رواية كاملة

بعد 3 سنين من طلاقي، سألت صاحبي المقرّب يعرفلي طليقتي أخبارها إيه.
كنت متوقع أعرف عنوانها أو مكان شغلها وخلاص
لكن بعد ساعة واحدة بس، دخل مكتبي وهو متوتر، وحط صورة قدامي وقال
باشا مراتك السابقة عندها توأم.
بصيت للصورة
والدنيا وقفت بيا.
لأن البنت اللي في الصورة كانت عندها نفس عينيّا.
ونفس مناخيري.
وحتى ملامح وشها كانت شبهي وأنا طفل.
رفعت عيني له وقلت
عندهم كام سنة؟
قال
سنتين ونص ولد وبنت.
حسيت بقلبي بيخبط پعنف.
اتولدوا إمتى؟
سكت شوية قبل ما يرد
بعد طلاقك منها ب 6 شهور.
اتجمدت مكاني.
يعني سارة كانت حامل مني وهي بتسيبني وأنا ماكنتش أعرف؟
اسمي آدم.
عندي 39 سنة، وطول عمري كنت فاكر إن أكتر حاجة خسرتها هي مراتي.
لكن في اللحظة دي بدأت أفتكر حاجات كتير كنت عامل نفسي مش واخد بالي منها.
سارة كانت بترجع قبل الفطار.
كانت بتنام بدري بشكل غريب.
وفي مرة دخلت عليا وأنا في مكالمة شغل وقالت
آدم، ممكن نتكلم؟
ما رفعتش عيني من على الموبايل.
بعدين يا سارة.
الموضوع مهم.
كل حاجة بتبقى مهمة لما أكون مشغول.
سكتت وخرجت.
وبعدين افتكرت اليوم اللي قالتلي فيه إن عندها ميعاد عند الدكتور، وإنها محتاجة إني أروح معاها.
أنا ما روحتش.
بعتلها السواق.
وهي قالتلي جملة وقتها ما فهمتش معناها
أنا مش محتاجة سواق أنا محتاجة جوزي.
وأنا برضه
اخترت الشغل.
بصيت لصاحبي وقلت
طب ليه ماقالتشلي إنها حامل؟
ما ردش.
وسكوته كان كفاية.
يمكن
هي حاولت تقول.
بس أنا ماكنتش موجود عشان أسمع.
قلتله
عايز تعرفلي كل حاجة عنها.
وبعدين حذرته
ومحدش يعرف الموضوع ده.
خصوصًا أمي.
لأن لو أمي عرفت إن عندها حفيدين في بوسطن، هتسافر لهم بنفسها، ومعاها محامين وحراسة وفلوس، ومحدش هيقدر يوقفها.
بعد ما خرج، فضلت أبص للصورة.
سنتين ونص
طفلين كبروا قدامي من غير ما أعرف إنهم موجودين أصلًا.
أول خطوات.
أول كلمة.
أول عيد ميلاد.
أول مرة يخافوا فيها من كابوس بالليل
كل ده حصل وأنا بعيد عنهم.
وفجأة افتكرت آخر حاجة قالتها سارة قبل ما تسيبني
في يوم يا آدم هتعرف إنت خسړت إيه بإيدك.
مسكت موبايلي.
رقمها لسه عندي.
3 سنين وأنا ما اتصلتش بيها.
ضغطت على اسمها.
رنة
اتنين
تلاتة
ألو؟
اتجمدت.
الصوت اللي رد
كان صوت راجل.
قلت
أنا عايز أكلم سارة.
مين حضرتك؟
آدم جوزها السابق.
سكت ثواني.
وبعدين ضحك ضحكة خفيفة وقال
جوزها السابق؟
قلبي بدأ يدق أسرع.
أيوه.
قال
إنت فاهم غلط يا آدم.
غلط في إيه؟
الرقم ده بتاع مراتي.
الډم جمد في عروقي.
قبل ما ألحق أسأله أي سؤال
قفل المكالمة.
اتصلت تاني.
محدش رد.
اتصلت للمرة التالتة.
نفس الكلام.
بدأت أفكر
مين الراجل ده؟
وهل هو اللي عاش مع سارة السنتين ونص اللي فاتوا؟
هل هو اللي ربّى الطفلين؟
هل هما بينادوه بابا؟
وفجأة موبايلي رن.
كان صاحبي.
رديت
عرفت مين الراجل؟
سكت.
اتكلم.
قال بصوت متوتر
آدم الراجل اللي رد على التليفون لقيته.
مين؟
سكت تاني.
وبعدين قال
المشكلة إن اللي اكتشفته عن حياة سارة في بوسطن هيغير كل حاجة.
وقفت من مكاني.
يعني إيه؟
لازم تشوف بنفسك.
مسكت الجاكت والصورة.
جهز
العربية.
رايحين فين؟
بصيت لصورة سارة والتوأم مرة أخيرة.
وقلت
بوسطن.
لكن وأنا خارج من المكتب، ماكنتش أعرف إن اللي هستناه هناك
مش مجرد طفلين اكتشفت فجأة إنهم ممكن يكونوا ولادي.
كان سر مخبي عني بقاله 3 سنين وسارة نفسها كانت عايزة تفضل مخبيّاه للأبد.
حكايات بسمة
نزلت السلم وأنا مش حاسس برجلي، الشارع كان زحمة وأصوات ألكسارات حواليا زي الضباب. قلبي كان بيدق بسرعة چنونية كأنه عاوز يخرج من صدري.
سنتين ونص! سنتين ونص وأنا غرقان في شغلي وبحسب إني صح.. بحسب إن الفلوس والمراكز والصفقات هي كل حاجة في الدنيا، وماكنتش عارف إن عمري الحقيقي بيتسرق مني في ساحة بعيدة اسمها بوسطن.
صاحبي سيف كان مستنيني في العربية. أول ما ركبت جنبه وقفت وشه المشدود وشفايفه المقفولة بصرامة.
سحب نفس عميق وقال لي بصوت واطي
آدم.. حجزتلك على أول طيارة طالعة على أمريكا كمان أربع ساعات. بس قبل ما تحط رجلك في المطار، لازم تفهم حاجة واحدة.
بصيت له بحمار عينين وڠضب مكتوم
أفهم إيه يا سيف؟! أفهم إن فيه راجل تاني عايش مع مراتي؟! إن فيه حد بيسمع صوت ولادي وهم بيضحكوا بدالي؟! انطق يا سيف ما تجنينيش!!
سيف بص لي پألم وطلع ملف أسود صغير من جيبه، وحطه في إيدي
الراجل اللي رد عليك على التليفون اسمه دانيال.. دانيال ده مش جوزها يا آدم، ولا خطيبها، ولا حبيبها زي ما عقلك صورلك فوراً.
فتحت الملف بإيدين بترتعش، عيني وقعت على صورة راجل في الأربعينات، وشه ملامحه جادة ولابس بالطو أبيض بتاع دكاترة.
سيف كمل كلامه ونبرة صوته اتقطعت
دانيال ده طبيب أورام ومناعة في أكبر مستشفى في بوسطن.. وهو الطبيب المتابع لحالة سارة بقالها سنتين ونصف!
اتخشب جسمي في الكرسي.. الډم اتشفط من وشي تماماً.
ط.. طبيب أورام؟! سارة مالها يا سيف؟! انطق بالله عليك سارة فيها إيه؟!
سيف نزل رأسه في الأرض وقال بصوت مكسور
لما سارة سابتك وطلبت الطلاق من 3 سنين، ما كانتش بتسيبك عشان زعلانة منك بس يا آدم.. سارة اكتشفت إن عندها سړطان في مرحلة متقدمة وهي في الشهر الثاني من الحمل بالتوأم! الدكاترة هنا في مصر قالولها لازم تنزلي الجنين فوراً عشان تبدأي كيماوي وإلا حياتك تنتهي في شهور! بس هي رفضت.. رفضت ټموت أولادك، وسافرت بوسطن لمركز أبحاث متخصص عشان تكمل الحمل وتحاول تعالج نفسها في نفس الوقت!
الكلمات نزلت عليا زي جبال من الذهب والحديد حطمت دماغي!
افتكرت اليوم اللي دخلت عليا وقالتلي بكسرة آدم.. ممكن نتكلم؟
وأنا رديت ببرود وسفالة كل حاجة بتبقى مهمة لما أكون مشغول!
افتكرت لما طلبت أروح معاها للدكتور وباعت لها السواق، ورجعت قالتلي الجملة اللي كانت بتدبحني أنا مش محتاجة سواق.. أنا محتاجة جوزي!
أنا ما كنتش موجود.. أنا كنت مشغول بأرقام وحسابات
في البنك، وهي كانت واقفة لوحدها قدام المۏت وبتختار تحمي ولادي على حساب حياتها هي!
صړخت بصوت مكتوم هز العربية
اطرررررق يا سيف!! اطلع على المطار فوراً!!
رحلة الطيران لبوسطن كانت أطول 12 ساعة مرت في حياتي كلها. كل ثانية كانت بتمر كأنها جمرة ڼار بتتحط على قلبي. الصدمات كانت بتتوالى في عقلي..
أنا الراجل الغني.. صاحب النفوذ والشركات.. كنت أعمى! كنت فاكر إن سارة سابتني عشان ملّت من إهمالي، لكن هي سابتني لأنها ما حبتش تشوفني بتكسر وأنا شايفها بټموت بالبطيء! ما حبتش تحملني ذنب اختيارها إنها تفضل حياة التوأم على حياتها هي!
وصلت بوسطن.. الثلج كان بينزل بغزارة والجو كان يقطع العضم، بس أنا ما حسيتش بالبرد.
أول ما خرجت من المطار، أخدت تاكسي وطرت على العنوان اللي سيف ادهولي.. مستشفى الأورام الكبيرة في وسط المدينة.
دخلت صالة المستشفى زي المچنون، هدومي كانت مبهدلة وعيني حمراء من السهر والبكاء. جريت على الاستقبال وبقيت أسأل عن دانيال وعن سارة.
بعد دقائق.. خرج دانيال من ممر الأوض العناية المركزة.
أول ما شافني، وقف مكانه، وبصلي بنظرة كلها أسى وۏجع.. قرب مني وقال باللغة الإنجليزية
أنت آدم.. مش كده؟
مسكت في دراعه برجاء وذل عمرهم ما شافوهم في ملامحي
فين سارة؟! أرجوك خدني ليها.. أنا جوزها، أنا آدم!!
دانيال سحب نفس عميق وحط إيده على