رواية كاملة

ج 1 حكايات مني السيد حصري 
فضلت ابني على بناتي طول عمري، ولما طلبت منه يخلي مراته تساعدني وأنا تعبانة، رد عليا وقال يا أمي، مراتي مش خدامة! ومن يومها بقاله ٣ شهور ساكن في الشارع اللي ورايا، ولا سأل فيالحد ماحصلت مفاجأة قلبت حياتي...!!!
أنا اسمي إسراء عندي ٦٧ سنة، وأرملة بقالي ١٣ سنة، ومن يوم ما جوزي ماټ وأنا حاطة ابني في عيني، ودايمًا كنت بقول لنفسي البنات كل واحدة هتروح لحالها، إنما ابني هو اللي هيفضل جنبي، هو اللي هيسندني لما أكبر وأعجز.
كان عندي بنتين وولد، بس الحق يتقال، ابني كان له مكانة عندي مختلفة عن أخواته. يمكن عشان كان الولد الوحيد، ويمكن عشان كنت خاېفة عليه بعد مۏت أبوه، فكنت بديله من قلبي من غير ما أحسبها.
يتصل يقول لي جاي، أقوم من مكاني أعمل له الأكل اللي بيحبه. ولو عرفت إنه محتاج حاجة، أبعتها له لحد البيت. ومراته؟ كنت بستحمل منها حاجات كتير، وأقول لنفسي معلش، دي مرات ابني، ومش عايزة أكون سبب في أي مشكلة بينهم... حكايات_مني_السيد
لحد ما جه اليوم اللي ۏجع قلبي بجد.... كنت جايبة بطاية وقررت أعمل حلة محشي كبيرة، واتصلت بابني وقلت له
تعالى يا حبيبي بكرة إنت ومراتك والعيال، نفسي أشوفكم ونقعد مع بعض شوية.
قال لي حاضر يا أمي، هاجي.
فرحت كأني هاعيد العيد من أوله. صحيت من بدري، ونضفت البيت، وفضلت واقفة في المطبخ بالساعات، وكل شوية أبص من الشباك وأقول خلاص، أكيد قربوا يوصلوا.
لكن لما اتأخر، اتصلت بيه، لقيته بيقول لي بكل بساطة إنه مش هيقدر ييجي النهارده.
حاولت أخبي زعلي، لكن بعدها عرفت إنه كان رايح يقضي اليوم عند حماته. ساعتها قلبي وجعني، بس قلت معلش، يمكن عنده ظروف، ويمكن المرة الجاية يعوضني.
وفعلًا، بعد فترة عزمته تاني، والمرة دي جه هو ومراته والعيال على معاد الأكل بالظبط.
كنت عاملة كل حاجة بيحبها، لكن اليوم ده كنت تعبانة جدًا، وركبي مش شايلاني، ومع ذلك ما حبيتش أحسسهم إني تعبانة عشان ما أضايقهمش.
خلصوا أكل، وقاموا من على السفرة، وأنا بدأت ألم الأطباق وأشيل الحاجات وأغسل المواعين، ومراته قاعدة مكانها، لا قامت تساعدني ولا حتى سألتني محتاجة حاجة.
بصيت لابني وقلت له بهدوء
يا ابني، ما تقول لمراتك تساعدني شوية؟ أنا تعبانة النهارده ومش قادرة أقف.
بص لي ببرود وقال
يا أمي، مراتي مش خدامة.
حسيت إن حد صفعني على وشي.
قلت له وأنا بحاول أتماسك
وأنا يا ابني؟ أنا اللي خدامة؟ أنا مش بطلب منها تخدمني، أنا بطلب منها تساعدني وأنا تعبانة!.
رد عليا بكل ثقة
إنتِ اللي عزمتيْنا يا أمي، وأنا هساعدك، لكن مراتي مش خدامة.
سكت... مش عشان ما عنديش رد، لكن عشان كنت خاېفة لو اتكلمت أعيط قدامهم، وأكسر آخر حتة في قلبي كانت لسه مستنية منه كلمة حلوة.
كملت شيل وغسيل، وكل طبق كنت بحطه في الحوض كنت حاسة إني بحط معاه سنة من عمري، وسنة من تعبي، وسنة من الحب اللي اديتهوله وأنا فاكرة إنه هيرجع لي أمان لما أكبر. حصري على صفحة روايات و اقتباسات... ومن اليوم ده، بطلت أعزمه، وبطلت أتصل أترجاه ييجي. وقلت لنفسي اللي عايز يشوفني عارف بيتي فين.
عدّى أسبوع، واتنين، وشهر، وتلات شهور... ابني ساكن في الشارع اللي ورايا، ومع ذلك ما خبطش على بابي مرة، ولا سأل أنا عايشة إزاي، ولا حتى افتكر يتصل يطمن عليا.
كنت كل يوم أمسك التليفون، وأفتح اسمه، وأفضل باصة للصورة،

وبعدين أقفله وأقول لأ، المرة دي مش هاجري وراه.
لكن الحقيقة إني كنت بمۏت من الشوق له.
كنت نفسي أسمع صوته، أشوف وشه، أقعد معاه حتى لو عشر دقايق. بس كنت بسأل نفسي هو أنا لازم أفضل أشتري حبه بالأكل والتعب والخدمة؟ هو لو بطلت أدي، هيبطل يفتكر إني أمه؟
وفي ليلة، كنت قاعدة لوحدي في الصالة، والبيت ساكت بشكل يخوف، وحسيت بدوخة شديدة وأنا بقوم أجيب كوباية مية.
مسكت في طرف الترابيزة لحد ما قدرت أقعد، وفضلت أبص للتليفون اللي على الكنبة. لأول مرة، الخۏف دخل قلبي بجد.
قلت لنفسي طب لو حصلي حاجة وأنا لوحدي؟ مين هيعرف؟ ابني اللي ساكن ورايا؟ ولا بناتي اللي كل واحدة في بلد؟.
مديت إيدي للتليفون، وفتحت اسم ابني، وكنت خلاص هضغط على زر الاتصال، لكن فجأة سمعت صوت خبط على الباب. خبطتين ورا بعض، وبعدهم صوت راجل بينادي باسمي. قمت بالعافية وفتحت الباب، ولما شفت مين واقف قدامي، اتجمدت مكاني....!!
كان شخص ما شفتوش من سنين، ووشه كان متغير، وعينيه مليانة قلق.
بص لي وقال إنتِ لوحدك؟ كويس إني لحقتك أنا لازم أقولك حاجة عن ابنك، بس أوعديني إنك تسمعيني للآخر قبل ما تاخدي أي قرار.
قلبي بدأ يدق بسرعة، وسألته بصوت بيرتعش
ماله ابني؟ حصل له حاجة؟.
هز راسه وقال
ابنك بخير لكن في حاجة حصلت من فترة، وهو مخبيها عنك، ولو عرفتيها، ممكن تفهمي ليه اختفى من حياتك كل المدة دي.
وبعدين مد إيده وناولني ظرف مقفول، وقال الجملة اللي خلت رجلي ما شالتنيش
افتحي الظرف ده يا حاجة لأن ابنك مش بس بَعُد عنك، ده فيه قرار أخده من وراكي، والقرار ده ممكن يغيّر حياتك كلها!
فضلت مبلمة في مكاني، وعيني رايحة جاية بين الظرف الأصفر الكبير اللي في إيده، وبين وشه اللي الملامح فيه كانت متوترة وعرقانة رغم إن الجو كان فيه لسعة برد. الراجل ده ما كانش غريب عني أبدًا، ده الحاج كمال، صاحب ورشة النجارة القديمة وصديق عمر المرحوم جوزي، وجارنا اللي ساكن على أول الشارع وعارف دبة النملة في الحتة، واللي من ساعة ۏفاة أبوه ما شفتوش دخل بيتي غير مرتين تلاتة في مناسبات كبيرة.
بلعت ريقي بصعوبة، وحسيت بريقي ناشف زي الحطب، ونَفَسي بيطلع وينزل بالعافية كمال؟ خير يا خويا في إيه؟ قلبي هيقف من الخضة، طمني يا راجل على محمود، هو حصله حاجة بجد؟ ولا مراته ولا العيال بيهم شړ؟
اتنهد كمال تنهيدة تقيلة، وبص يمين وشمال في بير السلم كأنه خاېف حد من الجيران يكون سامعنا، وقال بصوت واطي ومخڼوق ادخلي بس يا حاجة إسراء واقفي على حيلك، مش هينفع نتكلم على عتبة الباب والناس طالعة ونازلة، دخلينا جوة وسمّي الله.
دخلت وخطوتي مش شايلاني، وسيبت الباب موارب شوية من غير ما أحس، وهو قفله وراه بهدوء ورزع المزلاج، الصوت ده بالذات رن في ودني كأنه حكم إعدام. قعدت على الكنبة القديمة اللي في الصالة، الكنبة اللي كان يقعد عليها محمود زمان لما يرجع من كليته ويرمي كتبه ويقول لي يا أمي جعان من إيدك، نفس الكنبة اللي قعد عليها من تلات شهور وهو حاطط رجل على رجل وبيبص لي ببرود ويقول مراتي مش خدامة.
الحاج كمال فضل واقف، ما رضيش يقعد، كان ماسك الظرف بإيديه الاتنين وعمال يفرك فيه، وعينيه بتهرب من عيني، وده اللي جنني وخلى الړعب ينهش في عروقي نهش.
انطق يا كمال، قولي في إيه، الظرف ده فيه

إيه؟ شهادة ۏفاة؟ ولا كمبيالة؟ ولا مصېبة تانية؟
بص لي كمال بحزن عميق، حزن خلاني أحس بالعجز، ومد إيده بالظرف وحطه على الترابيزة قدامي وقال الظرف ده يا حاجة، وصلني من يومين من مكتب محامي في وسط البلد... محمود ابنك، من شهرين بالظبط، كان بيلف على سماسرة المنطقة، ومعاه ورق بيثبت إنه معاه توكيل رسمي عام منك، توكيل قديم معمول من أيام ما كان جوزك مټوفي وكنتوا بتخلصوا إعلام الوراثة وحصر التركة.
رجعت بضهري لورا وتجمدت، حسيت كأن السقف بيقرب من راسي توكيل؟ أيوا... أنا كنت عملتله توكيل عشان يقبض المعاش ويخلص ورق الشقة والأرض اللي كانت في البلد، ده ابني الوحيد، ده سندي! هو عمل بالتوكيل إيه يا كمال؟
مسح كمال وشه بإيده الاتنين وقال بحدة ممزوجة پقهر ابنك باع يا إسراء! باع نصيبه ونصيبك في بيت أبوكي القديم اللي في الميتين، مش بس كدة... ده عرض الشقة دي، الشقة اللي إنتِ قاعدة فيها دي، للبيع من ورا ضهرك، وأخد عربون خمسين ألف جنيه من تاجر خردة داخل يهد العمارة ويدخلها في برج جديد، والراجل جه يفرّج المهندس ويسألني عن صاحب البيت، ولما لقيته بيقول اسم محمود وعارض التوكيل، وقفت في زوره وقلت له الست عايشة والبيت مش للبيع، بس التاجر قالي الورق سليم والتوكيل مالي هدومه، وابنها قابض ومعترف إنه بينقل أمه لدار مسنين عشان تعبانة ومحدش فاضي يراعيها!
الكلمة نزلت على دماغي زي مية مغلية دار... دار مسنين؟! محمود يوديني دار مسنين؟ محمود اللي شيلته على كتفي بعد أبوه؟ محمود اللي حارمة بناتي الاتنين من اللقمة والقرش عشان أجهزه وأجيبله شقة تمليك يتجوز فيها؟!
صړخت من غير ما يطلع صوت، كانت الصړخة محپوسة جوة صدري بتفرقع شراييني، حسيت بضربات قلبي سريعة لدرجة حسيت إنه هيخرج من قفصي الصدري. عيني زغللت، ودموعي اللي كانت محپوسة تلات شهور سالت بغزارة كأنها نهر انفتح فجأة. تلات شهور كنت فاكراه زعلان، تلات شهور كنت فاكرة المسألة مسألة كبرياء وكرامة عشان مراته، وكنت بدافع عنه قدام نفسي وأقول معلش، ابني طيب بس متأثر بمراته، ابني هيحن، ده ريحتي وريحة الغالي. أتاري الواد كان بيخطط ويدبر إزاي يرميني! أتاري سكوت التلات شهور كان تمهيد للغدر، كان بيستنى لحد ما البيعة تخلص والفلوس تدخل جيبه!
فتحت الظرف بإيدين بترتعش ترعيش شجرة في عاصفة، وطلعت الورق، لقيت صور عقود ابتدائية، وصورة بطاقتي، وتوكيل فعلاً بخطي وإمضائي القديمة، ومكتوب فيه صراحة إنه بيتحرك نيابة عني في البيع والشراء للنفس والغير. الورق كان بيتكلم بكل برود، مفيش فيه رحمة، مفيش فيه ريحة الأمومة ولا العِشرة، مفيش غير أرقام وإمضاءات وأختام بتبيع الست اللي عاشت خدامة تحت رجليه سنين طويلة.
كمال بص لي وقال أنا مقدرتش أسكت يا إسراء، أنا لما عرفت بالموضوع ده اتخانقت مع التاجر وقلت له مفيش بيع يتم في الحتة دي وإنت بتلعب على ست غلبانة، بس التاجر حط الورق في عيني وقالي ابنها اللي جالي ورجله فوق رقبته، وقالي أمي موافقة بس تعبانة ومش هتقدر تنزل الشهر العقاري، وهو اللي مستعجل على الفلوس عشان عليه ديون لبيت حماه، وعايز يسدد شيكات على مراته قبل ما يدخلوا السچن.
ضحكت پهستيريا، ضحكت ودموعي بتنزل شيكات على مراته؟! خاېف على مراته تتبهدل، وخاېف على كرامتها إنها تغسل طبقين في بيتي ويقول مراتي مش خدامة، وجاي يدبحني أنا عشان يسدد ديونها؟! يا كمال، ده أنا

كنت