رواية كاملة

حماتي اخدت سلفتي فرح بنت اختها وقالتلي انتي خليكي كملي شغل البيت ، ولما سالتها ليه انا مروحش الفرح قالتلي قدام الكل انا بتكسف منك وعايزه حد يشرفني، متناقشتش وياها ولا زعقت بس قررت اشرفها بطريقتي وحضرتلها مفاجأه بلعتها لسانها وندمتها على كل حرف قالته!!!!
اتجوزت طه جوزي من سبع سنين في بيت عيلته ،ومن اول ما نزلت عند حماتي وهيه دايما تشتكي وتأن من ۏجع ضهرها وركبها، تقول لي يا بنتي ضهري مكسور وركبي مش شيلاني، وأنا كانت تصعب عليا أوي، أقول لها ارتاحي أنتِ يا حماتي وماتحطيش إيدك في حاجة
. ومن هنا كانت البداية.. الراحة دي تحولت عندها لعادة، والشقا والخدمة والمسح والطبيخ والغسيل بقوا عليا أنا فرض اجباري! من أول ما أصحى الصبح لحد ما أحط دماغي على المخدة بالليل، وانا بلف في البيت زي النحل
قلت معلش، بكره ربنا يفرجها وسلفي الصغير يتجوز، والعروسة الجديدة تيجي تشيل معايا شوية، يخف الحمل من على كتفي وأتنفس. و من تلات سنين جت العروسه مروة.. بس يا فرحة ما تمت! الدنيا فضلت زي ما هي،. مروة دخلت البيت شايلة إيدها من كل حاجة، تنام للضهر، تصحى تدور على فطورها، ولا تحط إيدها في كباية. لا بتغسل ولا تكنس ولا لها في اي حوار
بس مش دي المشكله ابدا ...المشكله كانت في المقارنه الظالمه جدا بيني وبينها 
يعني مثلا لما كان يكون عندنا مشوار، عزومة عند حد من العيلة، أو أي لمة ، كنت ألبس لبسي الاعتيادي اللي أنا مقتنعة بيه ومستورة بيه.. عباية واسعة وطرية، وطرحة مظبوطة .. لبس اتعودت عليه وعمر ما حد كان عنده اعتراض عليه
لكن مروة كانت بتلبس أحدث الدريسات، وأغلى الماركات، وميك أب وعطور آخر شياكة وأناقة، لأنها مكنش وراها لا بيت ولا مصاريف ولا عيال ولا حساب لبكره فكان كل قرش معاها بتصرفه على نفسها.
أنا بقى عكسها كنت دايما اشوف ان الأولاد أولى، البيت ناقصه حاجات، فيه التزامات، لبس لعيالي جوزي مقدرش يجيبه و كنت بكتفي بعبايتي وطرحتي 
بس حماتي مكنتش بتشوف ده خالص! كانت دايما تبص لي بقرف وتقلل مني، وتقول لي شوفي سلفتك مروة عاملة إزاي وشياكتها إزاي! اتعلمي منها شوية.. بصي لها دايما متمكيجة ومتعطرة وآخر أناقة، مش أنتِ اللي ډافنة نفسك في العبايات!
كانت مروة تتغر وتفرح بالكلمتين دول، وأنا كنت أعدي، وأقول معلش، بيتي وولادي يستاهلوا إني أعدي عشانهم وعشان مركب حياتي تمشي من غير مشاكل وحتى مكنتش اشكي لجوزي.
لكن لما الموضوع يوصل للإهانة وكسرة النفس قدام أمة لا إله إلا الله، يبقى خلاص، مابقاش فيه حاجة تتبلع ولا حاجة تعدي
يومها كنا متجمعين كلنا عند اخت حماتي، عشان بنتها كانت بتتجوز. ومن صباحية ربنا وأنا
واقفة على رجلي، شغال بزمة وضمير، بنظف وأطبخ وأحضر مع الستات
لحد ما الليل ليل وصوت الكلاكسات بره بدأ يرن، العربيات وصلت عشان تاخد الناس القاعة تحضر الفرح. البيت اتقلب، والكل جري على الأوض يلبس ويجهز عشان الفرح. أنا كمان دخلت، لبست عبايتي النظيفة المحترمة وطرحتي كانوا جداد وشكلهم جميل مفيهمش غلطه، وجريت على ولادي الاتنين، لبستهم بدل صغيرة تجنن، وطلعت وأنا فرحانة وبقولهم يلا بينا عشان نلحق العربيات.
وأول ما جيت أطلع وأحط رجلي على الباب مع حماتي، لقيتها وقفتني وبصت لي من فوق لتحت وقالت لي 
أنتِ رايحة فين؟ أنتِ خليكي هنا، كملي شغل البيت وروقي مطرح الناس مع الستات الكبار اللي هيقعدوا.. أنا هاخد مروة معايا.
أنا اتسمرت مكاني، وقلت لها باستغراب وذهول
وأنا مروحش ليه يا حماتي؟! أنا جهزت وجهزت العيال وخلاص نازلين اهو!
ردت عليا، مش بيني وبينها.. لا! بصوت عالي وواضح قدام العيلة كلها، والرايح واللي جاي
بصراحة كده.. بنت اختي بتتجوز من عيلة غنية ومريشة، وعايزين ناس تشرفنا قدامهم مش تكسفنا! أنا هاخد مروة، شايفاها شيك ازاي؟ مروة تشرف أي حد وتملى العين.. لكن أنتِ بشكلك ده قعادك هنا ستره 
اټصدمت جدا وقولتلها ....ياحماتي الاولاد عايزين يروحوا ...وجوزي مستنيني هناك و....
بس قاطعتني وقالت بسخريه....جوزك هقوله انك بتساعدي هنا ومش هتفرق معاه وجودك زي عدمه مع اي حد مش معاه هو بس...ولو على العيال هاخدهم انا معايا
في اللحظة دي، الزمان وقف بيا .. الكل بقى يبص لي.. فيه اللي بيكتم ضحكته وفيه اللي يبص لي بنظرة شفقة كسرت قلبي مية حتة. أنا وشهي جاب ألوان، اتكسفت وحسيت بكسرة نفس عمرها ما مرت عليا في حياتي كلها ومعدتش عارفة أرد ولا أقول إيه من هول الموقف اللي حماتي حطتني فيه قدام الناس.
وأخدت مروة في إيدها.. مروة اللي من الصبح محطتش إيدها في كباية ولا رفعت قشاية من على الأرض! بس طالعة دلوقتي متظبطة، متمكيجة، ولابسة أغلى لبس، وشايلة ابنها الوحيد على دراعها بمنتهى الفخر والغرور، وبتبص لي وهيه كاتمه ضحكتها بالعافيه 
مشوا كلهم.. الصوت هدي، الكل راح القاعه الصغار والشباب، وأنا فضلت واقفة في وسط البيت مع الستات الكبار اللي مش هيقدروا على دوشة القاعة وهيصة الفرح.
في السكوت ده، وأنا وسط المواعين والكراكيب، حسيت إن كل اللي قدمته في السبع سنين دول اترمى على الارض!
وقفت، مسحت دمعة كانت هتنزل من عيني، وقررت اني لازم اشرف حماتي زي ما طلبت بس بطريقتي انا....طريقة الست اللي وجودها زي عدمه ، والمفاجأه اللي حضرتها علشانها ردتلي اعتباري وحطتها في موقف ندمها على كل حرف قالته !!!!!!
وقفت في وسط المطبخ، وبصيت حواليا.. الكراكيب، والمواعين اللي سابوها وراهم، وريح الطعام اللي فضلت علقانة في الهدوم. مسحت دموعي بطرف
طرحتي، وحسيت بڼار