صحابي يوصلوا هينبهروا بالمكان.
وفجأة...
جرس الباب رن.
الخدام فتح.
دخل شيف الفندق.
وقال بهدوء
آسفين يا فندم... الخدمة اتلغت.
بثينة قامت واقفة.
إيه؟
تم إلغاء التعاقد.
بعده بدقيقة...
السواق جه.
آسف... الرحلات كلها اتلغت.
وبعد خمس دقايق...
شركة اليخت بعتت رسالة.
تم إلغاء الحجز.
داليا بصت لأمها بخضة.
هو إيه اللي بيحصل؟
بثينة طلعت البطاقة البنكية بسرعة.
ولا يهمك.
هحاسب أنا.
نزلت عند الاستقبال.
حطت البطاقة في الجهاز.
الجهاز طلع صوت.
العملية مرفوضة.
حاولت تاني.
مرفوضة.
تالت مرة.
مرفوضة.
بدأ العرق ينزل من على جبينها.
طلعت موبايلها بسرعة.
اتصلت بكريم.
الهاتف مغلق.
اتصلت بيا.
بصيت للموبايل.
الاسم ظهر.
حماتي.
ابتسمت.
وعملت رفض للمكالمة.
بعدها بثواني...
بعتتلي رسالة.
إنتي بتعملي إيه؟
مردتش.
رسالة تانية.
نور... ردي.
ولا حتى فتحتها.
...
كريم كان قاعد جنبي.
وفجأة موبايله رن.
رقم غريب.
رد.
ألو؟
صوت راجل قال بجدية
أستاذ كريم؟
أيوه.
معاك المستشار القانوني لشركة الشرق للاستثمار.
حضرتك تعرف إن والدتك استخدمت اسم حضرتك في توقيع عقود مالية؟
كريم عقد حواجبه.
عقود إيه؟
الراجل سكت ثانيتين.
وقال الجملة اللي خلت ملامح كريم كلها تتغير.
فيه ناس دفعت ملايين... على أساس إن والدتك شريكة في شركتكم.
ولو الفلوس دي متردتش...
هيكون فيه بلاغات نصب خلال ساعات.
بصيت لكريم.
وشه كان شاحب. حكايات_منال_علي
قفل المكالمة ببطء.
قلت بقلق
خير؟
بصلي وهو بيبلع ريقه بصعوبة.
وقال
أنا حاسس إن اللي حصل النهارده... أصغر بكتير من المصيبة اللي جاية.
وفي نفس اللحظة...
وصلت رسالة جديدة على موبايله.
مرسلها مجهول.
وفيها صورة...
لحماته وهي قاعدة مع مجموعة رجال، وقدامها شنطة مليانة فلوس.
وتحت الصورة مكتوب
لو عايز تعرف أمك مخبية إيه بقالها سنة... الحقها قبل الساعة ٨ بالليل... بعدها هيكون فات الأوان.
يتبع...
فضل كريم باصص للصورة على موبايله كأنه مش مستوعب.
شنطة مليانة فلوس...
وأمه قاعدة قدامها، وحواليها ناس وشوشهم متغطيين، كأن الاجتماع متعمل مخصوص بعيد عن أي عين.
تحت الصورة كان فيه عنوان.
وكافيه معروف في القاهرة.
والتوقيت...
الساعة تمانية بالليل.
بصلي وقال بصوت متوتر
نور... لازم أروح. 
قلت بهدوءبقلم حكايات منال علي 
وأنا جاية معاك.
بس إحنا كنا رايحين المطار.
السفر يقدر يستنى... لكن الحقيقة لأ.
بابا كان ساكت طول الطريق.
وفجأة قال جملة خلت العربية كلها تسكت.
اللي بيستخبى عمره ما بيستخبى للأبد.
بصيتله في مراية العربية.
كان باصص قدامه بهدوء.
يمكن أول مرة أحس إن أبويا شايف حاجة إحنا لسه مش شايفينها.
...
في نفس الوقت...
كانت بثينة قاعدة في كافيه صغير بعيد عن الفيلا.
قدامها تلات رجالة.
قال واحد منهم بعصبية
إحنا اتفقنا إن الاجتماع هيبقى في الفيلا.
ردت بثقة
حصل تغيير بسيط.
يعني إيه تغيير؟
بنت ابني عملت شوية مشاكل.
الراجل خبط بإيده على الترابيزة.
إنتي قولتلنا إن الفيلا ملككم.
وإن الشركة شركتكم.
وإن المستثمرين هيشوفوا بعينهم مستوى الشغل.
سكتت ثانيتين.
وبعدين قالت وهي بتحاول تبتسم
التفاصيل دي مش مهمة.
المهم إن الأرباح هتوصلكم.
الراجل التاني طلع ملف من شنطته.
إحنا حولنا أكتر من خمسة وعشرين مليون جنيه.
ولو طلع كلامك كدب...
إنتي عارفة هيحصل إيه.
أول مرة...
ابتسامة بثينة اختفت.
...بقلم حكايات منال علي 
وصلنا قدام الكافيه.
نزل كريم بسرعة.
كنت ماشية وراه، لكن قبل ما ندخل، وقفنا صوت عالي.
يعني الفيلا مش موجودة؟
اتلغى الحجز.
إزاي يعني؟
من خلال الإزاز شفنا بثينة واقفة، ووشها كله توتر.
واحد من الرجالة مسكها من دراعها.
إنتي ضحكتي علينا.
ردت بسرعة
والله سوء تفاهم.
سوء تفاهم إيه؟
إنتي قولتي إن الشركة باسم ابنك.
وقولتي إن مرات ابنك مجرد موظفة.
ساعتها...
كريم دخل.
بصوت هادي جدًا قال
لأ...
الشركة باسمي أنا ومراتي.
وأمي لا تملك فيها سهم واحد.
الدنيا اتقلبت.
بثينة بصتله بصدمة.
كريم!
كفاية كدب يا أمي.
واحد من الرجالة لف ناحيته.
حضرتك ابنها؟
أيوه.
يبقى تعرف إنها خدت مننا فلوس باسمكم.
قالها وهو رامي قدامه نسخ من تحويلات بنكية.
كريم قلب في الورق.
كل ورقة كانت أسوأ من اللي قبلها.
تحويلات...
إيصالات...
وعقود عليها اسمه.
بس...
التوقيع مزور.
وشه اصفر.
أنا عمري ما مضيت على أي ورقة من دي.
بثينة قربت منه بسرعة.
اسمعني الأول...
أسمع إيه؟
إنك زورتي توقيعي؟
ولا إنك نصبتي على الناس باسمي؟
ولا إنك كنتي بتقولي لكل الناس إن الشركة بتاعتك؟
بثينة انهارت لأول مرة.
أنا كنت عايزة أحافظ على صورتي.
نورتيها قدام الناس...
وأنا بقيت مجرد أم صاحب الشركة.
أنا استحق أكتر.
بصيتلها وأنا مش مصدقة.
يعني كل اللي حصل...بقلم حكايات منال علي 
كان سببه الغرور؟
قبل ما حد يتكلم...
دخل اتنين لابسين بدلات.
واحد منهم طلع كارنيه.
مساء الخير.
إحنا من مباحث الأموال العامة.
كل الموجودين يفضلوا مكانهم.
الهدوء اتحول لفوضى.
بثينة حاولت تقوم.
لكن الضابط وقفها.
مدام بثينة...
فيه بلاغات مقدمة ضد حضرتك.
وشهادات من أكتر من عشرين شخص.
وأوامر بالتحفظ على كل المستندات.
داليا، اللي كانت مستخبية في آخر الكافيه،