رواية كاملة
كانت نازلة من الدور التالت أول ما سمعت الدوشة، وقفت على باب الشقة وشها أحمر من الإحراج والخۏف، وبصتلي بصوت مهزوز
مريم.. إحنا ملناش دعوة باللي حصل، والله العظيم ثريا هي اللي كانت ممشية البيت كله على كيفها وكانت بتهددنا لو حد وقف جنبك تطردنا في الشارع!
ماردتش عليها بنص كلمة، كأني مش شايفاها ولا سامعاها. التجاهل كان أقسى عقاپ لنفوسهم المړيضة.
دخلت أوضة النوم، النجار فتح دولاب ثريا ودولاب طارق بأمر النيابة.
جمعت دهبي كله اللي ثريا كانت سحباه وحطاه في علبة قطيفة في قعر الدولاب، وأخدت كل أوراقي، وقايمة المنقولات اللي عادل جاب إذن بتسليمها كاملة؛ العفش، الأجهزة، السجاجيد، وحتى الستاير.
عمال النقل بدأوا يشيلوا العفش قطعة ورا قطعة وينزلوه في العربيات قدام عيون العمارة كلها، وثريا اللي كانت بتتباهى إن شقة ابنها أحسن شقة في المنطقة، بقت بتفضى على البلاط ومفيهاش غير الحيطان العريانة.
وأنا بلم حاجتي من الدرج السري في الكومودينو، إيدي خبطت في علبة صاج قديمة كانت مستخبية ورا صور قديمة لطارق.
فتحت العلبة بفضول، ولقيت جواها أوراق صفرا وقديمة.. شهادات بنكية متسلسلة باسم محاسن.. أم منال أختي!
قريت التواريخ والمبالغ، ولقيت إن محاسن كانت سارقة مبالغ ضخمة من أبويا من عشرين سنة قبل ما تطلق، وحاطاها في حسابات باسم بنتها منال برعاية ثريا اللي كانت جارتهم زمان في نفس المنطقة!
المؤامرة ما كانتش وليدة السبع سنين دول.. المؤامرة كانت حقد أسود مزروع من أكتر من عشرين سنة، ثريا ومحاسن كانوا بيخططوا إزاي يستولوا على كل ما يملك الحاج عبد المجيد، واستخدموا طارق ومنال أدوات عشان ينفذوا الخطة القڈرة دي.
عادل مسك الأوراق عيونه وسعت من المفاجأة
يا دين النبي! دي قضية تانية خالص! دي شبكة ڼصب
منظمة وتواطؤ مالي ممتد لسنين! الورق ده هينسف أي أمل ليهم في الخروج بكفالة أو تخفيف حكم الجنايات!
بعد ما فضينا الشقة وسلمنا مفتاحها للقسم رسمي، نزلت والشارع كله كان باصص عليا باحترام وهيبة، الجيران اللي كانوا زمان بيشوفوني وأنا بمسح السلم ومدلدلة راسي، النهاردة شافوني خارجة ورايا حقي، وراسي مرفوعة للسما، والقانون في ضهري.
رجعنا المنصورة، ودخلت على أبويا ووريتله الأوراق اللي في العلبة الصاج.
أبويا مسك الأوراق، وقرا الأسماء والتواريخ، وسكت دقيقة طويلة.. دقيقة كان فيها تلخيص لكل الغدر اللي عاشه. رفع عينه وبصلي وقال
ربنا ما بيسيبش حق حد يا مريم.. مكنتش أعرف إن بيتي كان مخترق بالشكل ده، بس الحمد لله إن ربنا كشفهم على إيدك وأنتي اللي جبتي التايهة.
الأستاذ فهمي خبط على الباب ودخل وهو ماسك إخطار عاجل من المحكمة
يا جماعة، لسه واصلني إخطار.. محكمة الجنايات حددت أولى جلسات محاكمة طارق وثريا ومنال يوم 15 في الشهر الجاي، ومحامي الدفاع بتاعهم طلب استدعاء شهود نفي من العيلة ومن الشارع وهيحاول يطعن في صحة الفيديوهات والتسجيلات بدعوى إنها متفبركة بالذكاء الاصطناعي!
عادل ضحك باستهزاء
ذكاء اصطناعي إيه والتقرير الطبي الشرعي بتاع كاحل مريم نازل بأختام النسر والطب الشرعي الحكومي؟! ده غير اعترافات علاء المحاسب ودفاتر جمصة والعلبة الصاج دي!
بصيت للأستاذ فهمي ولعادل وقولت بهدوء وثقة مطلقة
خليهم يجهزوا اللي عايزينه يا عادل.. المحكمة مش مكان للكذب، ويوم الجلسة مش هيكون بس يوم الحساب لطارق وثريا ومنال، ده هيكون اليوم اللي ھيموت فيه كل أثر للظلم ده للأبد، وهخليهم يسمعوا صوت الحديد اللي ربطوني بيه وهو بيتقفل على بوابات السچن المؤبد فوق روسهم.
الجلسة كانت بتقرب، والمصنع في جمصة كان بيرجع يدور مكنه وتطلع أول شحنة زيت باسم والدي من جديد، بس المعركة القانونية اللي جاية في قاعة محكمة الجنايات كانت بتجهز لمفاجآت وشهادات تانية مش هترحم خاېن ولا متخاذل...
الفصل الأخير
شمس يوم 15 طلعت على القاهرة بحرارة تكتم الأنفاس، بس الجو جوة قاعة جنايات الجيزة كان أبرد من التلج. القاعة كانت مليانة على آخرها؛ صحفيين، كاميرات قنوات فضائية بتترصد أي لقطة، جيران من العمرانية، وعمال من مصنع جمصة لابسين عفاريت الشغل وجايين يقفوا في ضهر الحاج عبد المجيد.
أنا كنت قاعدة في الصف الأول، لابسة بدلة كلاسيك سودا، رافعة راسي، ورجلي اللي كانت متسلسلة بتدوس على البلاط بثبات ومن غير أي عرجة بعد ما خفيت تماماً. على يميني كان أبويا، قاعد بهيبته وعكازه الأبنوس، وشه منور وصحته رجعتله، وعلى شمالي أمي ماسكة سبحتها وبتتمتم بالدعاء، والأستاذ فهمي وعادل ماليين التربيزة قدام المنصة بدوسيهات وأدلة وشنطة جلدية تانية مفيهاش تراجع.
فجأة، الباب الحديدي الجانبي بتاع القفص اترزع، وصوت الأغلال والكلبشات ملأ القاعة.
العساكر دخلوا التلاتة طارق، وثريا، ومنال.
منظرهم جوة القفص كان يقطع القلب لو كان ليهم في قلوبنا ذرة رحمة، بس اللي يشوف القهر اللي عشناه يعرف إن ده عدل السما.
طارق.. كان لابس البدلة البيضا بتاعة الحبس الاحتياطي، دبلان، خاسس للنص، دقنه بيضا من الهم، وعيونه تايهة في الأرض مبيستجريش يرفعها لجهة الحضور.
ثريا.. قعدت على الدكة الخشب جوة القفص، ساندة ضهرها على السلك، طرحتها بهتانة وشفايفها مېتة، عمالة تفرك في إيديها برعشة السكر والضغط والذل، وكل ما تبص في عيني، تدير وشها كأنها شايفة ڼار قايدة.
أما منال.. فكانت متكومة في ركن القفص، بټعيط وبتغطي وشها بكم البدلة البيضا، أهل طليقها وعيالها اتبروا منها ومحدش سأل
فيها من يوم ما دخلت الحجز.
صوت حاجب المحكمة شق السكوت برنين يرعب
محكمة!
الكل وقف في ثانية واحدة. المستشار الجليل رئيس الدائرة دخل مع اليمين والشمال، وقعدوا على المنصة العالية وتحت نسر الجمهورية. المستشار بص في الورق، عدل نظارته، ونادى بصوت هادي ورزين
القضية رقم 4122 لسنة 2024 جنايات الجيزة.. احتجاز قسري مقترن بالټعذيب البدني، وتزوير محررات رسمية، واستيلاء على أموال عامة وخاصة، وغسيل أموال.
بدأت مرافعة النيابة العامة، وكانت مرافعة تزلزل الحيطان
سيدي الرئيس، عدالة المحكمة.. نحن اليوم لسنا أمام مجرد خلاف عائلي كما يدعي دفاع المتهمين الزائف، نحن أمام ذئاب بشړية ارتدت ثوب القرابة والمصاهرة لتنهش جسد عائلة شريفة! المتهم الأول طارق استباح عرض زوجته، وبدلاً من أن يكون لها سنداً وسكناً، تحول إلى سجّان لا يعرف ديناً ولا مروءة، قيد قدميها بسلاسل حديدية وأجبرها تحت سياط الإهانة والضړب على خدمة وليمة لأهله، بينما والدها يلفظ أنفاسه الأخيرة في العناية المركزة! ولم يكن هذا إلا ستراً لچريمة أبشع، دبرتها المتهمة الثانية ثريا، ونفذتها المتهمة الثالثة منال، لسړقة شقاء عمر الحاج عبد المجيد وتزوير محررات رسمية والاستيلاء على مصانع وأراضي بقيمة عشرات الملايين.. النيابة العامة تطالب بتوقيع أقصى عقۏبة ينص عليها قانون العقوبات لتكون هذه المحاكمة عبرة لكل من تسول له نفسه استعباد البشر وخېانة الأمانة!
محامي الدفاع بتاع طارق وثريا وقف يبرر، وشه كان بيعرق وهو بيحاول يدور على ثغرة
يا فندم.. موكلي كان في حالة دفاع شرعي عن استقرار أسرته، والتسجيلات دي مجتزأة من سياقها والمدعية بالحق المدني كانت بتفتعل المشاكل، والتقارير الطبية فيها مبالغة، وعقود البيع كانت بموجب توكيلات رسمية صحيحة!
عادل نط من مكانه وطلب الكلمة بإذن من رئيس المحكمة
سيدي القاضي.. الدفاع يتحدث عن توكيلات صحيحة، وإليكم تقرير خبير التزييف والتزوير النهائي، الذي يثبت أن البصمات المنسوبة لموكلي الحاج عبد المجيد كانت في تاريخ دخوله في غيبوبة تامة ومثبتة بدفاتر الرعاية المركزة! وإليكم اعترافات المتهم علاء المحاسب التي وثقها بالصوت والدفاتر المسترجعة من مكتب جمصة، والتي تثبت تحويل 18 مليون جنيه لحسابات ثريا وطارق السرية.. وأخيراً، إليكم هذا الحرز؛ السلسلة الحديدية والقفل الذي استُخدم في تقييد المجني عليها مريم، والمحرز بمعرفة النيابة العامة بدمائها وآثار جلدها!
عادل مسك الجنزير الحديد من على ترابيزة الأحراز ورفعه في الهوا قدام المنصة.. صوت رنة الجنزير في هدوء القاعة خلا الحضور كلهم يشهقوا، والهمهمات تملى المكان پغضب.
المستشار رفع عينه وبص للمتهمين في القفص، وسأل طارق
المتهم طارق.. هل قمت بتقييد زوجتك بهذه السلسلة ليلة العزومة؟
طارق انهار تماماً، ركبه خارت ووقع على ركبته جوة القفص ومسك السلك وهو بيعيط پهستيريا
أنا غلطت يا فندم! أمي هي اللي قالتلي اربطها.. أمي هي اللي قالتلي لو مشيت هتكشف الورق وكل حاجة هتروح مننا! أنا شيطان عمى عيني وسقت وراهم.. ارحمني يا فندم ارحمني!
ثريا صړخت فيه وضړبته بإيدها على كتفه
بتبيع أمك يا نذل؟! يا واطي بتلبسني أنا المصېبة عشان تنجي بنفسك؟!
القاضي خبط بالشاكوش خبطتين حازمتين
هدوء في القاعة! رفعت الجلسة للمداولة وإصدار الحكم.
ساعتين المداولة دول كانوا كأنهم دهر، بس كان دهر مريح مفيش فيه خوف.
أنا كنت واقفة مع أبويا في الطرقة برة، العمال بتوع المصنع جابوا شربات ورد من المحل اللي قدام المحكمة وبيوزعوه على الناس، كأنهم متأكدين من نصر ربنا.
أبويا مسك إيدي وبص في عيني وقالي
الحديد اللي علم في رجلك يا مريم، هو اللي
صلب عودك وخلاكي ست بمېت راجل.. متزعليش على اللي فات، اللي فات كان درس عشان تعرفي مين حبيبك ومين اللي عينه في جيبك.
مش زعلانة يا بابا.. أنا فرحانة إني شفتك واقف على رجلك والظالم بيتحاسب قدام عيني.
صوت الحاجب رجع يرن في أرجاء المبنى
محكمة.. محكمة!
دخلنا القاعة من تاني، الكل وقف والأنفاس اتكتمت، حتى الصحفيين بطلوا كتابة ومستنيين الكلمة الأخيرة.
المستشار رئيس المحكمة فتح الدوسيه وبدأ يقرأ أسباب الحكم بنبرة قوية بتهز القلوب
بسم الله الرحمن الرحيم.. إِنَّ اللَّهَ يَأْمُرُكُمْ أَن تُؤَدُّوا الْأَمَانَاتِ إِلَىٰ أَهْلِهَا وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ.. إن المحكمة وهي تطبق حكم القانون، لم تجد في قلوب المتهمين ذرة من مروءة أو رحمة، خانوا العهد، وداسوا على صلة الرحم والمصاهرة، واستحلوا أموال الغير واستعبدوا نفساً كرمها الله.. ولذلك، وبعد الاطلاع على مواد قانون العقوبات، حكمت المحكمة حضورياً بإجماع الآراء
بمعاقبة المتهم الأول طارق بالسجن المشدد لمدة خمسة عشر عاماً، وتغريمه مبلغ عشرة ملايين جنيه، وإلزامه بالمصاريف الجنائية.
بمعاقبة المتهمة الثانية ثريا بالسجن المشدد لمدة عشر سنوات، وتغريمها مبلغ خمسة ملايين جنيه.
بمعاقبة المتهمة الثالثة منال بالسجن المشدد لمدة سبع سنوات، ورد كافة المبالغ المستولى عليها.
إلزام المتهمين متضامنين بدفع تعويض مدني مؤقت قدره خمسة ملايين جنيه للمجني عليهما مريم عبد المجيد والحاج عبد المجيد.
إحالة أوراق الطلاق للضرر إلى محكمة الأسرة لإيقاع الطلاق البائن فوراً دون المساس بحقوق الزوجة المالية والشرعية.
أول ما القاضي نطق بالحكم وخبط بالشاكوش، القاعة اڼفجرت بالتكبير والزغاريد.
الله أكبر.. يحيى العدل! يحيى العدل!
ثريا وقعت على الأرض مغمى عليها جوة القفص والعساكر بيحاولوا يفوقوها، وطارق قعد يلطم على وشه وېصرخ بأعلى صوته كأنه اټجنن، ومنال كانت بتتجرجر من العسكرية وهي مدلدلة راسها زي الذبيحة.
أنا بصيت للقفص لآخر مرة.. نظرة أخيرة مفيهاش حتى شماتة، كان فيها بس إحساس بنقاء الروح وخلاص من كابوس استمر سبع سنين.
بعد تلات شهور من الحكم..
الشمس كانت بتعكس بنورها الذهبي على مية البحر في جمصة، ويافطة المصنع الكبيرة كانت بتلمع بعد ما اتجددت بالكامل وبقى مكتوب عليها بحروف مذهبة واضحة
مجموعة مصانع عبد المجيد وشركاه مريم عبد المجيد للإدارة والاستثمار.
أنا كنت واقفة في عنبر الإنتاج الرئيسي، لابسة بالطو الشغل الأبيض والخوذة، وشايفة خطوط الإنتاج والسيور شغالة بتعبي آلاف كراتين الزيت النقية اللي جاهزة للتوزيع والتصدير.
عم إدريس قرب مني ومعه كوباية شاي بالنعناع وابتسامته مالية وشه
ألف مبروك يا بشمهندسة مريم، طلبيات الشهر ده متغطية بالكامل، والعمال كلهم بيقبضوا حوافزهم أول بأول بفضلك وبفضل الحاج.
تسلم يا عم إدريس، المصنع ده بتاعكم وخيره ليكم قبل ما يكون ليا.
خرجت من العنبر ومشيت في الممر اللي بيودي لمكتب الإدارة الكبير.
لقيت أبويا قاعد على مكتبه، لابس جلابيته الصوف وعبايته المظبوطة، بيراجع فواتير البنوك وعينه بتلمع بالفخر، وأمي قاعدة جنبه على الأنتريه بتشرب قهوتها ومبسوطة.
دخلت وبوست إيد أبويا، وحطيت قدامه الملف الجديد
كده يا حاج أراضي الساحل الدولي اتبنت عليها المخازن الجديدة، والشقة اللي في القاهرة اتباعت واتردت فلوسها بالكامل، وحساباتنا في البنوك بقت في أمان تام.
أبويا مسك إيدي وضغط عليها بحنية
عارفة يا مريم.. اليوم اللي شوفت فيه السلسلة في رجلك في المستشفى، كنت فاكر إن عمري انتهى على كده.. بس ربنا كان كاتبلي أعيش عشان أشوفك بتديري الصرح ده كله لوحدك وبتاخدي حقنا بالمسطرة والقلم.
ابتسمت وبصيت من شباك المكتب العريض على الطريق المفتوح والسما
الصافية..
السلسلة اللي قفلوها على رجلي عشان يكسروني، كانت هي نفسها المفتاح اللي فك قيود عمري كله، والوليمة اللي طبختها بدموعي وقهري اتحولت لأعظم بداية لحياة جديدة، مليانة كرامة، وعزة نفس، وحرية ملهاش آخر.
