رواية كاملة

في الجيش.. اللي انت كنت فاكره شغل ورق حكومة
حماتي اللي كانت من ثانية بتقول اني بشتري فستاني من السوبر ماركت.. قعدت على الكرسي مرة واحدة.. كأن حد ضربها
وحمايا اللي كان بيقدمني اني بتاعة ورق.. قال.. الكلام ده بجد؟ انتي.. انتي اللي معاكي الفلوس دي كلها؟
مردتش عليه
أنا كنت باصة على ابني بس
ابني اللي لسه لابس الطرطور الورق.. ومش فاهم حاجة.. غير ان ماما لابسة لبس غريب.. وكل الناس بتبصلها ومندهشة
جه جري عليا.. حضڼ رجلي.. قالي.. ماما.. انتي شكلك حلو قوي باللبس ده
شيلته.. حضنته.. وقلتله.. كل سنة وانت طيب يا قلب ماما
ولفيت للناس.. وقلت
أنا سكت 12 سنة.. 12 سنة وانا بسمع تريقة على لبسي.. وعربيتي.. وشغلي.. وكنت بقول مش مهم.. عشان خاطر ابني.. وعشان البيت يفضل هادي.. بس النهاردة.. انتو قررتوا اني محضرش عيد ميلاد ابني.. في بيتي.. اللي أنا دفعته بعرقي وشقايا وانا شايلة السلاح وبحمي البلد.. فكان لازم تعرفوا الحقيقة
واحد من المستثمرين المهمين اللي جوزي كان عايز يبهره.. قام وقف.. وجه لحد عندي.. وضربلي تعظيم سلام هو كمان.. وقالي.. يا فندم.. أنا كنت ظابط معاش.. واتشرفت اني قابلت حضرتك.. وجوزك ده.. ميعرفش قيمة الست اللي معاه
جوزي مقدرش يستحمل.. قال.. اطلعوا بره.. كلكم اطلعوا بره.. ده بيتي أنا
ساعتها المحامي طلع الورقة التالتة
لا.. ده مش
بيتك.. حسب العقد اللي انت ماضي عليه من 5 سنين وانت بټغرق.. البيت ده إيجار.. انت مأجره من الشركة بتاعة مراتك.. وانت بقالك 8 شهور مدفعتش الإيجار.. فمن حقي كمحامي.. أبلغك ان عقدك انتهى.. ومعاك 30 يوم تفضي البيت
30 يوم؟
جوزي كان هيقع
قال.. انتي بتطرديني من بيتي؟ يوم عيد ميلاد ابني؟
قلتله.. لا.. أنا مش بطردك.. انت اللي طردتني من عيد ميلاد ابني من شوية.. فاكر؟ بعتلي رسالة الساعة 2 بالليل وقلتلي خليكي فوق.. وما تنزليش عشان متكسفيناش.. فأنا بس بعمل زي ما انت عملت.. الفرق انك قلتلي خليكي فوق.. وأنا بقولك القانون بيقولك فضي البيت كله
حماتي قامت.. وجت لحد عندي.. ومسكت ايدي.. لأول مرة من 12 سنة تمسك ايدي من غير ما تكون قرفانة
قالت.. يا بنتي.. احنا آسفين.. والله ما كنا نعرف.. احنا كنا فاكرين..
قطعتها.. قلتلها.. كنتوا فاكرين ايه؟ كنتوا فاكرين اني جعانة وجاية آخد فلوسكم؟ أنا عمري ما خدت جنيه منكم.. انتو اللي كنتوا عايشين بفلوسي.. وانا ساكتة
فاكرة لما قلتيلي فستانك من السوبر ماركت؟ الفستان ده كنت شارياه وانا راجعة من مهمة بره.. كنت بقالي 3 شهور مشوفتش ابني.. وكنت راجعة تعبانة.. ولبست أول حاجة قدامي عشان ألحق عيد الشكر معاكم.. وانتي اتريقتي عليا
وفاكر لما حمايا قالي.. دي بتخلص ورق؟ أنا الورق اللي بخلصه ده.. كان قرارات بتودي عساكر يموتوا.. أو يرجعوا لأهاليهم
حمايا وطى راسه في الأرض.. مقدرش يبصلي
ساعتها ابني.. اللي في حضڼي.. قال بصوت عالي.. خلاص بقى.. عايز أقطع التورتة.. وماما هتقطعها معايا
كل الناس ضحكت.. بس ضحكة فيها كسوف
قطعت التورتة معاه.. وأكلته أول حتة بإيدي.. وهو بيضحك.. وكل الناس بتصور.. بس المرة دي.. بيصوروني أنا.. مش بيصوروا البيت الغالي
بعد ما الضيوف مشيوا واحد ورا التاني.. وهما كلهم بيبصولي باحترام.. وبيسلموا عليا كأني وزيرة.. مش الست اللي كانوا جايين يتريقوا عليها
فضلنا احنا بس.. أنا وجوزي وحماتي وحمايا وابني
جوزي قالي.. انتي ناوية على ايه؟ هتطلقي؟
قلتله.. أنا مش هطلق.. دلوقتي.. عشان خاطر الولد.. بس من النهاردة.. كل حاجة هتبقى باسمي..
وواضحة.. مفيش أسرار تاني
انت هتفضل في البيت لحد ما تلاقي مكان تاني.. بس هتدفع إيجار.. زي أي حد.. وهتتعلم تحترم الست اللي انت متجوزها.. ولو محترمتهاش.. الباب مفتوح.. والقانون معايا
وأمك وأبوك.. لو عايزين ييجوا يزوروا حفيدهم.. أهلا وسهلا.. بس ييجوا يحترموا أم حفيدهم.. مش ييجوا يتريقوا عليها
حماتي عيطت.. وقالت.. عندك حق.. احنا اللي كنا قلالاة الأصل
وحمايا قال.. أنا هعلم ابني من أول وجديد يعني ايه راجل.. عشان الراجل اللي يكسف من مراته اللي شايلة بيته وبلدها.. ميبقاش راجل
ومن يومها.. جوزي اتغير
بقى يصحى الصبح يوصل ابنه المدرسة.. ويقولي.. خلي بالك من نفسك يا فندم.. بهزار.. بس هزار فيه احترام
وبقى لما حد يسأله.. مراتك بتشتغل ايه.. يقول.. مراتي ظابط كبير في الجيش.. وبتشرف أي حد.. وبيتي ده.. بتاعها هي.. مش بتاعي
وابني؟
ابني بقى كل ما يشوف حد لابس جيش في الشارع.. يقول.. زي ماما.. ماما بتحمي الناس كلها
وأنا رجعت البس لبسي البسيط تاني.. وعربيتي القديمة.. بس الفرق.. اني بقيت لابساه وانا رافعة راسي
عشان فهمت.. ان اللي بيحاول يصغرك.. هو اللي صغير.. مش انتي
والبيت أبو عشرة مليون.. لسه باسمي.. بس أغلى حاجة فيه.. مش تمنه.. أغلى حاجة فيه.. ان ابني لسه فاكر.. ان ماما وعدته.. هتبقى في أول صف.. ووفيت بوعدها
تاني يوم الصبح.. صحيت لقيت البيت هادي.. هادي قوي
جوزي كان قاعد في الصالة لوحده.. حاطط راسه بين ايديه.. والبدلة بتاعتي العسكرية متعلقة لسه على الكرسي
أول