رواية كاملة

بوتوكس؟
قالت.. ما انتي موجودة.. وبنتك موجودة.. وبعدين.. أنا لو قعدت معاها.. هعمل ايه؟.. انتي عارفة اني مش بعرف أقعد في مستشفيات
قلت.. ماشي.. متجيش.. وساعتها عرفت.. انها مش هتتغير.. وان الفلوس اللي بتدفعها في وشها.. أهم من أمها اللي في المستشفى
روحت أنا قعدت مع أمي.. طول الليل.. وبنتي جت بعد الامتحان.. وقعدت معايا.. وأختي.. نزلت ستوري وهي في عيادة التجميل.. وحاطة فلتر.. وكاتبة.. يوم الدلع
أمي لما شافت الستوري.. وهي نايمة على سرير المستشفى.. عيطت.. قالت.. أنا ربيت دي؟.. أنا ربيت واحدة تسيب أمها عشان حقنة؟
قلتلها.. يا ماما.. متعيطيش.. احنا جنبك.. وهي.. ربنا يهديها
أمي خرجت من المستشفى.. وبقت كويسة.. ومن ساعتها.. وهي مقاطعة أختي.. مش بمعنى مقاطعة.. بس بقت.. لما تيجي.. تسلم عليها من بعيد.. ومش بتدخلها أوضتها.. ولا بتاكل معاها.. ولا بتديها فلوس زي زمان.. أمي كانت كل شهر.. تدي أختي فلوس.. عشان تساعدها.. عشان جوزها سايبها.. وكانت بتقول.. دي بنتي.. ولازم أساعدها.. بس بعد حركة المستشفى.. بطلت.. قالت.. اللي يسيب أمه عشان بوتوكس.. ميتساعدش
أختي لما لقت الحنفية اتقفلت.. مني.. ومن أمي.. ومن بنتي.. بقت لوحدها.. وجوزها سايبها.. وشغلها مهدد.. ووشها.. كل شوية حقنة.. وكل حقنة تبوظ اللي قبلها.. وبقت تدور على حد يسلفها.. ومحدش بيسلفها.. عشان سمعتها بقت وحشة في العيلة
وفي مرة.. جتلي البيت.. وكانت بټعيط.. بجد المرة دي.. مش تمثيل.. قالت.. أنا غلطت.. أنا عارفة اني غلطت.. بس أنا مكنتش عارفة ان الموضوع هيكبر كده.. أنا كنت فاكرة انه فستان.. وهتشتروا غيره.. وخلاص
قلتلها.. انتي مشكلتك انك فاكرة ان كل حاجة ليها تمن رخيص.. وانك ممكن تشتري أي حد بأي حاجة.. فستان.. تبيعيه.. أمك تعبانة.. تسيبيها.. بنت أختك بټعيط.. تقولي.. تلبس رخيص.. انتي فاكرة ان مشاعر الناس رخيصة.. زي الميكب الرخيص اللي جبتيه لبنتي
عيطت أكتر.. وقالت.. طب أعمل ايه؟.. أصلح ازاي؟
قلت.. تصلحي؟.. انك تبطلي تكدبي على نفسك.. انك تبطلي تقولي.. أنا حلوة.. وأنا مظلومة.. وأنا.. الناس هي اللي وحشة.. انتي اللي وحشة.. اعترفي.. قولي.. أنا وحشة.. وأنا أنانية.. وأنا محتاجة أتغير.. مش عشانا.. عشان نفسك
قالت.. أنا أنانية؟
قلت.. آه.. أنانية.. وبتحبي نفسك بس.. ولو فضلتي كده.. هتفضلي لوحدك.. وجوزك سابك عشان كده.. وشغلك هيروح عشان كده.. وأمك زعلت منك عشان كده.. وبنت أختك مش هتحبك تاني عشان كده
سكتت.. وبعدين قالت.. طب اديني فرصة.. أخيرة
قلت.. الفرصة مش مني.. الفرصة من بنتي.. روحي قوليلها.. أنا غلطت.. واطلبي منها هي تسامحك.. من قلبها.. مش كلمة وخلاص.. خليها تحس انك اتغيرتي
راحت لبنتي.. وبنتي كانت قاعدة بتذاكر.. وقالت لها.. أنا آسفة.. أنا غلطت في حقك.. وأنا عارفة ان الفستان كان حلمك.. وأنا بعته عشان حاجة تافهة.. وأنا ندمانة.. بجد ندمانة.. ومش عايزة فلوس.. ولا عايزة حاجة.. أنا عايزاكي بس تحبيني زي الأول
بنتي بصت لها.. وقالت.. أنا كنت بحبك أوي.. كنتي خالتو اللي بتجيبلي شوكولاتة.. وبتاخدني معاكي.. بس لما بعتي الفستان.. حسيت انك مش بتحبيني.. بتحبي نفسك بس.. ولو عايزة أرجع أحبك.. لازم تثبتيلي انك بتحبيني.. مش بكلام.. بفعل
قالت.. زي ايه؟
بنتي قالت.. زي انك تيجي حفلتي الجاية في المدرسة.. من غير ميكب.. ومن غير بوتوكس.. تيجي كده.. بوشك الطبيعي.. وتقعدي جنب ماما.. وتسقفيلي.. عشان ساعتها هعرف انك جاية عشاني.. مش عشان تتصوري
أختي سكتت.. وبعدين قالت.. حاضر.. هاجي
ويوم الحفلة.. بنتي كان عندها تكريم.. عشان متفوقة.. وأختي جت.. من غير ميكب.. ووشها وارم شوية من الحقن..
بس جت.. وقعدت جنبي.. وسقفت لبنتي.. وبنتي لما شافتها.. ضحكت.. وأول مرة من شهور.. تروح تحضنها من نفسها
وأنا.. بصيت عليهم.. وعرفت ان الفستان اللي اتباع.. رجع حاجة أهم من الفستان.. رجع لأختي.. شوية من إنسانيتها اللي كانت نسيتها.. وسط حقن البوتوكس.. وصور السيلفي
والفستان الزمرد؟.. لسه متعلق في الدولاب.. بنتي بتقول.. هلبسه لما أتخرج من الجامعة كمان.. عشان يفضل.. فستان الأحلام اللي رجع.. بعد ما اتباع عشان حقنة