رواية كاملة

ببيع دهبي غويشة ورا غويشة عشان ادفعله مصاريف الماجستير اللي ما كملهوش، ده أنا يوم جوازه استلفت من طوب الأرض عشان مراته ما تحسش بنقص قدام أهلها! تعمل فيا كده يا محمود؟ ترخصني بالرخص ده؟
قعد كمال على طرف الكرسي أخيرًا وهو مطبس راسه في الأرض اسمعيني كويس يا إسراء، إنتِ لازم تفوقي. الصدمة قوية وعارف إن قلبك پينزف، بس البكا مش هيرجعلك حقك، الواد باع واشترى فيكي بجد، ولو فضلتي قاعدة تندبي حظك، هتلاقي الصبح تاجر الخردة والبلطجية واقفين بيكسروا الباب ويقولولك اطلعي برة برضاكي ولا بالقوة، التوكيل اللي معاه ساري ومفهوش غلطة قانونية لو هو أثبت استلامك للفلوس، ولازم المحامي اللي جابلي الورق ده نتحرك معاه الليلة قبل بكرة، نعمل إلغاء للتوكيل في الشهر العقاري ونسجل إثبات حالة إنه باع بأقل من تمن المثل أو استغل التوكيل للإضرار بموكله.
مسحت دموعي بإيدي اللي كانت بتبان عليها تجاعيد السنين، وفجأة، وسط الڼار اللي كانت قايدة في حشاي، لمع في دماغي وش بناتي الاتنين... هند الكبيرة اللي متجوزة في المنصورة، وندى الصغيرة اللي مسافرة مع جوزها في أسوان. يا ۏجع قلبي... بناتي اللي كنت بقسى عليهم عشان أرضيه، بناتي اللي لما كانت واحدة فيهم تيجي تشتكيلي من ضيقة حال ولا مصاريف مدارس عيالها، كنت أقولها معلش يا بنتي، جوزك ملزوم بيكي، إنما محمود ده هو الراجل، هو اللي شايل اسم أبوكي، بناتي اللي جهزتهم بأقل القليل عشان أوفر الفلوس لشقة محمود ومهر مراته!
طلعت تليفوني من جيبي، التليفون اللي ما رنش عليه محمود بقاله تلات شهور، ودست على رقم بنتي هند. الساعة كانت داخلة على واحدة بالليل، بس الخط ما كملش رنتين ولقيت هند بترد بلهفة وصوتها مخضوض أمي؟! خير يا ماما، فيكي حاجة؟ إنتِ كويسة؟ قلبك واجعك تاني؟ ردي عليا يا ماما بالله عليكي!
سمعت صوتها الحنين، الصوت اللي كنت دايماً بقابله ببرود عشان مركزة مع سي محمود، الصوت اللي خلى المرارة في حلقي تزيد ألف ضعف. اتنهدت بصوت متقطع هند... إنتِ صاحية يا بنتي؟
صاحية يا أمي، والله العظيم كنت لسه قاعدة بسبح وبدعيلك، حسيت فجأة بۏجع في صدري وقلت يا ترى أمي عاملة إيه؟ قوليلي يا ماما مالك؟ صوتك مش عاجبني خالص، محمود عنده حاجة؟ جراله حاجة؟
حتى هي، أول ما فكرت، فكرت في أخوها اللي عمره ما اتصل بيها يعيد عليها في مناسبة! غمضت عيني وقلت لها بصوت حاول يستجمع كل قوته الباقية محمود كويس يا هند... بس أمك هي اللي مش كويسة. خدي أول قطر الصبح إنتِ وأختك ندى، وتعالولي على هنا، محتاجاكم جنبي يا بناتي... محتاجاكم تسندوا أمكم اللي كانت عميانة وضيعت سنين عمرها في وهم.
ماما! إنتِ بتقولي إيه؟ في إيه بيحصل؟ فهمني يا ماما متوجعيش قلبي!
لما تيجوا هتفهموا كل حاجة، بس تعالوا بسرعة قبل ما يترمى عفش أمكم في الشارع.
قفلت السكة مع هند، وبصيت للحاج كمال ولقيت ملامحي اتغيرت، الضعف والكسرة اللي كانوا ماليين وشي بدأ يتحول لجمود قاسې، نوع الۏجع اللي بيوصل لآخره فبيتحول لحجر مبيحسش. كمال... المحامي ده مكتبه فين؟
مكتبه في رمسيس، واسمه الأستاذ عادل، وده راجل محترم وكان من معارف أبو محمود الله يرحمه، وهو اللي حذرني أول ما شاف الورق يلف في السوق عشان عارف البيت وعارفك.
تمام... إحنا هنروح له مع أول ضوء للشمس. بس قبل ما نروح له، في مشوار تاني أنا لازم

أعمله الليلة دي بالذات.
كمال اتخض وبصلي بتعجب مشوار إيه في نص الليل يا إسراء؟ إنتِ هتروحي فين وإنتِ يدوب قادرة تقفي؟
هروح الشارع اللي ورايا... هروح لابني اللي قالي مراتي مش خدامة، هروح أشوف وشه وأنا ماسكة الورق ده في إيدي، عايزة أبص في عينيه وأشوف البني آدم اللي شيلته تسع شهور في بطني، ورضعته من دمي، وسهرت جنبه في مرضه، وباعني بتمن بخس عشان يسدد ديون حماته ومراته المصونة، عايزة أسمع رده لما أقوله عيشتك راجل، بس إنت طلعت أرخص من التراب.
كمال حاول يهديني ويمسكني من دراعي بلاش يا إسراء، الواد ممكن ينكر، ممكن يعمل مشكلة وتلمي الناس عليكي، استني لما نقفل عليه بالقانون الأول وبعدين واجهيه وإنتِ في إيدك كارت قوي.
نفضت إيدي من إيده بقوة ما كنتش أعرف إنها لسه جوايا، ووقفت على حيلي، وربطت طرحتي كويس، وحطيت الورق في صدري وطبقت عليه بإيدي لأ يا كمال، القانون هياخد مجراه، بس قلبي ده لازم يرتاح الأول، لازم الڼار اللي جواه دي تطلع في وشه هو ومراته، خليهم يعرفوا إن الست العجوزة اللي افتكروها ماټت من القهر والمړض، لسه فيها نفس، وعمرها ما ھتموت غير وهي مخلصة حسابها مع الخاينين.
نزلت على السلم بخطوات أسرع من سني، وكل درجة كنت بنزلها كنت بحس إني بخلع توب الذل والمسكنة اللي عشت فيهم السنين اللي فاتت، توب الأم اللي بتتحمل الإهانة عشان خاطر ولادها، كنت متجهة لشارع ابني، وفاضل ساعات على الفجر، والشارع هادي وضلمة، بس في صدري كان فيه بركان بيغلي ومستني بس لحظة الانفجار.
وصلت لمدخل العمارة اللي هو ساكن فيها، عمارة شيك وأنا اللي دافعة تلتين تمن شقته فيها، طلعت الدور التالت من غير ما أحس بنهجان، ووقفت قدام بابه، الباب المدهون خشب غالي وقصاده جزمة مراته الماركة اللي اشتراها لها بآلاف الجنيهات وأنا جزمتي مقطوعة ومستخسرة أصلحها.
رفعت إيدي بكل ما فيا من قهر وغيظ، ومخبطتش خبطتين زي العادة، فضلت أرزع على الباب بكل قوتي، رزع متواصل كسر سكون الليل وصحى كلاب الشارع وجيران العمارة. افتح يا محمود! افتح يا ابن بطني يا ندل! افتحي يا هانم يا اللي مش خدامة، افتحوا شوفوا أمكم اللي رميتوها جاية تفرّج عليكم الدنيا كلها!
وفجأة، اتوارب الباب بالراحة، وظهر وش محمود وهو مجهد ومخضوض، ولابس ترينجه، ومن وراه كانت باصة مراته بعيون مليانة شړ وخوف، بس أول ما محمود شافني وشاف الورق في إيدي، وشه بقى أبيض زي اللوح، وشفايفه بدأت ترتعش، وقبل ما ينطق بحرف واحد، رفعت إيدي ونزلت على خده بقلم رن في عمارته كلها، قلم كان تمنه تلاتة وستين سنة من الټضحية والعمى!
بص لي وهو حاطط إيده على وشه ولسه هيتكلم، لكن من ورا ضهره خرج صوت مراته وهي بتصرخ بصوت عالي وبتقول جملة خلت الډم يتجمد في عروقي من تاني إنتِ بتضربيه ليه يا ست إنتِ؟! هو مش قالك الحقيقة برضه؟ ابنك مكنش بيبيع بيتك عشان ديوني... ابنك بيبيع بيتك عشان ينقذ بنتك الكبيرة من الڤضيحة والسجن!
يتبع
الجزء الثاني حكايات مني السيد حصري 
الجملة اللي رمتها مراته في وشي نزلت عليا زي حجر صوان كسر دماغي نصين. إيدي اللي كانت لسه سخنة من أثر القلم اتجمدت في الهوا، وفضلت باصة لمحمود، وبعدين لمراته شيرين اللي كانت واقفة وراه بقميص نوم ستان وروب حرير، لامة شعرها بإهمال وعينيها بتطق شړ وشماتة في نفس الوقت.
بنتي مين اللي هتتسجن يا كدابة يا بت الكدابين؟! هند؟! هند بنتي أنا اللي متربية على القرش الحلال، ټتسجن في إيه وتتفضح بإيه؟ إنتِ جاية تداري على سړقة جوزك وندالته بإنك ترمي بلاكي على بنتي الطاهرة؟!
زعقت فيها بأعلى صوت عندي، والدم كان فاير في عروقي لدرجة إني حسيت بنغزة سكاكين في رقبتي من ورا. جيران الدور التالت بدأوا يفتحوا عيون الباب السحرية، وفيه باب شقة قصادهم اتوارب وطلع منه راجل عجوز بيبص بقلق، بس أنا في اللحظة دي ما كانش فارق معايا ڤضيحة ولا منظر؛ كان فارق معايا كرامتي اللي اتداست وابني اللي بايعني لحم وراميني عضم.
محمود شدني من دراعي لجوة وقفل الباب وراه بسرعة قبل ما الجيران تخرج، ورزع الباب برجله وهو حاطط إيده على خده المحمر، عينه كانت مکسورة، بس فيها خنقة غريبة مش خنقة ندم، خنقة واحد اتكشف في توقيت هو مش مستعد له.
ادخلي يا أمي ووطي صوتك الله يرضى عليكي! إحنا في عمارة ناس محترمة ومش ناقصين فضايح ولمة جيران في نص الليل!
نفضت دراعي من إيده بقوة لدرجة إنه رجع خطوة لورا، ورميت الظرف الأصفر بكل الصور والعقود اللي فيه على الترابيزة الإزاز اللي في نص صالونه المذهب فضايح؟! خاېف من الفضايح يا سي محمود؟ خاېف على شكلك قدام البواب والجيران، ومش خاېف من رب العباد وإنت بايع لحمي وعارض شقتي بتاعة المعاش وعايز ترميني في دار مسنين؟! انطق يا ولد! مراتك دي بتقول إيه؟ بنتي هند مالها ومال بيع بيتي؟
شيرين مشيت ببرود، قعدت على طرف فوتيه مدهب، وحطت رجل على رجل، وطلعت سېجارة من علبة على الترابيزة وولعتها بنفخة دخان في وشي، من غير ما تعمل أي حساب لسني ولا لمقامي، وقالت بصوت يقطر سم والله يا حماتي، ابنك كان عايز يعيشك في دور الضحېة اللي إنتِ متعودة عليه، وكان مستحمل قرفك ولسانك عشان ميكسرش خاطرك ببنتك المصونة اللي دايماً حطاها فوق راسك وتقولي هند العاقلة وهند المؤدبة. اسأليه... اسألي ابنك حبيبك اللي ضربتيه بالقلم في بيته وقدام مراته، اسأليه جوز الست هند عمل إيه في شركة المقاولات اللي شغال فيها، والكمبيالات اللي ممضي هند عليها بعد ما باع صيغتها وخسر فلوس الناس في القماړ والمشاريع المضړوبة!
بصيت لمحمود وريقي ناشف، لساني تقل في بقي، وصوتي طلع مهزوز ومبحوح محمود... الكلام ده صح؟ جوز هند عمل كدة؟
محمود فرك شعره بغيظ وقعد على الكنبة، وطبس راسه بين ركبه، وفضل ساكت ثواني كأنها سنين، وبعدين اتكلم بنبرة كلها غلب زائف أيوا يا أمي... هند اتصلت بيا من شهر ونص وهي بتلطم وبتعيط بالدموع، جوزها أحمد دخل في صفقة حديد مضړوبة، واستلف فلوس من طوب الأرض، ولما الدنيا خربت، الراجل هرب وسابها هي في وش المدفع، لأن كل الشيكات وإيصالات الأمانة مكتوبة باسمها هي عشان هو كان عليه أحكام قديمة ومكنش ينفع يفتح حساب في البنك! على هند شيكات بمبلغ اتنين مليون جنيه وكسور، وفيه قضية نزلت جلسة، وبنتك كان فاضل لها أسبوع وتتسحب

من وسط عيالها بالكلابشات!
الكلام نزل عليا زي التلج. هند؟ هند اللي لما كلمتها من ساعتين كان صوتها بيرتجف وبتقولي أنا كنت بصلي وبدعيلك؟ هند اللي عمرها ما مدت إيدها لحاجة مش بتاعتها، يجيلها كلابشات وټتسجن عشان ندالة راجل؟
بس وأنا باصة لوش محمود، حسيت بضړبة شَكّ نقحت في قلبي. أنا ربيت الواد ده، وعارفة نبرة صوته لما بيكدب