ام تسجن ابنها

ام تسجن ابنها 
بصي الطفل اللى بياكل من القمامه ده والله حرام الجمال والبرائه دى تتبهدل بالشكل ده فين الرحمه 
بقولك ايه انتى مش هتبطلى الحنيه الزياده اللى فيكى دى امشي خلينا نروح مشوارنا 
استنى بس وسابتها ودخلت اقرب مطعم وجابت اكل واتجهت للطفل لتعطيه الطعام وهى تقول له سيب اللى فى ايدك ده وخد الاكل ده 
فنظر لها وقال انا اكلت خلاص انا بدور على لبن لبنت اختى الرضيعه عماله تبكي وصعبانه عليا وخاېف لټموت من الجوع 
نظرت له نسمه بعطف وشفقه بنت اختك امال فين امها وابوها وأهلك انت كمان فين 
مش عارف انا كنت عايش مع اختى الكبيره فى غرفه فى مكان 
مهجور مافهوش ناس ولما كنت بسالها عن والدى ووالدتى تقولى ماتوا انا ماشوفتوهمش
وكانت اختى بتسبني فى المكان لوحدى وتخرج تشتغل عشان تجيب لينا اكل 
لحد ما امبارح لقيتها بتصرخ وتتوجع سألتها مالك يا اختى قالت لى اخرج بره شويه ياحبيبي انا بولد 
ولقتها بعد فتره بتنده عليا وبتقول لى ادخل يا ياسر 
فدخلت لقتها بتقول لى قرب واقعد جنبي 
قربت وقعدت جنبها وضعت بنت فى حجرى وقالت لى دى بنتي بنت اختك انا اتضحك عليا يا ياسر ودى النتيجه لما تكبر هتفهم كلامى وأدتنى ورقه وقالت لى دى فيها اسم ابو بنتي خلى بالك منها واديها لابن الحلال اللى تعتقد انه ممكن يساعدك وقالت لى خلى بالك من اختك وحاول تجيب ليها لبن وترضعها ولو ماعرفتش دور على اى حد كبير واسأله 
وماټت وانا مش فاهم حاجه وكل ما احاول اسأل حد يزعقوا لى ويقولوا لى ابعد من هنا 
حتى فى واحد دخل عليا الغرفه وفضل باصص لى وانا فضلت اقول له انت مين ممكن تساعدنا ماردش وقرب بص فى وجه بنت اختى فتره طويله وقام ماشي وسابنا
اخدته نسمه من يده وقالت له تعالى ورينى مكان اختك وانا هتصرف 
ندهت عليها ملك يا بنتى رايحه فين يا أدى الجنان اللى طالعالى فيه واخده الواد ورايحه فين 
تركتها نسمه وذهبت بصحبة ياسر واحضرت راضعه معها وذهبت 
وعندما وصلت للمكان وجدت كلام ياسر حقيقي وطفله رضيعه تصرح وتبكي ملفوفه فى قطعة قماش لا حول لها ولا قوه وبمجرد ان وضعت الراضعه فى فمها رضعت الطفله وتوقفت عن البكاء 
فقال الطفل ياسر اشكرك شكلك طيبه اوى انا كنت ھموت من الخۏف لټموت منى 
نظرت نسمه فى الغرفه لتجد الام بالفعل قد فارقت الحياه بسبب الولاده الصعبه التى مرت بها وعدم العنايه بها
اتصلت على ابن عمها ظابط شرطه ليساعدها فى تخليص إجراءات الډفن لهذه السيده المتوفيه والعمل على ډفنها وساعتها بالفعل على ذلك 
وبقى الطفل والرضيعه 
فسالها ابن عمها تحبي اشوف دار أيتام ندعهم فيها 
فقالت له لا سابني اشوف هعمل ايه معاهم انا متشكره ليك اوى على وقفتك معايا 
ملك
صاحبتها كانت واقفه ليه يا بنتى ماخلتهوش يشوف ليهم بالمره دار أيتام يداعهم فيه بعلاقاته بدل ما يرجعوا للشارع 
فقالت نسمه ومين قال ليكى اني هرجعهم للشارع تانى 
ملك امال يعنى هتحنطيهم 
نسمه لا هخليهم معايا 
ملك تخليهم معاكى ازاي يعنى 
نسمه انا هتبنى البنت دى وهربي الولد كمان ذنبهم ايه يعيشوا فى الشارع او دار أيتام فى السن ده دا الواحد بيسمع ياما عن اللى بيحصل فى الدار والشوارع 
ملك انتى اتجننتى تتبني ايه لا طبعا دى بنت ...وبعدين الولد ده مستوعب ان دى مش بنتك 
نسمه ماتكمليش وهى ذنبها ايه اهي جت للدنيا وخلاص لا تعرف هى جت ازاى ولا ليه تقدري تقولى ذنب واحد عملته عشان تقولى عليها كده
ملك ذنبها امها اللى جابتها الدنيا وابوها اللى اتخلى عنها دول مش كفايه 
نسمه لا مش كفايه انا بقولك ذنب هى اللى عملته 
ملك انتى مش عشان شلتي الرحم ومش هتخلفى تتبنى عيله من الشارع وبنت ..
نسمه بزعيق بتقوليها تانى قولتلك ماتقوليش عليها كده تانى انا هتبناها يعنى هتبناها وايه رايك هكتبها بأسمى 
ملك ايه تكتبيها بأسمك وازاى دا بقى هيحصل وعماد هيردا بكده ازاى
نسمه هيردا دا بنأدم كل اللى همه الفلوس وده اللى اكتشافته بعد جوازى منه اتريه متجوزني عشان الفلوس تعرفى ولا فرق معاه انى زيلت الرحم ومابقاش عندى احتمال انى اخلف بل بلعكس انا حسيت انه انبسط