رواية كاملة

اللي كنا عايزين نشوفه وعرفنا الحقيقة وكل واحد عرف مقامه يلا نروح بيتنا
واحنا خارجين من القصر والهليكوبتر مستنيانا برا في التلج الجدة جريت ورانا وادتني سلسلة دهب قديمة فيها صورة وقالتلي دي كانت بتاعة جد ولادك اديها للبنت الكبيرة دي هديتي ليها
ركبنا الهليكوبتر والطيار طلع بينا في السما والاربع اطفال لازقين في الشباك بيبصوا على القصر اللي بيصغر تحتنا
ابني سألني هو احنا هنرجع هنا تاني يا ماما
قلتله لا يا حبيبي احنا عندنا بيتنا وعندنا شغلنا وعندنا بعض احنا مش محتاجين قصر ولا عيلة بتكرهنا احنا عيلة ببعض
بنتي الصغيرة حطت راسها على كتفي وقالت ماما انا مبسوطة اننا مشينا
وانا حضنتها وبصيت من الشباك على السما الباردة وقلت في سري انا قعدت 8 سنين فاكرة اني ضعيفة واني محتاجة راجل يسندني بس النهاردة عرفت اني انا اللي سندت اربع ارواح لوحدي وبنيت مستقبل من الصفر وان اللي بيهرب من عياله عمره ما هيبقى قوي مهما لبس بدل وعلق نياشين
الهليكوبتر طارت بعيد عن القصر وسابت وراها راجل قاعد لوحده في صالة كبيرة فاضية حواليه شجرة كريسماس منورة وورق تحليل بيثبت انه اب لاربع اطفال رفضهم قبل ما يشوفهم حتى
بعد ما الهليكوبتر طلعت من فوق القصر والتلج بيبعد تحتنا والاربع اطفال لازقين وشهم في الازاز انا كنت ساكتة بس جوايا ڼار بقالها 8 سنين وبتطفي دلوقتي حتة حتة
الطيار بيبصلي في المراية وبيضحك وبيقولي يا قائدة اول مرة اشوف هبوط في قصر يقلب فرح لجنازة
قلتله دي مش جنازة يا باشا دي حقيقة كانت مدفونة وبانت
ولادي ساكتين محدش فيهم بيتكلم الولد الكبير حاضن اخوه والصغيرين نايمين على كتفي من التعب والعياط
لما نزلنا في المطار بتاع الهيئة كانت الدنيا ليل والجو برد بس اول ما فتحنا باب الهليكوبتر لقينا فرقة كاملة من زمايلي في الشغل واقفين مستنيينا بالبلالين والشيكولاتة وبيسقفوا
المساعدة بتاعتي جريت حضنت الولاد وقالت الحمد لله على السلامة يا ابطال عملتوا ايه في القصر قلبتوه
ابني الكبير قالها بكل براءة قلناله اننا موجودين
كل اللي واقفين سكتوا وبصوا لبعض وعرفوا ان الجملة دي معناها كبير قوي
روحنا البيت وده كان بيت بسيط بس دافي فيه ريحة الاكل وريحة البخور اللي انا بحبها الولاد غيروا هدومهم وقعدنا على الارض ناكل رز وفراخ زي كل يوم ولا قصور ولا نجف ولا شجر كريسماس بالدهب
وبنتي الصغيرة وهي بتاكل قالت ماما هو احنا وحشين عشان بابا مش عايزنا
سيبت المعلقة من ايدي ودموعي نزلت ڠصب عني وخدتها في حضڼي وقلتلها لا يا قلب ماما انتو احلى حاجة حصلت في حياتي انتو اللي خلتوني قوية انتو اللي خلتوني اقوم من بعد الطلاق واذاكر واشتغل واوصل لمنصب قيادي وانا شايلاكم على ايدي انتو مش وحشين هو اللي وحش عشان معرفش قيمتكم
الولد التاني قال طب وتيتة اللي هناك هتيجي تشوفنا تاني
قلتله تيتة طيبة واكيد هتيجي بس احنا مش هنستنى حد احنا هنعيش حياتنا عادي
تاني يوم الصبح صحيت على صوت تليفوني بيرن رقم غريب رديت لقيتها ام طليقي الست الكبيرة بټعيط وبتقولي ارجوكي يا بنتي سامحيني انا طول الليل منمتش والولاد مش رايحين من بالي انا عايزة اشوفهم تاني ابني من ساعة ما مشيتوا وهو قافل على نفسه اوضته ومش بيرد على حد والخطوبة اتفركشت والدنيا مقلوبة فوق دماغه
قلتلها يا حاجة انا مش زعلانة منك انتي ملكيش ذنب هو اللي كدب علينا كلنا لو عايزة
تشوفي الولاد تعالي في اي وقت البيت مفتوح بس هو لو عايز يشوفهم لازم يجي لحد عندهم ويطلب منهم هما السماح مش مني انا
قالتلي ربنا يباركلك يا بنتي انتي ست بمية راجل
وقفلت معاها ودخلت اصحي الولاد للمدرسة ولبستهم الجواكت الكحلي وكل واحد شايل شنطته وماشيين في الشارع والناس بتبصلهم وتضحك عشان شبه بعض قوي
وانا ماشية وراهم حسيت لاول مرة من 8 سنين اني مش ماشية لوحدي انا ماشية وورايا عزوة
بعدها باسبوع لقيت عربية عسكرية واقفة قدام بيتنا ونازل منها طليقي لابس ترنج بسيط مش البدلة الرسمية ودقنه طويلة وشكله خس النص
خبط على الباب والولاد فتحوا واول ما شافوه سكتوا
هو نزل على ركبه قدامهم وقال انا اسف انا عارف ان كلمة اسف قليلة بس انا كنت جبان وكنت صغير وهربت انا عايز فرصة واحدة بس ابقى اب بجد لو حتى تيجوا تقضوا معايا يوم في الاسبوع
الولاد بصوا لبعض وبصوا ليا وانا مردتش اتدخل قلت ده قراركم انتو
ابني الكبير قال احنا موافقين نديك فرصة بس بشرط متكدبش علينا تاني ومتقولش اننا مش موجودين
هو حضنهم وهو بيعيط وقال عمري ما هقول كده تاني انتو موجودين وانتو احلى حاجة حصلت في حياتي وانا اللي مكنتش موجود
ومن يومها بقى بيجي كل يوم جمعة ياخدهم يفسحهم ويجيب لهم كتب ولعب وبيقعد معايا على الكنبة يحكيلي قد ايه كان غبي وضيع 8 سنين من عمره بيجري ورا المظاهر
وانا ببصله وبقول في سري انا مش رجعتله كزوجة انا رجعتله كأم لولاده بس واللي اتكسر من 8 سنين مش هيتصلح في يوم بس على الاقل ولادي هيكبروا وهما عارفين ان عندهم اب جه في الاخر واعتذر وده احسن من انهم يكبروا وهما فاكرين
انهم مش موجودين