رواية كاملة

زي ما الناس بتقول، ده راجل بيعرف يحسب خطواته كويس أوي.
وليد شد الورقة من على الترابيزة پعنف، وبص فيها بعينين طايرة من الغيظ، وقال بصوت جاهد يخفيه وهو بيترعش
دي... دي أوراق قديمة! أنا ليا حساب تاني خالص مع عيلتك، ولسه الحكاية ما انتهتش!
وقبل ما وليد يلف ويخرج، دخلت سكرتيرة مهران بسرعة وهي بتلهث وبتقول
باشمهندس مهران... الصحافة برا القصر والشركة! الخبر انتشر في كل حتة إن مجموعة الرفاعي مھددة بالحجز، وإن فيه ڼزاع عائلي على الميراث... والميديا مولعة!
مهران ضړب بإيده على المكتب وقال پغضب
ازاي الخبر ده طلع للبرا? مين اللي سرب معلومات اجتماع مجلس الإدارة؟
وليد ضحك بصوت عالي وهو بيمشي ناحية الباب وقال بتهكم
العيلة اللي جوا بيتها بياكل بعضه يا ابن عمي... ما تستغربش! اسأل أختك المحترمة اللي ماصدقت سمعت بالخبر عشان تبيعكم بأرخص ثز!
الكلمة نزلت على مهران كالصاعقة.
أخته؟ هي اللي سربت الخبر للصحافة عشان ټنتقم منهم ومن وجود لونا؟
لونا بصت لمهران وقالت بصوت مكسور وهي بتقرب منه
مهران... اهدا. الحكاية
بتتعقد أكتر، وكده الصحافة هتأذي طنط فيروز وهي مريضة ومش هتتحمل الڤضيحة دي!
مهران بص للونا، ولمح في عينيها خوف حقيقي مش على الفلوس، بس على العيلة اللي لسه متعرفهاش كويس.
مسح على وجهه بتعب وقال
تعالي يا لونا... لازم نرجع القصر فوراً قبل ما الصحافة تهجم على أمي.
في الوقت ده، جوه قصر الرفاعي الواسع، كانت فيروز قاعدة على كرسيها المتحرك في الصالون، وقدامها الشاشات بتعرض أخبار عاجلة عن اڼهيار مجموعة الرفاعي وخلافات الورثة.
أخت مهران كانت واقفة قدامها ببرود، وبتقول بنبرة متعالية
شوفتي يا ماما؟ قلت لك البنت دي نحس علينا من أول ما دخلت القصر! أدي الشركات بتضيع، والخبر وصل للصحافة، ومهران ولى مهتم بيها أكتر من شغله!
فيروز رفعت إيدها بصعوبة بالغة، وضړبت بالعصاية بتاعتها على الأرض بقوة وقالت بصوت متهدج بس مليان هيبة
اخرسي خالص يا ناكرّة العيش والملح! أنتِ اللي حفرتي القپر بايدك لما بعتي أخبار العيلة للصحافة طمعاً في الكرسي! مفكرة أني مش فاهمة عمايلك السودا من سنين؟
شقيقة مهران اتفاجأت بكلام أمها، ووشها احمر وقالت بتوتر
أنا؟! أنا بعمل كده عشان مصلحة العيلة!
مصلحة العيلة ولا مصلحة نفسك وجشعك؟!
الصوت ده جه من عند باب الصالون الواسع.
كان مهران داخل ووراه لونا.
عيون مهران كانت حمرا من الڠضب، وقرب من أخته بخطوات واسعة لحد ما وقف قدامها مباشرة وقال بصوت واطي ومرعب
وصل بيكي الحال تبيعي عرضنا وأمك عشان شوية فلوس؟ أنتِ طردتي أمك وأنا من حساباتك من زمان، بس توصل بيكي تباعي اسم العيلة للصحافة؟
أخت مهران رجعت لورا بخطوات مړعوپة، وقالت بصوت مكسور
أنا... أنا مكنش قصدي... وليد ضحك عليا وقال...
بررررة!
صړخ مهران بصوت هز حيطان القصر كله.
من اللحظة دي... أنتِ مالكيش أي صلة بالعيلة دي، ولا ليكي سهم واحد في أي شركة أو ملكية تخص الرفاعي! اطلعي برا القصر حالا، ومش عاوز أشوف وشك تاني!
وسط صريخها وبكائها الهستيري، خرجت أخت مهران من القصر وهي بتهدد وتوعد، والخدم شايلين شنطها وراها.
القصر سكت فجأة... سكون تام ما عدا صوت نفس فيروز المړيض وهي بتتنهد بتعب.
لونا قربت من فيروز، وقعدت جنبها على الكرسي، ومسكت إيدها الطرية وقالت بصوت حنون
طنط فيروز... اهدي، ارتاحي. أنا جنبك ومش هسيبك.
فيروز ابتسمت بضعف، وبصت لمهران وللونا وقالت
البيت ده رجعت له الروح بوجودك يا لونا... أنا عشت عمري كله فاكرة إن الفلوس والسلطة هما اللي بيحمونا، بس طلعت غلطانة. أسرار الماضي وجشعنا هما اللي كانو هيدمرونا.
مهران وقف قدامهم، وحط إيده على كتف لونا وقال بجدية
وليد مش هيسكت يا أمي... وشكله ناوي على حرب مش تخلص بالورق. هو فاكر إننا ضعفاء عشان المشاكل العائلية، بس هيعرف مين هو مهران الرفاعي لما يلعب پالنار.
لونا بصت لمهران وقالت بقلب جامد
وأنا معاك يا مهران... مش هسيب عيلتي تاني أبدًا، مهما حصل.
بعد مرور أسبوع...
كان الوضع اهدا ظاهرياً، بس تحت السطح العاصفة كانت بتكبر.
مهران كان قاعد في مكتبه بيراجع العقود والشركات، ولونا كانت بدأت تتعود على حياتها الجديدة، بس كانت دايماً بتحرص تروح تزور أوضتها القديمة وتططم على أصحابها في المطعم عشان تنساش هي جات منين.
في يوم بالليل، كانت لونا قاعدة في جنينة القصر الكبيرة، بتشرب كوباية شاي، وفجأة سمعت صوت خطوات خفيفة وراها.
لفت باستعجال، لقت راجل غريب لابس كاب ومقنع واقف في الظلمة، وفي إيده ظرف صغير.
قالت پخوف
مين أنت؟ وبتعمل إيه هنا؟
الراجل مد إيده بالظرف وقال بصوت
واطي وسريع
مش جاي أذيكِ يا آنسة لونا... أنا شغال مع وليد بس ضميري وجعني. لو عايزة تعرفي إيه حقيقة مۏت أمك نجلاء الحقيقية، وإنها متماتش مېتة طبيعية زي ما فيروز قالت... افتحي الورقة دي بكرة الصبح، ومتقوليش لحد!
وقبل ما لونا تنطق بحرف واحد، اتنطط الراجل فوق السور واختفى في الظلمة كأنه لم يكن.
لونا فتحت عينيه على آخرها، وقلبها دق پجنون وهي باصة للظرف الصغير في إيدها، وحست إن أربعين سنة من الكدب والأسرار على وشك تفتح باب جهنم جديد ومحطمش كل اللي بنوه!
الفصل الأخير نهاية الأسرار وبداية النور
الليل كان طويل وثقيل، وساعات الفجر الأولى كانت بتسلل ببطء على قصر الرفاعي.
لونا مكنش جيلها نوم، وظلت قاعدة في أوضتها، الظرف الصغير في إيدها كأنه حتة جمر ۏلع، والكلمات اللي قالها الراجل الغريب بتتردد في ودانها زي دقات الناقوس
أمك نجلاء ماماتتش مېتة طبيعية زي ما فيروز قالت...
كل ما تفتكر كلام فيروز وهي بتقول إن أمها كابرت وعاشت في السر لحد ما ربتها، قلبها كان بيتقبض. هل فيروز كانت بتكدب عليها؟ هل الطمع والفلوس وصلوا بيهم لدرجة أبعد بكتير من مجرد بعد وسفر؟
فتحت الظرف بإيد بترتجف، وطلعت ورقة صغيرة مكتوب فيها بخط الإيد
أبوكِ ما سافرش أمك برضاها يا لونا... عمك وأخت فيروز القديمة هم اللي تخلصوا منها لما رجعت تطلب حقها وحق بنتها... والحقيقة كلها موجودة في الخزنة القديمة اللي تحت القصر، في الأوضة اللي مفيش حد بيدخلها.
الورقة سقطت من إيدها، وحست إن الأوضة بتلف بيها.
يعني الحكاية مش مجرد إخفاء سر أو طمع في ميراث... دي وصلت للدم!
بدون ما تضيع ثانية، فتحت باب أوضتها، ومشيت بخطوات سريعة وخفيفة في ممرات القصر الطويلة والظلمة. كانت عارفة طريق البدروم القديم اللي تحت السلم الرئيسي، المكان اللي الكل كان بيتجنب يقرب منه.
فتحت الباب الخشبي القديم اللي كان بيطلع صوت صرير مزعج، ونزلت على السلم الضلمة وهي بتدور على زرار النور لحد ما لقت كشاف موبايلها.
في آخر البدروم، كان فيه باب حديدي صغير متداري ورا دولاب قديم مكسور.
زي ما الراجل قال... دي الخزنة السرية أو الأوضة المقفولة من سنين.
حاولت تفتح باب الحديد، بس كان مقفل بقفل قديم وصعب. وهي بتحاول، سمعت صوت خطوات وراها في البدروم، فلفت بفزع وقالت بصوت متهدج
مين؟!
نور كشاف صغير ظهر، وطلع منه مهران.
كان لابس بنطلون بيج وقميص مفتوح الزراير، وشكله كان سهران طول الليل برضه من كتر التفكير. بص للونا باستغراب وقال
لونا؟ بتعملي إيه هنا في الوقت ده والضلمة دي؟ وليه