اسكريبت بقلم حنان سعد
شوف البت راجعه نص الليل ازاي ولا هاممها حد بنات اخر زمن
مالي اختشو ماټو
ربنا يسترها علي ولايانا
امتي الحاره تنضف
كل الكلام دا بسمعه كل يوم وانا راجعه من شغلي محدش قادر يفهم ان طبيعة شغلي كدا انا ممرضه مش رقاصه والله مش عشان اهلي متوفيين ابقي ماشيه علي حل شعري محدش حاسس بحد وكله بيرمي كلام وخلاص مفيش واحده اعتبرتني زي بنتها ميعرفوش حاجه اسمها ولا تقذفوا المحصنات ميعرفوش حاجه اسمها ان بعض الظن اثم كل اللي يعرفوه اني برجع متأخر وعايشه لوحدي يبقي قليلة الادب ومتربتش
دخلت شقتي اللي قاعده فيها من ساعة ۏفاة بابا وماما ياااه فات كتير اوي مش لو كنت مت معاهم كان زماني مرتاحه الوقتي استغفر الله العظيم
قومت اتوضيت وصليت واكلت ونمت وانا بدعي ربنا يسترها معايا صحيت الصبح علي رنة تليفوني
حنان تعالي ع المستشفي الوقتي بسرعه في عملية صعبه جدا والدكتور طالبك بالاسم
حاضر حاضر مسافة السكه
قومت بسرعه لبست هدومي ونزلت جري للمستشفى
اي ي ساره اللي حصل
ادخلي بسرعه في حاله صعبه جدا مضړوبه پالنار وشكله راجل مهم اوي والمستشفي مقلوبه والدكتور مصطفي طالبك بالاسم
حنان تعالي بسرعه
ايوه ي دكتور
غيري هدومك وحصليني ع العمليات بسرعه
حاضر
دخلت غيرت هدومي واتعقمت ودخلت العمليات لقيت فعلا وضعه صعب وواخد رصاصتين واحده بينها وبين القلب ٣ سم وواحده جنب الرئه وجرحتها وعملت ڼزيف استر يارب مين ممكن يكره حد لدرجه انو يعمل فيه كدا ويا تري انت عملت اي عشان يحصل فيك كدا
قعدنا ف العمليات اكتر من ٣ ساعات وفجأه القلب وقف
صدمات بسرعه ي حنان
حاضر ي دكتور
مره واتنين وتلاته ويردو مفيش نبض عملت تاني ورابعه وخامسه وبردو مفيش فايده خلاص القلب وقف والروح طلعت للي خلقها
احساس صعب اوي ان روح بني ادم تتطلع وانت واقف مش عارف تعمل اي طب ياتري اهله هيبقي موقفهم اي طب مراته ولاده يارب ارحمه وصبرهم
شيلنا الاجهزه وغطينا وشه وطلعت من اوضة العمليات لقيت ناس كتير واقفه وبادي جاردات كتير اوي واضح فعلا انه مهم لقيت واحد داخل عليا وباين علي وشه الخۏف اكيد قريبه
طمنيني بابا عامل اي
ي ربي دا طلع ابوه طب اقوله اي ولا اعمل اي نظرة الخۏف اللي ف عنيه خرصتني مش عارفه انطق اقول اي نزلت وشي مش انا اللي المفروض اقول حاجه الدكتور هو اللي يقول وهو سكت تقريبا فهم بس عاوز يكدب احساسه عاوزني اقوله ان احساسه غلط اخدت نفس عميق ورفعت وشي ليه
الدكتور طالع حالا وهيقول لحضرتك
مسك ايدي
ارجوكي قوليلي حصل ايه بابا كويس صح محصلوش حاجه ابوس ايدك انا بمۏت
طب اعمل اي بس ي ربي
مقدرتش ابص ف عينه بصيت ف الارض
البقاء لله
سحبت ايدي من ايدو او تقريبا من الصدمه هو ساب ايدي جيت امشي لقيته مسكها تاني
وشدني ومسكني من دراعي جامد لدرجة حسيت ان عضم دراعي اتكسر تحت ايده وزعق بصوت عالي
يعني اي يعني اي البقاء لله انتي كدابه اكيد انا غلطان اني سألت حتة ممرضه زيك وسعي كدا
زقني جامد اتخبطت ف الحيطه ودماغي اتعورت زمايلي والدكاتره طلعو ع الصوت ودكتور مصطفي جري عليه
_ اهدي ي بشمهندس يوسف دا قضاء ربنا وحضرتك مؤمن ووالد حضرتك اصابته كانت خطيره جدا استهدي بالله وربنا يرحمه ويغفرله
هدي شويه وانا ساره جت قومتني بس حسيت بدوخه جامده
وفي حاجه دافيه علي وشي وفجأة وقعت محستش بنفسي
بفتح عيني لقيت نور جامد غمضت تاني لحد م اتعودت ع الاضاءة وفتحت عيني
اي دا انا فين اااااه دماغي
لقيت باب الاوضه اتفتح ودخل دكتور مصطفي وساره
اي ي حنون حمد الله ع السلامه
الله يسلمك ي دكتور هو اي اللي حصل
ابدا ي ستي كنتي بتشوفي نفسك غاليه عندنا ولا لا
الحمد لله انها جت علي اد كدا المهم حاسه بإيه الوقتي
دماغي بتوجعني اوي وحاسه بدوحه
دا طبيعي من الخبطه هتقعدي معانا شويه وبعد كدا تمشي وهتاخدي يومين اجازه كمان ي ستي
متشكره اوي ي دكتور
العفو انتي زي بنتي هسيبك بقا مع ساره واروح اشوف اللي ورايا ساره تأكليها كويس ولو مرضتش تاكل ناديلي وانا اكلها ڠصب عنها
متقلقش ي دكتور ي انا ي هي النهارده
طلع دكتور مصطفي وساره قعدت جنبي
هو اي اللي حصل
ابدا ي ستي الواد القمر اللي ابوه ماټ ة من يومين دا لما زقك انتي اتخبطتي ف الحيطه وفجأه وقعتي لان الخبطه كانت جامده شويه وبعدين شيلناكي وخيطنا الچرح ومن ساعتها وانتي نايمه
اه كان صعبان عليا اوي ثواني ... هو انتي قولتي من يومين هو انا نايمه هنا من يومين
اه بقالك يومين م حضرتك مكنتيش اكلتي ولما الواد القمر زقك اتخبطتي جامد ف الخبطه مع قلة الاكل عملولك هبوط وكنتي هتسخسخي مننا بس الحمد لله بقيتي زي القرد اهو
روحي منك لله قرد اي دنا مش قادره احرك دماغي ااااه منك لله
خلاص اتنيلي اطفحي لما اروح اشوف اللي ورايا وبعدين اجيلك
غوري
ساره مشيت وانا خلصت اكل وقعدت اي الزهق دا انا عاوزه امشي من هنا بس جيت اقوم حسيت اني دايخه قعدت تاني ااااه ي ربي كان مستخبيلي دا كله فين يا صغيره ع العم ي لوزه
الباب خبط
ادخل
فجأه دخل عليا بطلته البهيه هاارسود دا هو اللي فشفشلي
