الصدمة والحقيقة ل زيزى خالد
ضهري وكتفي وأنا بداري عليهم وبحميهم بجسمي لحد ما قدرت أخرجهم بره البيت واحد ورا التاني. البيت كله وقع واتفحم، وخرجت أنا بالتشوهات دي اللي هتفضل معلمة في جسمي وعمري كله.
رحلة الشقاء
دموع أميرة زادت وهي بتفتكر الأيام الصعبة
الناس في البلد بدل ما ترحمنا، قالوا البنت األلي مشوهة دي مين هيصرف عليها وعلى إخواتها؟ أعمامي طمعوا في حتة الأرض الصغيرة اللي سابها أبويا وأخدوها مننا ورمونا في الشارع. مكنش قدامي غير إني آخد إخواتي وأهرب بيهم على ملجأ ومؤسسة رعاية للأيتام في القاهرة عشان أضمن ليهم لقمة نضيفة وسرير يناموا عليه.
صاحبة الملجأ كانت ست طيبة، وافقت تستضيفهم بس اشترطت عليا إني أصرف على أكلهم وشربهم ومصاريف مدارسهم لأن الملجأ إمكانياته ضعيفة. ومن يومها وأنا بشتغل ليل مع نهار، باجي قصرك هنا، أنضف وأطبخ وأستحمل نظرات الناس وإشاعاتهم... وكل قرش بياخده ببعته للملجأ عشان يحيى ويوسف ومريم يعيشوا وميتحوجوش لحد.
لما زمايلي الشغالين سألوني الفلوس بتروح فين، قولت أساميهم بعفوية، ومن هنا الشيطان لعب في عقولهم وقالو إنهم ولادي من الحړام ومخفياهم... وأنا سكت، قولت خلّي الناس تاكل في فروتي بس إخواتي يعيشوا مستورين.
رد فعل مروان والمواجهة الكبرى
مروان كان بيسمع الكلام وهو مش قادر يتمالك دموعه. حس بقد إيه البنت دي عظيمة وبطلة، وحس بالذنب لأنه في لحظة من اللحظات صدق جزء من الإشاعات دي. شدها لحضنه بقوة وفضل يبوس راسها وكتفها المشوه وهو بيقولها
أنتي مش شغالة يا أميرة... أنتي بطلة، وأنتي ست الستات كلهم. التشوهات دي هي وسام شرف على جسمك. أنا يشرفني إنك تكوني مراتي وأم ولادي... وإخواتك من النهاردة هما إخواتي وولادي أنا كمان.
في الصباح الباكر، مروان مقعدش ساكت. أخد أميرة في إيديه وطلب من السواق يجهز العربية الكبيرة. طلعوا علطول على الملجأ اللي فيه الأطفال. أول ما وصلوا، الأطفال جريوا على أميرة وهم بيصرخوا أبلة أميرة! وحشتينا يا أبلة!
مروان شاف الفرحة في عيون الأطفال، وشاف يحيى الصغير وهو بيستخبى في حضڼ أخته. في اللحظة دي، مروان مضى على أوراق تكفل كامل للأطفال، وأمر بنقلهم فوراً للعيش معاه في القصر بالتجمع الخامس.
مواجهة الحاجة ماجدة أم مروان
لما العربية رجعت القصر، ونزل منها مروان وأميرة ومعاهم التلات أطفال، الحاجة ماجدة كانت واقفة في الصالة والشرار بيطلع من عينيها. زعقت وقالت
أنت عملت اللي في دماغك برضه يا مروان؟! جايبلي الشغالة وعيالها يعيشوا معايا في قصر مروان الألفي؟!
مروان وقف بكل شموخ وقرب من أمه، وأخد الأطفال تحت جناحه وقالها بصوت قوي حاسم مسمع القصر كله
يا أمي، الست اللي بتتريقي عليها دي، بضفرها برقبة ناس كتير نعرفهم. دول إخواتها مش عيالها، وهي انحرق جسمها وضحت بشبابها عشان تنقذهم من المۏت بعد
ما بيتهم اتهد وأهلهم ماتوا. الست دي أشرف من الشرف، ومن النهاردة هي هانم القصر ده، والأطفال دول ولادي، ومحدش في البيت هنا هيوجعهم بكلمة، وإلا مش هيشوف وشي تاني!
الحاجة ماجدة اټصدمت، وبصت لأميرة وللأطفال الصغيرين اللي ملامحهم كلها برائة وخوف. كلام مروان وهيبته ونقاوة قصة أميرة لمست حتة حنينة جوة قلب الأم. الحاجة ماجدة عينيها دمعت، وقربت من أميرة بالراحة، وخدتها في حضنها وقالتلها
سامحيني يا بنتي... أنا ظلمتك، والناس برة موراهاش غير خړاب البيوت والكلام بالباطل. أنتي نورتي بيتك يا أميرة.
النهاية السعيدة والعدالة
مروان مسبش حق أميرة. سافر بنفسه للبلد بتاعتها مع المحامي بتاعه، وواجه أعمامها اللي أكلوا حق اليتامى. بالقانون ووبنفوذه، رجع لأميرة وإخواتها أرض أبوهم وحقهم المڠصوب، وخلى القرية كلها تعرف حقيقة البطلة اللي أنقذت إخواتها من الڼار، بعد ما كانوا بيطلعوا عليها إشاعات رخيصة.
مرت السنين، وأميرة عاشت ملكة متوجة في قصر مروان. مروان سفرها لأكبر مراكز التجميل في فرنسا وعملتلها عمليات ليزر وتجميل ضيعت جزء كبير من آثار الحروق، رغم إنه كان دايماً بيقولها أنا شايفك أحمل ست في الدنيا بالآثار دي أو من غيرها.
يحيى ويوسف ومريم كبروا ودخلوا أحسن مدارس وجامعات، وكانوا دايماً بيشوفوا مروان هو أبوهم وسندهم في الدنيا، وأميرة هي الأم والأخت والبطله اللي أنقذت حياتهم من وسط الرماد.
تمت.
