رواية كاملة

قبل ما اعرفه
قالت ما انا عارفة احنا هنكسبها بس لازم تحضري
يوم الجلسة شفته
كان لابس نفس الترنج اللي كان لابسه يوم ما طردني
اول ما شافني وطى وشه
القاضي سأله انت بتطالب بايه
قال بنص العفش والمطبخ
القاضي قاله العفش ده مين اللي شاريه
قال احنا الاتنين
المحامية طلعت فواتير باسمي كلها من قبل الجواز بتلت سنين
القاضي قاله عندك فواتير باسمك
قال لا
القاضي حكم لصالحي
وانا خارجة من المحكمة لقيته مستنيني برا
قال مبروك كسبتي كل حاجة
قلتله لا كسبت نفسي ودي اهم حاجة
قال انتي اتغيرتي اوي
قلتله لا انا رجعت لنفسي القديمة اللي انت نستني انها موجودة
قال طب ممكن نخرج نشرب قهوة حتى كاصحاب
قلتله لا انا مبشربش قهوة مع اللي طردني حافية
ومشيت
بعدها بشهرين حصلت حاجة عمري ما كنت متوقعاها
صاحبتي اللي نمت عندها لما اتطردت قالتلي تعالي معايا فرح اخويا
رحت
وهناك قابلت راجل
راجل عادي جدا مش غني ولا وسيم اوي بس اول ما شافني قالي انتي شكلك بتحبي البحر
قلتله عرفت منين
قال عشان عينيكي فيها ملح
ضحكت
اتكلمنا طول الفرح
وعرفت انه مطلق برضه وعنده بنت صغيرة وبيته صغير بس بتاعه ومش بيدخل حد بيته من غير ما يستأذن بنته
قلتله انت بتستأذن بنتك
قال ايوة عشان البيت ده بتاعها هي كمان
الكلمة دي لمست قلبي
فضلنا نتكلم شهور
من غير ما يقولي تعالي عيشي مع اهلي ولا ادفعيلي فاتورة ولا يلا نضفي
كان بيقولي انتي بتحبي ايه وانا اعمله
وفي مرة حكيتله قصتي كلها من اول ما حماتي جت بالعصفور لحد البوليس
سمعني للاخر وبعدين قال جملة واحدة
قال انتي بطلة
اول مرة حد يقولي كده
كل الناس كانت بتقولي انتي قوية انتي مفترية انتي طردتي اهل جوزك
بس هو قالي بطلة
قلتله انا مش بطلة انا كنت خاېفة اوي
قال ما البطلة پتخاف برضه بس بترجع ومعاها البوليس والمحامية
ضحكنا
بعد سنة اتجوزنا
جوازة بسيطة في شقتي اللي جنب البحر
مفيش فاتورة بمية اتنين واربعين الف دولار
مفيش قفص عصافير داخل من غير اذن
مفيش حد بيقولي البيت ده مش بتاعك لوحدك
بالعكس جوزي الجديد كل يوم يقولي البيت ده بتاعك وانا ضيف فيه لحد ما تحسي اني استاهل ابقى صاحبه
وبنته بقت بنتي
بتقولي يا ماما انتي اللي علمتيني ان الست لازم يبقى عندها بيت باسمها
وانا بقولها ايوة يا حبيبتي البيت مش حيطة البيت كرامة
ومن كام يوم لقيت رسالة من طليقي
باعتها على الايميل القديم
كاتب فيها انا شفت صورتك على النت شكلك مبسوطة وانا لسه قاعد مع اهلي في نفس البيت القديم وبفكر في اليوم اللي طردتك فيه وندمان كل يوم
مردتش
مسحت الايميل
وقمت عملت قهوة وطلعت البلكونة
البحر كان هادي والشمس داخلة الشقة
وجوزي بيذاكر لبنته جوه
وساعتها فهمت
ان الطرد اللي حصل يومها مكنش طرد من البيت
كان طرد من حياة غلط لحياة صح
وان المية اتنين واربعين الف دولار اللي كان عايزني ادفعها كانت تمن حريتي
وانا دفعتها
بس مش فلوس
دفعتها بشجاعة يوم ما رجعت ومعايا عربيتين بوليس ومحامية وقلت ده بيتي
وده كان اغلى وارخص تمن دفعته في حياتي